كيف تفوقت هيونداي على اليابانيين والغربيين؟! - منقول

[ahmed_kamel]

طبعا وجوده في قسم تويوتا أكثر دقه
بس يارايت يكون في قسم خاص للكزس
عشان ديه شركه محتاجه مننا دراسه وتركيز أكبر من كده
وهوه ده قصدي ياسامح باشا في أرشفة المواضيع
أنا مع النظام بس النظام الدقيق
يعني أنا ممكن أقلك السكينه في المطبخ مثلا بس لو قلتلك السكينه جنب البوتجاز أكيد ده أكثر دقه وعلى فكره بدون ذكر المطبخ ....... هوه ده قصدي
والمشرفين طبعا قايمين بدور جبار أنا عارف لأن المنتدى لسه في أوله
وشكرا ياسامح باشا على الكلام الجميل إللي إنت كتبته وعلى فكره أنا من أشد المعجبين بمواضيعك خاصة التي تخلق جدل , طريقة عرضك للموضوع تتسم بطرح قضيه جدليه تجعل الكل مضطر للرد والدخول في المناقشه وده سر النجاح ptmnlo123per154

[فادى]

فعلا السيارات الكورية فى رأيى قريبة جدا من اليابانى,
و لكن الفرق أن سعرها مبرر, بينما السيارات اليابانية سعرها مرتفع بالنسبة لعدم تميزها, و أدائها الفقير فى معظم الأحيان, و انعدام التكنولوجيا و عدم اهتمامها بمعايير الأمان و البيئة الصارمة.
الكوريين و اليابانييين ولدوا بين أحضان الأمريكيين, سياراتهم هى محاكاة مصغرة للسيارات الأمريكية, و بينهم علاقة عضوية و قوية مع الشركات الأمريكية, تبدأ بتبادل التكنولوجيا الى التقليد حتى فى الشكل, نهاية بامتلاك الشركات الأمريكية لمعظم الشركات الكورية و اليابانية(دايو, سوزوكى, ايسوزو, ميتسوبيشى حتى وقت قريب, مازدا).
الأمريكيون صنعوا السيارات اليابانية, و سوف يعاودوا الكرة مع السيارات الكورية, لذا فانها سوف تصل الى مستوى السيارات اليابانية فى وقت وجيز ان لم تكن قد وصلت اليه بالفعل.
السيارات الأوروبية فى المقابل تمثل المستوى الراقى لهذه الصناعة, لاسيما من ناحية الأداء, و الأمان, و التكنولوجيا المتقدمة و الابتكارات, بالاضافة الى الجاذبية. و معظم الابتكارات فى عالم السيارات تخرج من اوروبا و لاسيما فرنسا.
تمثل السيارات الايطالية وجه الصناعة الرياضى الشرس المفعم بالحيوية و الانطلاق, بينما تمثل الفرنسية وجهها الناعم الجميل المبتكر, و المانيا تعمل على وجهها الفخم المفعم بالجودة و العناية بأدق التفاصيل, فى المقابل مازال الأسيويين يبحثون عن طابع محدد لهم, و حتى الأن لم يتوصلوا الى شىء, فنرى محاولات مضحكة من هوندا و سوبارو لتقديم أنفسهم بشكل رياضى مفتعل, فترى الافتعال و قد فرض نفسه على جوانب السيارة كلها, من أول المقدمة المبالغ فيها, الى العدادات صعبة القراءة, الى المجنح الخلفى الذى لا حاجة له فى سيارة سيدان صغيرة, أو عبر اعتماد تقنيات غريبة و مهجورة مثل سوبارو التى تصر على تقديم الامبريزا بدفع رباعى مستمر و محرك منبطح.
و لو نظرنا مثلا الى عالم السباقات سوف نجد أن التفوق الأوروبى واضح و صريح, من أول سبارقات الفورمولا واحد التى اصبحت حكرا على فيرارى, مع بعض اللمحات من رينو و مرسيدس, بينما تكتفى الشركات اليابانية بالمشاركة فقط.
حتى فى الرالى, فسوف نلاحظ تفوق شركات مثل لانسيا فى الماضى القريب, و حاليا بيجو و سيتروين, و كذلك فى سباق التحمل لومان 24 ساعة, و الذى يحتكره الايطاليين و الألمان بشكل دائم.
الخلاصة أن السيارات اليابانية و الكورية متطابقين بشكل كبير, لاسيما من ناحية الأداء و الراحة و التكنولوجيا المتوفرة, كلاهما سيارات مصممة وفق الاحتياجات الأمريكية (السفر, السرعات العالية على حساب التسارع, الراحة, الاهتمام بكفاءة التبريد و جهاز التكييف, سهولة القيادة, الاستهلاك السريع و العمر القصير), مع احتفاظ السيارة الكورية بميزة السعر.

