تغيير اضائة الانوس كامله ( فوانيس + عدادات + شنطه وصالون ) بالصور

[عصام غنايم]

انت مهندس وكبير المهندسين ياباشا وربنا يصلح حالك وحالنا

يا باشا دا انت اللى كبيرنا

وهى العين تعلى على الحاجب

حلقاتك كلها مفيدة وياريت تكملنا باقي الحلقات بصراحة احلي ما فيها انك بتشتغل بإيدك

اوعدك عن قريب بموضوع مميز اوى

[الصقر_الجارح]

السلام عليكم ورحمة الله..

أزي حضرتك يا عصام باشا؟ يارب تكون بخير دايما..

بقول لحضرتك أنا نزلت اشتريت لمبات ليد علبتين يعني 4 لمبات (اللي الواحدة فيها عشر ليدات), وفكيت العدادات بتاعت العربية زي الخطوات بالظبط,

المهم لما طلعت العدادات في أيدي جيب بركب اللمبات الجديدة لقيتها مش داخلة على الاخر والدواية مش راضية تتقفل

المهم حاولت بكل الطرق اننا اركب اللمبات مش راضية خالص, وخوفت أحاول تاني عشان مكسرش حاجة.

ياريت تقولي أعمل ايه في المشكلة دي؟

المهم قومت رجعت اللمض القديمة وقفلت وشيلت اللمبات الجديدة وقفلت, وبعد التقفيل لقيت نور التابلوه نصه فاصل كمان

فقولت مش هفكه تاني لحد ما ألاقي حل لليدات عشان اركبهم بالمرة ان شاء الله.

حاجة كمان ياباشا:

دلوقتي احنا عارفين إن الليدات فيها موجب وسالب مش زي اللمبات العادية..صح؟

طيب ازاي اعرف الموجب من السالب لما أركب الــ 4 لمض في العدادات؟

في انتظار حضرتك ياباشا.

[biomedo]

المشاركة الأصلية كتبت بواسطة الصقر_الجارح السلام عليكم ورحمة الله.. أزي حضرتك يا عصام باشا؟ يارب تكون بخير دايما.. بقول لحضرتك أنا نزلت اشتريت لمبات ليد علبتين يعني 4 لمبات (اللي الواحدة فيها عشر ليدات), وفكيت العدادات بتاعت العربية زي الخطوات بالظبط, المهم لما طلعت العدادات في أيدي جيب بركب اللمبات الجديدة لقيتها مش داخلة على الاخر والدواية مش راضية تتقفل المهم حاولت بكل الطرق اننا اركب اللمبات مش راضية خالص, وخوفت أحاول تاني عشان مكسرش حاجة. ياريت تقولي أعمل ايه في المشكلة دي؟ المهم قومت رجعت اللمض القديمة وقفلت وشيلت اللمبات الجديدة وقفلت, وبعد التقفيل لقيت نور التابلوه نصه فاصل كمان فقولت مش هفكه تاني لحد ما ألاقي حل لليدات عشان اركبهم بالمرة ان شاء الله. حاجة كمان ياباشا: دلوقتي احنا عارفين إن الليدات فيها موجب وسالب مش زي اللمبات العادية..صح؟ طيب ازاي اعرف الموجب من السالب لما أركب الــ 4 لمض في العدادات؟ في انتظار حضرتك ياباشا.

طب هوا شكل دواية القدام زي الجداد

بص انا كان عندي لمبه محروقه و غيرتها وانا بركب الجديده لقيتها عاوزه تقرب نقطتي توصيل الدوايه و في نفس الوقت اتاكد انك بتلف الدوايه في المجري يعني متكنش مدخلها زياده عن اللزوم

تاني حاجه احب اقولهالك حاول تنضف ظهر العدادات بقماشه و منظف مناسب علشان الاتربه قبل التركيب

ومبروك على اللمض

و جبتهم بكام

[ahmed_gamal777]

جزاءك الله خير

[الصقر_الجارح]

المشاركة الأصلية كتبت بواسطة biomedo طب هوا شكل دواية القدام زي الجداد بص انا كان عندي لمبه محروقه و غيرتها وانا بركب الجديده لقيتها عاوزه تقرب نقطتي توصيل الدوايه و في نفس الوقت اتاكد انك بتلف الدوايه في المجري يعني متكنش مدخلها زياده عن اللزوم تاني حاجه احب اقولهالك حاول تنضف ظهر العدادات بقماشه و منظف مناسب علشان الاتربه قبل التركيب ومبروك على اللمض و جبتهم بكام

الله يبارك فيك ياباشا

ياباشا انا اشتريت لمبات ليد جديدة بدون الدوايات فالدواية السودا اللي بتركب فيها اللمبة متغيرتش هي هي

يمكن حضرتك تقصد قاعدة اللمبة الجديدة

عامتا انا حاسس ان القاعدة اكبر بسنة بسيطة عن اللمبة الأصلية, بدليل اني لما بركب اللمبة الجديدة في الدواية مبترضاش تدخل على الاخر في ظهر اللوحة, مع اني مش جايب لمبة كبيرة انا جايب الصغيرة الــ 10 ليدات نفس اللي في موضوع الأستاذ عصام, لكن اللمبة الأصلية بتركب عادي.

ياريت تكون الصورة وضحت.

مش عارف اعمل ايه عشان تركب مرتاحة, حاولت بكل الطرق وفي كل الدوايات مبترضاش تركب, وممكن تركب بس بصعوبة أوي ولازم أميلها سنة لليمين, ولما ركبت منورتش.

فعشان كده عندي سؤال مهم:

لما اركب الليدات في ظهر لوحة العدادات افرق ازاي بين الموجب والسالب؟

لأن الليدات ليها موجب وسالب زي ما احنا عارفين.

وأنا فعلا هنظف ظهر العدادات بقماشة ولا حاجة وهنظف كمان مكان تركيب العدادات نفسها ان شاء الله.

بفكر ارش سبراي wd-40 على مكان الفيش في ظهر لوحة العدادات بس خايف لا يبوظ حاجة.

اللمبات ياباشا جيبتهم من عند الشيخ ناصر في سوق التوفيقية بــ 23 جنيه, طبعا سعرها كويس في المحلات العادية بتتباع بــ 15 جنيه للطقم الواحد يعني الطقمين بــ 30 جنيه,

وعندنا هنا في الشيخ زايد حرامية بيبيعو الطقم الواحد بــ 25 جنيه, يعني 50 جنيه للطقمين حسبي الله ونعم الوكيل.

وأدي صور للمبات:




واسف على التأخير في الرد بس كان عندي ظروف والله.

في انتظار رد الأستاذ عصام.