ياترى ده عيب سواقه ولا عيب عربيه

[borio1704]

العربية لما تعلى عن الأرض مركز الثقل بتاعها بيعلى هو كمان ... وده يخلي العربية تتقلب أسهل

لو عايز معلومات أكتر عن اتزان العربيات بوجه عام... ادخل على الموضوع ده:
"عربية تقيلة ولا خفيفة؟؟؟ طبعا الخفيفة أحسن"

معلش لو الموضوع مش مكتوب في مشاركة واحدة... بس إن شاء الله تستفيد


فيه ملحوظة تانية

الشيروكي مبنية على شاسيه ... مش علب زي العربيات الحديثة... وده كمان بيقلل الاتزان

لو عايز معلومات عن الموضوع ده ادخل على الوصلة دي:
"عربية على شاسيه ولا على علب؟؟؟ اتعرف على طرق بناء السيارات"



...

[spera516]

اى يعمل الحركه دى بأى عربيه على هذه السرعه سيشعر ان العربيه هاتقلب بيه او انه هايفقد السيطره اللى فى حالات العربيات الواطيه (السبور) فما بالك بسياره جيب او اى عربيه عاليه ..
ياريت ماتكررهاش تانى
تحياتي

[محمدصلاح القاضى]

ياجماعه دى عربيه جيب

فاهمين يا عنى ايه جيب

يعنى عربيه تضرب العربيات اللى بنركبها بال.... القديمه

لانها ببساطه عفشه رياضيه بتاعت مطبات ونقر وجبال ورمال
يعنى ممكن تنزل من على الجبل بسرعه 60 كيلو وتاخد يمين او شمال شغاله تمام
لكن اللى حصل مع حضرتك دا
مش عيب سواقه ولا عيب ان العربيه عاليه
لا دا كله عيب فى نظام التوجيه الدريكسيون وكل اللى محتاجه
انك تكشف عليه وتغير التالف وابقى جرب بعد كدااا
وابقى ادعيلى لانى مجرب الجيب وكنت وبخمس بالهاند وعارف هى اد ايه هى ثابته
فلازم حضرتك تكشف على العفشه قدام لان دا كله عيب عفشه
ولو بتعيد زكريات العربيه دى مع حضرتك اكيد هتفتكر انك كنت بتعمل حاجات اكبر من كدااا والعربيه كانت بتساعد معاك
كلامى مظبوط ولا غلط ؟؟؟؟؟؟؟؟؟؟؟

[borio1704]

المشاركة الأصلية كتبت بواسطة محمدصلاح القاضى ياجماعه دى عربيه جيب فاهمين يا عنى ايه جيب يعنى عربيه تضرب العربيات اللى بنركبها بال.... القديمه لانها ببساطه عفشه رياضيه بتاعت مطبات ونقر وجبال ورمال يعنى ممكن تنزل من على الجبل بسرعه 60 كيلو وتاخد يمين او شمال شغاله تمام لكن اللى حصل مع حضرتك دا مش عيب سواقه ولا عيب ان العربيه عاليه لا دا كله عيب فى نظام التوجيه الدريكسيون وكل اللى محتاجه انك تكشف عليه وتغير التالف وابقى جرب بعد كدااا وابقى ادعيلى لانى مجرب الجيب وكنت وبخمس بالهاند وعارف هى اد ايه هى ثابته فلازم حضرتك تكشف على العفشه قدام لان دا كله عيب عفشه ولو بتعيد زكريات العربيه دى مع حضرتك اكيد هتفتكر انك كنت بتعمل حاجات اكبر من كدااا والعربيه كانت بتساعد معاك كلامى مظبوط ولا غلط ؟؟؟؟؟؟؟؟؟؟؟

حضرتك زعلان ليه؟؟؟

مفيش حاجة تزعل في الكلام اللي اتقال... المهم كلنا نفهم ونعرف أصل المشكلة علشان ما نقعش فيها تاني.

أنا متفق معاك في الكلام عن عيب العفشة... مش قدام بس.. وكمان في المساعدين الخلفيين


بس اسمحلي اختلف معاك تماما في بقية الكلام

كلامك يناقض قوانين الفيزياء المعروفة في العالم ... واحنا هنا مش بنتكلم على عيوب في الجيب، إنما بنتكلم على ظاهرة عامة في السيارات العالية

وخلي بالك... تجربتك مع الجيب كانت على سرعة 60 كم/ساعة على الجبل... مش على 100 كم/س في طريق أسفلت منحني... والتخميس برضو معتقدش إن سرعتك كانت تتجاوز الـ60

السيارات الجيب ليها أماكن استخدام مختلفة عن السيارات العادية، وفي الأماكن دي بتبقى متفوقة مفيش شك... هناك بس.


الثبات بتاع العربية مكون من أكتر من جزء، وداخل فيه حاجات كتير... يا ريت حضرتك تقرى الموضوع ده عشان تبقى الصورة أوضح:

"عربية تقيلة ولا خفيفة؟؟؟ طبعا الخفيفة أحسن"

وصدقني زعلك هيقل كتير



...

[osama-am]

متابع