[ahmed_kamel]

حتى فى الرالى, فسوف نلاحظ تفوق شركات مثل لانسيا فى الماضى القريب, و حاليا بيجو و سيتروين, و كذلك فى سباق التحمل لومان 24 ساعة, و الذى يحتكره الايطاليين و الألمان بشكل دائم.

واضح إن حضرتك نسيت الانسر إفيلوشن وسوباروا إمبريزا وباجيرو وتويوتا كورولا ليفت باك و .........

خليك واقعي وموضوعي شويه أنا لسه كنت رادد رد في نفس الموضوع إمبارح عشان نعدل دفة الموضوع من العصبيه للموضوعيه تيجي برضه تأكد على أن الميول المصريه للسيارات الأوروبيه هيه ديه القاعده وغير كده يبقى غلط
الموضوع نسبي من منطقه إلى أخرى عندك منطقة الخليج ميولهم آسيويه وأمريكانيه ليه لأن العربيات الأوروبيه مابتستحملش جوهم ولم تثبت كفاءه هناك مع إن الطرق عندهم زي الفل بس عندهم جو أعوذ بالله صعب جدا ده حتى البيجو الـ 504 إللي هيه عندنا هنا في مصر رمز القوة والمتانه والعمر الطويل ولا ليها أي لازمه هناك ومشاكلها بالعبيط ومن النادر جدا جدا جدا جدا تلاقي واحده ماشيه هناك وكما ذكرت سابقا الظروف الجويه عندهم بيصمد قدامها الياباني والأمريكاني والكوري كمان بس تيجي للأوروبي عندهم مابيستحملش .................. طيب أهي ديه حاله وقريبه مننا جدا وليهم ميول أخرى تماما

[Ahmed Anwer]

عموما الموضوع ده

شجعني اني انقل موضوع فكاهي كاتبه م/ فادي في منتدي اخر ،،

**** سيارات العالم في عيون المصريين ****

الايطالى : ميزة و لا اتنين و الباقى اسباجيتى... مع شكر خاص من جموع الميكانيكية الى شركة فيات الايطالية!

الألمانى : ادفع كل ما فى الجيب... و اكتشف بعد ذلك أنك تركب سيارة عادية جدا!مفيش حاجة زيادة يعنى.

السويدى : ميزتها الأمان...فقط!

الانجليزى: متبصش على أداءى...بص على الى مدفوع فيه!

الفرنساوى: اذا كان مشوراك 200 كيلو فسوف تقطع ال100 كيلو الأولى فى راحة و هدوء... لوكانت سيتروين أو رينو فسوف تتعطل بك و تتركك على قارعة الطريق, و لو كانت بيجو فسوف تنقلب بك و تتركك على قارعة الطريق أيضا, ده لو عشت!

الروسى: عبق الستينات! التكييف و الباور اختراع رأسمالى.

الأمريكانى: اذا نجحت فى تحمل سخافتها و قيادتها غير الممتعة, فأنت مقبل على أزمة اقتصادية طاحنة!

اليابانى: سيارة لعبة.

الكورى: تقليد لسيارة لعبة.

الصينى: سيارة لعبة مغشوشة!

المصرى(و تمثلها شركة النصر للسيارات عملاق صناعة السيارات فى الشرق الأوسط و المأسوف على شبابها رمسيس) : لن تدفع الكثير... و لن تحصل على شىء فى المقابل اللهم الا على فرحة ركوب سيارة بعد 7 سنوات من انتظار الحجز!