الى ثوار التحرير الان

[abu_ruqayyah]

المصري المغيب...
اولا وقبل ان اطرح رأى الشخصي اود ان اقول لجميع اخوانى مع اختلاف رؤيتهم وارائهم فانا لا اشكك فى وطنية احد ولا أخون احد ولا اعيب فى احد ولكن خوفى على مصر وحرصي على ان نظل يدا واحد هو ما دفعنى للكتابة اليوم ، واذا وجد من يريد ان نتحاور فأتمنى ان يكون اسلوبنا حضارى وراقى ..
الكل يتفق معى فى ان الثورة المصرية شيء عظيم وكان لابد لها ان تحدث وان هذه الثورة ليست حكرا على قوى بعينها – لا على متظاهرين التحرير ولا احزاب ولا جماعات او حركات – بل هى ثورة الشعب كله التى يرى فيها تحقيقا لأماله الكثيره وتطلعاته ، وفيما نحن نشيد بهذه الثورة نجد بعض القوى الخارجية وعلى راسها اعدائنا الاسرائيلين تحاول ان تستغل الأمور التى تحدث لمصلحتها وهذا الأمر يحدث لكل الدول وجميع الدول تقوم به لتحقق اقصي درجة ممكنة لمصلحتها ، والشباب المصري الرائع صاحب الوطنية المؤكدة والذى لا احد عاقل يمكنه ان يزايد على وطنيتهم يتم استغلالهم لصالح دول اخرى و قوى داخلية طامعه فى السلطة ، فنجد ان الاقتصاد المصري عندما ينهار وتنتشر الجريمة والبلطجة من يقول : هكذا الثورات وهذا امر معتاد و العيش بكرامة وحرية افضل من اى مصالح اقتصادية وامنية.... وينشرون فكرهم المسموم للشباب الى ان يتكلم الشباب بحال لسانهم و من وجهة نظر الشباب ان هذا الكلام وهذه الشعارات التى تستفز مشاعرهم و حالتهم الثورية واندفاعهم الفطرى - لانهم شباب – هو فى صميم مصلحة البلد وانه يسعى لتحرير نفسه والاخرين و ان ينال من الكرامة ما يستحقه وهو للاسف لا يعلم ( او بعضهم يعلم ويتناسي لسبب ما الله يعلمه ) ان الاقتصاد هو عصب اى دولة فى العالم وان انهيار الاقتصاد له مردود قوى جدا وكبير جدا على الشعب والحكومة والدولة باكملها حيث ان فى عصرنا هذا تكون القوة الاقتصادية هى المسيطرة والمهيمنة على مصائر الشعوب ولها تأثير قوى جدا لا يقل اهمية عن القوة العسكرية ، فإذا فقدنا قوتنا الاقتصادية التى يجب ان نكون عليها سيجد اعدائنا مصالحه فى ذلك ويستغلنا ويستغل الديون المفرطة التى يمكن لا قدر الله ان تصل الى حد انه يستحيل علينا ان نردها ولن نجد من يعطينا اذا تسولنا ، هذا فضلا عن إحداث غلاء مهول يمكن ان يحدث ويصبح الشعب عاجز ان يملك قوت يومه وندخل فى زيادة انتشار الجريمة وسفك الدماء والسلب والنهب فقط للبقااااااااااااااااااااا ااء .......
اعتقد انى قد شرحت جانب من جوانب فكرة المؤامرة بحيث ان كل دولة تحاول انها تستغل جميع الظروف التى تحيط بها وتطوعها لمصلحتها قدر المستطاع ، وان مسألة المصلحة هنا تقوم بها كل دولة واى دولة ...........لكن ماذا لو هناك دولة معادية !!
من السفه بل وكل السفه ان نمحو من عقولنا فكرة المؤامرة , وذلك لاسباب بسيطة يفهمها اى مصري منها اننا كشعب مصري نكره الصهيونيين ونكره ما يفعلوه وكانوا يفعلوه فى فلسطين ونعرف تماما انهم يكرهوننا وان هناك حرب حتمية الوقوع سوف تحدث بيننا ولا يعلم موعدها الا الله سبحانه وتعالى وعلى الرغم من اننا نعلم انهم سيحاربوننا مرة اخرى بل ويصرحون ويلوحون عشرات المرات ويطرحون فكرة غزو مصر علنا إلا اننا نستهزء بمن يقول ان هناك مؤامرة تحاك على مصر .... واسمحوا لى ان اوضح فقط كى لا يفهم كلامى بشكل خاطئ ، فانا اقصد ان الشباب يتم تغيبهم عن الواقع وعن الماضى و الحاضر ونجد من يقول لهم : ياااااااااااااه انت لسة بتصدق حكاية المؤامرة ياراجل دا اسلوب النظام القديم دي ححج بيخوفوا بيها الشعب عشان يكرهوكم ، وتجدن من يقول : خطااااااااب ايه بس ومشير ايه ياعم دا هيعمل زى رئيسه اللى فات وهيقول زي ما كان بيقول ... (عذرا لو كان مثل رئيسه لما كنا تحررنا من النظام السابق حتى الان وكانت الضحايا لا تعد ولا تحصي ويجب ان نكون اكثر ثقة فى جيشنا ولا نعطى ثقتنا فى من يعيشون خارج بلادنا او حكومات لا يهمها اولا واخيرا الا مصلحة بلدها) الى اخره من كلام من شانه ان يغيب عقول اكثر الشباب ....
واملى ان نكون كلنا شباب واعى يراعى مصلحة الدولة العليا – تلك الكلمة التى نسمعها وتمر على مسامعنا مر الكرام – وان نراعى ان هناك عدو يتربص بنا وان بيننا من يعمل لصالحهم ( سواء كان مصري او اجنبي زي ما شفنا انهم مسكوا 3 امريكان بيلقوا قنابل وحجارة على الشرطة واجنبي فى المطار معاه معدات قنص ونيوزيلاندى معاه سترة واقية ضد الرصاص وخوذة ....والحاجات دى مستحيل تقال وتبث الا بعد التاكد من صحتها وحتى فى ثورة يناير العظيمة مسكنا الجاسوس الاسرائيلي ......فهل يضمن احدكم عدم وجود مخربين بين الثوار ؟؟ ) لذلك علينا ان نفكر بعقلانية من الذى يحدثنا وماذا يقول لنا وهل هذا فى مصلحتنا كمصريين ام لا...
واخيرا ...
لكى تقام الديمقراطية فلابد ان تقام حرية ولكى تقام الحرية لابد ان تكون فى اطار قانونى ولكى يطبق القانون لابد ان تكون هناك قوة تطبقة ولكى تكون هناك قوة لتطبق القانون لابد من وجود اقتصاد قوى ينفق على قوة حمايه القانون ومن اجل اقتصاد قوى فلابد ان يعمل الجميع ومن اجل ان يعمل الجميع لابد ان تخلوا الميادين والشوارع للمواطنين..............


