تشتريها بسقف و لا من غير ؟؟

[capink]

المشاركة الأصلية كتبت بواسطة lol64 كلام حسام تمام ياستروين انا كان نفسى اجيب الالنترا بفتحه سقف ودلوقتى ندمت والله انى مجبتهاش بفتحه السقف لانها ماينفعش تتعمل وسيبك من اللى بيقولوا بارومه دول حافظين ومش فاهمين

لو رجع بيك الزمن تاني تغير ايه غير فتحة السقف. و يا ترى تجيب النترا و لا سيراتو (خصوصا انك واضح انك سوقت السيراتو اكتر من مرة).

[سيف الدين سعيد]

اخويا العزيز . حاوضحلك الموقف بس شويه عشان ماتبقاش الأمور فيها اى لبس بالنسبالك .
العربيه وهى فى مصنعها . الصاج دا بيدخل على المكابس عشان ياخد الإسطمبه بالشكل المطلوب طبعا . وهنا مابيكونش فى العمليه اى خطأ او عيب . وفى نفس العمليه بيتم فتح الصاج عشان الفتحه تكون مظبوطه . ولما بيتكبس الصاج بيتعمل حساب ان شفة الصاج المحيطه بالفتحه تكون متنيه بالكابس طبعا الى الداخل بحيث ان حرفها مايكونش مكشوف .
بعد كده بدخل الصاج على مراحل العزل بالطبقات المختلفه عشان يطلع بلونه النهائى الأسود زى ما حضرتك بتشوف قطع الغيار اللى بتتباع من رفارف او كبوت او شنطه .... الخ . وهنا بيخد السقف كفايته من العزل الكامل لكل منطقه فيه وبالطبع المحيط بفتحة السقف بيكون معزول جيدا . ويدخل بعد كده على التجميع فى جسم السياره ثم الطلاء .. وبعد كده طبعا بتركب الكاوتشات المانعه للمياه بعد كده بتركب ماكينة السقف والتحريك وبيتم اختبار كامل على تسريب المياه للتأكد من عدم نفاذ اى ذرة ماء منها .
وكمان فى فتحات احتياطيه بتكون موجوده عشان تسريب اى مياه تتواجد فى هذه المنطقه فورا عن طريق مزاريب بخراطيم موصله الى فتحات فى اسفل السياره .
المهم ان مشكلة الصدأ والبارومه مش بتظهر فى العربيات اللى بتكون نازله بفتحة سقف من مصنعها . انما فى العربيات اللى بيتعملها فتحة سقف ( عموله ) هنا فى مصر . ودا طبعا لعدم وجود مرحلة العزل لحواف الصاج فى منطقة الفتح . وكمان نوع الكاوتشات اللى بتكون غالبا مصرى من نوع رخيص فبتنفس وتجمع مياه تحتها . ارجو انى ماكونش اطلت عليكم . بس حبيت اوضح توضيح بسيط على حد علمى . وانا شخصيا كنت باتمنى ان عربيتى تكون بفتحة سقف حتى لو حاعمل لها اسبيشيال اوردر مخصوص من بلدها . بس عنصر الوقت ما ساعدنيش .

[citroeen]

شكرا يا سيف باشا و capink شكرا ليكم وlol ووكل الناس وشكرا ياسيف باشا على المعلومات الجميلة دى و افدتينى كتير بجد الف شكرا وكدة اطمنت

[lol64]

المشاركة الأصلية كتبت بواسطة capink لو رجع بيك الزمن تاني تغير ايه غير فتحة السقف. و يا ترى تجيب النترا و لا سيراتو (خصوصا انك واضح انك سوقت السيراتو اكتر من مرة).

انا اللى كان حاكمنى ساعه الشراء الفلوس لانى كنت مصمم اجيبها كاش مش قسط
فمقدرتش ازود عشان فتحه السقف وكنت عاوزها ب فرامل abs وكانت ساعتها هاتبقى اوتوماتيك
بالنسبه للالنترا والسراتو الاتنين واحد بس كلمه حق والشهاده لله سبحانه وتعالى الالنترا سواقتها الذ الذ الذ معرفش ليه بس ده احساسى كل مره اسوق السيراتو

[سيف الدين سعيد]

المشاركة الأصلية كتبت بواسطة citroeen شكرا يا سيف باشا و capink شكرا ليكم وlol ووكل الناس وشكرا ياسيف باشا على المعلومات الجميلة دى و افدتينى كتير بجد الف شكرا وكدة اطمنت

العفو ياباشا دا واجبنا كلنا هنا اننا نفيد بعضنا ومانبخلش بالمعلومه على حد .