بخلص فى اوبل فيكترا كنت عاوز ارائكم

[mostafamoner]

السلام عليكم ورحمة الله وبركاته

انا قدامى عربية اوبل فيكترا 99 مانويل 1600 سىسى رشة برة ماعدا السقف فابريكة دواخل حالتها العامة كويسة ولسه هتاكد من الماتور والعفشة مطلوب فيها 45000
وممكن اخلص على 43000 كدة السعر كويس ولا عالى ياريت الافادة وياريت برضه لو فى نصايح من الاخوة الاعضاء ابص على ايه واتاكد من ايه فيها وكنت عاوز اعرف هى ممكن تشتغل بنزين 80 ولا لا واخبار استهلاك البنزين بتاعها ايه وقطع الغيار والسفر بيها
وجزاكم الله خيرا

[mr_astra]

السعر اقل من الطبيعى
شيك عليها كويس
والعربيات دى لو سلمية احسن من الجديد

شيك على التكييف
جهاز الـ ABS مهم اوى يكون شغال
العفشة طبعا وحالة الموتور ودايرة التبريد

[aa.ss]

الفيكترا عربية ممتازة وحتلاقى فيها كل اللى انت عاوزه بس لو بحالة نضيفة لانها لو ملعوب فيها هتتعبك اوى اوى ..يعنى الموتور والفتيس تتأكد انهم تمام و التكييف و الباور لو فيهم مشكلة ممكن تصرف الاف ..الموديل اللى حضرتك ذكرته سعره فى الحالة النضيفة مش بيقل عن 48 بل بيزيد عشان كدا اكشف عليها كويس ..وربنا يوفقك

[ابورودي]

السعر مش طبيعي خالص

[mostafamoner]

المشاركة الأصلية كتبت بواسطة mr_astra السعر اقل من الطبيعى شيك عليها كويس والعربيات دى لو سلمية احسن من الجديد شيك على التكييف جهاز الـ ABS مهم اوى يكون شغال العفشة طبعا وحالة الموتور ودايرة التبريد

للاسف اكتشفت انها موديل 1998 مش 1999 وتقربيا انا سمعته غلط ياترى فى فرق كبير بين موديل 1999 و1998 وجزاك الله كل خير على ردك واهتمامك ياكبير