وانا رأى صواب يحتمل الخطأ أو خطأ يحتمل الصواب ..

[fourseasons]

الله ينور يابشا.بس يارب نفهم و نفوق قبل منضيع وساعتها!!!؟؟؟؟؟؟

[abu_ruqayyah]

ربنا يجمع قلبنا يارب على قلب رجل واحد وناخذ بمشورة بعض ونسمع لبعض ولازم الكل يعرف سواء مؤيد او معارض او محايد ان قلة الأدب والسب والاهانة والاتهام لا يحل اى مشكلة ويشكك حتى مؤيدينك فى الفكرة بإمانك الشخصي بها ويدلل على ضعف موقف بشكل كبير

[abu_ruqayyah]

لذلك ارجو ممن يريد ان يتشارك معنا برأيه ان يمتنع تماما عن اى تجاوزات وان يحفظ ادبه وان يتشارك معنا بنية الوصول لحل الهدف منه مصلحة البلد


وشكرا

[mar mar]

المصري المغيب...
اولا وقبل ان اطرح رأى الشخصي اود ان اقول لجميع اخوانى مع اختلاف رؤيتهم وارائهم فانا لا اشكك فى وطنية احد ولا أخون احد ولا اعيب فى احد ولكن خوفى على مصر وحرصي على ان نظل يدا واحد هو ما دفعنى للكتابة اليوم ، واذا وجد من يريد ان نتحاور فأتمنى ان يكون اسلوبنا حضارى وراقى ..
الكل يتفق معى فى ان الثورة المصرية شيء عظيم وكان لابد لها ان تحدث وان هذه الثورة ليست حكرا على قوى بعينها – لا على متظاهرين التحرير ولا احزاب ولا جماعات او حركات – بل هى ثورة الشعب كله التى يرى فيها تحقيقا لأماله الكثيره وتطلعاته

