كيف تتعامل مع المنعطفات و ما هو أداء سيارتك فيها .

[محمدصلاح القاضى]

فى حاجه
3/4 اللى بيسوق فى مصر
بيعملها كل يوم ومتخيل انها سليمه 100%

زى مثلا لو بياخد منحنى على سرعه تلاقيه
بيسيب العربيه تاخد الملف بسرعتها وبعدين اما تعدل وشها يدوس بنزين
لا المفروض فى حالات اخذ المنحنيات على سرعه لابد من الاستمرار فى الضغط على دواسه
البنزين حتى تملك السيطره التامه على العربيه فى توجيه مسار العربيه
ودا انا مجربه وبعمله بشكل يومى
سواء ب 132 او 516
كمان لو حضرتك كنت بتعمل عرزه على سرعه او بتكبس فرامل
ولقيت العربيه بتنحرف لاى مسار
اوووووووووووووووووووعى تدوس فرامل
كمل بنزين زى مانت واعدل وش العربيه
هتلاقى التحكم احسن فى العربيه
ودى شوية ملاحظات من واحد بيحب القياده الخشنه ( الرياضيه )

[shemosamy]

انا بهدي فرامل وانا داخلة علي الملف و اول ما العربية تدخل الملف برفع رجلي من علي الفرامل و ازود سنة بنزين

[miam0502788391]

شكرا لنصائح الأخوة
فى حاجة أخرى انا مجربها وبحس انها بتعطى ثبات أفضل للسيارة
حاول تاخد الملف على الغيار الأقل يعنى مثلا لو بتاخد الملف على سرعة 90 مثلا وانت على الخامس حاول تاخد الملف وانت على الرابع لأن كده هتاخد عزم أكبر للموتور وتحكم أفضل للطارة

[Ahmad Rizq]

ما شاء الله مشاركات قيمه جدا , فعلا تبادل الخبرات مهم جدا جدا جدا , لا حرمنا الله منكم يا شباب , و اتمنى المزيد من طرح الآراء حول الموضوع .

[borio1704]

السيطرة على العربيات في المنعطفات هي أهم تحدي بيواجه أي واحد بيسوق عربية، وسواء كان المنعطف ضيق أو واسع أو حتى كنت بتاخد غرزة، كل دي حاجات بيتحكم فيها عوامل وقوانين فيزيائية لازم نراعيها ونكون فاهمينها كويس قوي

أول حاجة في العوامل الفيزيائية دي:

الوزن

والمقصود بيه هنا وزن العربية بالكامل بما فيه وزن الناس اللي جواها ووزن أي شي تاني محمل في العربية ... زي الشنط مثلا،

والمعروف إن كل ما زاد وزن العربية كل ما كانت السيطرة عليها أصعب

والأهم من كده هو توزيع الوزن ده جوه العربية، بمعنى إن تركيز الوزن في جهة معينة من العربية أو على ارتفاع معين له تأثير قوي جدا في سهولة أو صعوبة السيطرة على العربية


والعوامل التانية المهمة :

السرعة

كل ما زادت السرعة كل ما كان السيطرة على العربية أصعب من ناحية الفرامل والتصاق الكاوتش بالطريق


نصف قطر الملف

كل ما قل نصف قطر الملف (أصبح أضيق) كل ما كان لازم نقلل السرعة


التماسك

والمقصود بيه هنا إزاي نقدر نطوع تصميم العربية علشان تمسك في الطريق ونقدر نوديها في المسار اللي احنا عايزينه.. والكلام ده بيتم عن طريق استخدام القوانين الفيزيائية في هندسة السيارات


على فكرة معظم القوانين دي الناس فاهماها، بس لازم ما تروحش من بالنا




اللي عايز يعرف معلومات أكتر عن أساسيات ثبات واتزان السيارات .. يدخل على الموضوع ده
"عربية تقيلة ولا خفيفة؟؟؟ طبعا الخفيفة أحسن"

الموضوع مكتوب في مشاركات كتير جوه الموضوع، فـ ما تقراش أول مشاركة وتخرج.




...