اتفق معاك في الكلام ده


وفيما نحن نشيد بهذه الثورة نجد بعض القوى الخارجية وعلى راسها اعدائنا الاسرائيلين تحاول ان تستغل الأمور التى تحدث لمصلحتها وهذا الأمر يحدث لكل الدول وجميع الدول تقوم به لتحقق اقصي درجة ممكنة لمصلحتها


مين اللي وصل الشباب للمرحله اللي احنا فيها دلوقتي مين اللي خلي مليونيه جديده تتعمل تفتكر لو كان المشير راعي ربنا فينا كنا هنزل تاني ليه هو احنا نقصين وجع قلب وزي ما انت قولت احنا شباب ومن كلمتنا الغريبه الخاصه بينا زي
انجز
اخلص
جيب من الاخر
ياعم فكك مني
مش فايق
واللي كلها تدل اننا مش بنحب نطول في اي موضوع وعيزين الحوار يخلص وخلاص
يبقي لما تيجي تشك في حد مزقوق شك فيهم مش احنالانهم هما اللي مش عارفين يهدوا الشارع ومش عايزين يعملوا اللي يريح الشباب وبيستخدموا معاهم العنف تقدر تقولي لما بتضرب ابنك في البيت مش بيعند معاك ولا ايه
القسوه المفرطه بلا سبب تاكد اننا صح وهما اللي غلط



والشباب المصري الرائع صاحب الوطنية المؤكدة والذى لا احد عاقل يمكنه ان يزايد على وطنيتهم يتم استغلالهم لصالح دول اخرى و قوى داخلية طامعه فى السلطة ، فنجد ان الاقتصاد المصري عندما ينهار وتنتشر الجريمة والبلطجة من يقول : هكذا الثورات وهذا امر معتاد و العيش بكرامة وحرية افضل من اى مصالح اقتصادية وامنية

تفتكر تمن قنبله المسيله للدموع كام وكام واحده بتضرب من مش هقولك من يوم 25 يناير هقولك من امبارح لنهارده
اضرب العدد في السعر هتلاقي الملايين اللي بتصرف علشان يشتروا قنابل
وموضوع القنابل يخليني اجي لقنابل الاعصاب اللي بتترمي عليهم من امبارح بليل
وغير كده فلوس قناه جسر السويس اللي بدخل مليارات بتروح فين ؟؟؟؟؟؟؟؟؟؟؟؟؟؟؟؟؟ ودهب جبل السكري والدهب اللي تحت السد العالي
وغيرها من خيرات مصر متقوليش ان كل ده واقف بدليل انك بتروح شغلك وانا بروح شغلي كل يوم سواء في مظاهرات ولا لا
والاستثمارت الاجنبيه قفلت مؤقت لحد ماحال البلد تتعدل ولو مشيت احنا هنعرف ندور البلد دي بشاببها اللي مش لاقي شغل مش محتاجنهم هنعرف نقومها بس تنظف من الظلم اللي فيها



وينشرون فكرهم المسموم للشباب الى ان يتكلم الشباب بحال لسانهم و من وجهة نظر الشباب ان هذا الكلام وهذه الشعارات التى تستفز مشاعرهم و حالتهم الثورية واندفاعهم الفطرى - لانهم شباب – هو فى صميم مصلحة البلد وانه يسعى لتحرير نفسه والاخرين و ان ينال من الكرامة ما يستحقه

قالوا عني شاب سيس لا افقه غير التهيس وثقافه عمري تتمحور في شات الياهو والفيس بنطالي يسقط عن وسطي شبرين كشاب الخنفيس واقول الهاي واتبها بالثانكس اومان او بيس
واتفتفوا في شعري جلا او بالتوكه والدبابيس
اتقبل منك السبه وباني شاب سيس
فبصرخه شاب سيس اسقط نظام ورئيس



وهو للاسف لا يعلم ( او بعضهم يعلم ويتناسي لسبب ما الله يعلمه ) ان الاقتصاد هو عصب اى دولة فى العالم وان انهيار الاقتصاد له مردود قوى جدا وكبير جدا على الشعب والحكومة والدولة باكملها حيث ان فى عصرنا هذا تكون القوة الاقتصادية هى المسيطرة والمهيمنة على مصائر الشعوب ولها تأثير قوى جدا لا يقل اهمية عن القوة العسكرية ، فإذا فقدنا قوتنا الاقتصادية التى يجب ان نكون عليها سيجد اعدائنا مصالحه فى ذلك ويستغلنا ويستغل الديون المفرطة التى يمكن لا قدر الله ان تصل الى حد انه يستحيل علينا ان نردها ولن نجد من يعطينا اذا تسولنا ، هذا فضلا عن إحداث غلاء مهول يمكن ان يحدث ويصبح الشعب عاجز ان يملك قوت يومه وندخل فى زيادة انتشار الجريمة وسفك الدماء والسلب والنهب فقط للبقااااااااااااااااااااا ااء .......

وحضرتك نسيت ان علشان الاقتصاد يقوم لازم الناس تشتغل وعلشان الناس تشتغل يبقي لازم تريح الناس اللي هتشتغل دي يعني مش زي اللي مربوط في ساقيه يعملك شغل ب 20 الف وتديلوا 500 جنيه مرتب
وعلشان الاقتصاد يقوم لازم الناس تشتغل وعلشان الناس تشتغل يبقي لازم يكون شاب عنده القدره علي تحمل الشغل مش عندوا 70 والشباب مش لاقي شغل
وعلشان الناس تشتغل لازم يبقي فيه حد ادني للاجور مش يبقي واحد طالع عينه وواحد وقف عمل باي للكاميرا في اي فيلم ياخد بالملايين او رقاصه بتبيع جسدها تاخد بمئات الملايين
لو الحكايه هتفضل علي كده اعتقد مصر كلها هتتحول لشارع الهرم


اعتقد انى قد شرحت جانب من جوانب فكرة المؤامرة بحيث ان كل دولة تحاول انها تستغل جميع الظروف التى تحيط بها وتطوعها لمصلحتها قدر المستطاع ، وان مسألة المصلحة هنا تقوم بها كل دولة واى دولة ...........لكن ماذا لو هناك دولة معادية !!
من السفه بل وكل السفه ان نمحو من عقولنا فكرة المؤامرة , وذلك لاسباب بسيطة يفهمها اى مصري منها اننا كشعب مصري نكره الصهيونيين ونكره ما يفعلوه وكانوا يفعلوه فى فلسطين ونعرف تماما انهم يكرهوننا وان هناك حرب حتمية الوقوع سوف تحدث بيننا ولا يعلم موعدها الا الله سبحانه وتعالى وعلى الرغم من اننا نعلم انهم سيحاربوننا مرة اخرى

والله اللي هيحاول يقرب للبلد دي الشباب اللي مش عاجبك لانهم اندفاعي بالفطره حصالتلوا حاجه غريبه اوي خلال السنه دي
وهي عرف قد ايه بيحب مصر ويعني ايه وطنيه ويعني ايه تراب مصر
ولو حد خايف من عدوان خرجي يبقي مش احنا دول هما اللي خايفين مننا وهيفكروا مليون مره انهم يدخلوا مصر لان زي ما انت شايف الشباب بيقفوا قدام اي مدرعه ولا بيهمهم مابيخفوش ينزلوا الميدان اللي عارفين انهم احتمال 70 في الميه هيموتوا فيه
بس كل خوفهم من اهلهم لما يقولوا انهم ريحين الميدان
كل البلاد خايفه من الانتفاضه اللي في مصر انا حبه اقول عليها انتفاضه لانها حصلت بعد 30 سنه سكوت



بل ويصرحون ويلوحون عشرات المرات ويطرحون فكرة غزو مصر علنا إلا اننا نستهزء بمن يقول ان هناك مؤامرة تحاك على مصر .... واسمحوا لى ان اوضح فقط كى لا يفهم كلامى بشكل خاطئ ، فانا اقصد ان الشباب يتم تغيبهم عن الواقع وعن الماضى و الحاضر ونجد من يقول لهم : ياااااااااااااه انت لسة بتصدق حكاية المؤامرة ياراجل دا اسلوب النظام القديم دي ححج بيخوفوا بيها الشعب عشان يكرهوكم

اظن من حقنا احنا بيضحك علينا 30 سنه اتقلنا كلام طلع بعد 30 سنه غلط
ايه اللي هيخليهم يصدقوا في كلامهم المره دي
طب بلاش قبل الثوره خلينا في بعد الثوره شوف كميه الاشاعات اللي طلعوها سواء من الجرائد الحكوميه او الاعلام الحقير المصري اللي كان سبب اساسي في احداث ماسبيرو
من حقنا اننا نفقد الثقه

وتجدن من يقول : خطااااااااب ايه بس ومشير ايه ياعم دا هيعمل زى رئيسه اللى فات وهيقول زي ما كان بيقول ... (عذرا لو كان مثل رئيسه لما كنا تحررنا من النظام السابق حتى الان وكانت الضحايا لا تعد ولا تحصي ويجب ان نكون اكثر ثقة فى جيشنا ولا نعطى ثقتنا فى من يعيشون خارج بلادنا او حكومات لا يهمها اولا واخيرا الا مصلحة بلدها) الى اخره من كلام من شانه ان يغيب عقول اكثر الشباب ....

احنا حكومه ذكيه ووخده دكتوراه في تهدا الاحوال يا سيدي الفاضل
المشير ميقدرش يعمل زي مثلا لبيا او سوريا لان ببساطه الجيش ده جزء من الشعب المصري يعني هات لي عائله مالهاش حد في الجيش طبيعي لو كان مشي مع كلام مبارك وامر بالضرب في الشعب كان هيبقي ثوره من الشعب والجيش لان الجيش عمره ما هيضرب في الشعب اللي هو اهلوا
واحب اقولك علشان ابقي سبقت وقلتلك بالسناريوا القادم اتحاد الجيش مع الشعب والطنطاوي هيقع ولو لحظنا ان بعض الجيش بدا ينضم للشعب زي احمد شومان وتامر مش عارفه ايه كده
الا صبرا الا ياسر ان النصر قرييييييييييب

واملى ان نكون كلنا شباب واعى يراعى مصلحة الدولة العليا – تلك الكلمة التى نسمعها وتمر على مسامعنا مر الكرام – وان نراعى ان هناك عدو يتربص بنا وان بيننا من يعمل لصالحهم ( سواء كان مصري او اجنبي زي ما شفنا انهم مسكوا 3 امريكان بيلقوا قنابل وحجارة على الشرطة واجنبي فى المطار معاه معدات قنص ونيوزيلاندى معاه سترة واقية ضد الرصاص وخوذة ....والحاجات دى مستحيل تقال وتبث الا بعد التاكد من صحتها وحتى فى ثورة يناير العظيمة مسكنا الجاسوس الاسرائيلي ......فهل يضمن احدكم عدم وجود مخربين بين الثوار ؟؟ )

لا مش اقدر اضمنلك ان مافيش مخربين مندسين وسط الثوار
زي ما انت ماتقدرش تضمنلي ان الطنطاوي هيصدق في كلامه المره دي
طنطاوي في فبراير 2011: سأسلم السلطة بعد 6 شهور.
طنطاوي في نوفمبر 2011: سأسلم السلطة بعد 7 شهور.




لذلك علينا ان نفكر بعقلانية من الذى يحدثنا وماذا يقول لنا وهل هذا فى مصلحتنا كمصريين ام لا...

صدقني مش شفت ولا هتشوف شباب واعي زي شباب مصر لان ببساطه المثل بيقول اللي اتلسع منالشربه بينفخ في الزبادي وبجد المفاجائه اللي حصلت السنه دي ان عرفنا ان شبابنا بخير وبيعرف يقيس الامور صح
هقولك زي ما بقول لبابا وماما سبونا نبني مصر اللي احنا بنحلم بيها مش اللي انتم رضيتوا بيها


واخيرا ...
لكى تقام الديمقراطية فلابد ان تقام حرية ولكى تقام الحرية لابد ان تكون فى اطار قانونى ولكى يطبق القانون لابد ان تكون هناك قوة تطبقة ولكى تكون هناك قوة لتطبق القانون لابد من وجود اقتصاد قوى ينفق على قوة حمايه القانون ومن اجل اقتصاد قوى فلابد ان يعمل الجميع ومن اجل ان يعمل الجميع لابد ان تخلوا الميادين والشوارع للمواطنين..............

انا مش هرد لان الكلام ده ملخص لكلام حضرتك وانا قولت اللي نفسي فيه هو مش كلواولكن بعض اللي عايزه اقولوا


وانا رأى صواب يحتمل الخطأ أو خطأ يحتمل الصواب ..

ارفع القبعه وانحني في احتراااااااااام