العودة   مصر موتورز مجتمع السيارات > تعديل السيارات والاكسسوارت > تعديلات رفع الاداء

تعديلات رفع الاداء car performance tuning - قسم خاص بتعديلات رفع أداء السيارة من محرك وأجهزة تعليق وفرامل الخ ...


إضافة رد
 
أدوات الموضوع
  #1  
قديم 23-05-2010, 05:39 AM
الصورة الرمزية Injection
Injection Injection غير متواجد حالياً
من انا؟: أنسان يعيش و يتعايش
التخصص العملى: تانية تجارة
هواياتي: Everything
 
تاريخ التسجيل: May 2010
الموقع: مصر الدور الرابع
المشاركات: 1,400
Injection has a reputation beyond reputeInjection has a reputation beyond reputeInjection has a reputation beyond reputeInjection has a reputation beyond reputeInjection has a reputation beyond reputeInjection has a reputation beyond reputeInjection has a reputation beyond reputeInjection has a reputation beyond reputeInjection has a reputation beyond reputeInjection has a reputation beyond reputeInjection has a reputation beyond repute
أبسط و أضمن تعديل لزيادة السرعة و التسارع (تخسيس العربية)

- طبعا أى حد تصفح المنتدى وقرإ مواضيعه هيبقى عارف تقريبا معظم التعديلات اللى ممكن تتعمل فى عربية علشان تخليها أسرع.
لكن أهم و أبسط تعديل محدش أتكلم عليه وهو تخفيف وزن العربية.

- موتور العربية هو قلبها مينفعش تمشى من غيره لاكن موتور 500 حصان من غير عربية مش هيتحرك من مكانه.

- لكن كل لما العربية وزنها بقى أخف كل لما الموتور قدر يوصل بالعربية لسرعات أعلى ويطلع بالعربية بشكل أسرع زى الفرق بين موتوسيكل هوندا 65 حصان وفيرنا 110 حصان مع ان موتور الفيرنا أقوى لكنها أتقل من الموتوسيكل براكبه مرتين على الأقل ونتيجة الجرى بينهما معروفة.

كلمتين فيزياء ملهمش لازمة: الوزن بالنسبة للقوة power to weight ratio وهى النسبة بين قوة السيارة على وزنها, يعنى كل كيلو من وزن العربية ليه كام حصان من أحصنة الموتور الفيرنا كمثال موتورها 110ووزنها حوالى 1000 كيلو بالقائد النسبة ستكون110/1000 وستساوى0.11 يعنى كل كيلو من ال1000 ليه 0.11 حصان.

- أما الموتوسيكل السابق ذكره فبفرض وزنه بقائده 300 كيلو تكون النسبة 0.22 يعنى ضعف النسبة السابقة.
ولذلك أذا أردنا نظريا أن نزيد من سرعة الفيرنا لتساوى سرعة الموتوسيكل علينا أن نجعل النسبتين موتساويتين أما عن طريق تخفيض وزن الفيرنا أو زيادة قوة محركها.

- كل ذلك نظريا وعلى الورق نظرا لعدم الأخذ بعزم الموتوسيكل والسيارة ونسب تروس ناقل السرعة ومقاومة الهواء لكلا منهما الخ الخ الخ.

- من الأخر لو جبنا عربيتين وزن واحدة 1000 كيلو وموتورها 100 حصان ووزن التانية 2000 وموتورها 200 حصان فالأثنين هيكونوا متساويين فى السرعة القصوى والتسارع نظرا لتساوى النسبة فأذا أراد أحدهما أن يسبق الأخر فعليه بتقليل وزن سيارته حتى ترتفع النسبة وتزداد سرعة السيارة القصوى بدون العبث بأداء السيارة.

- طرق عمل ريجيم للسيارة:-

1- نزع العجلة الأضافية والكوريك وكل مستلزماته.(عمرك شفت عربية فورميلا 1 فيها كوريك وسبير تاير)

2- نزع الكنبة الخلفية والكرسي المجاور للسائق ودى أى حد ممكن يعملها أو حتى سروجى.

3- نزع السجاد الموجود بالسيارة و جميع أنواع البلاستيك الغير ضرورية زى ال panels الموجودة على الأبواب بالأضافة للخشبة اللى كان السبير تاير محطوط تحتها.

4- نزع جميع وسائل الترفيه الموجودة بالسيارة زى السماعات و التسجيل و الزجاج الكهربا ومستلزماته والشاشات وهكذا (وأبقى أديهالى)

5- نزع التكيف بمستلزماته.

6- تبديل الكبوت الأصلى بأخر من الكاربون فايبر خفيف جدا وسعره مش غالى حوالى 2000 حتى 3000 جنيه بس مع تغيير الرفارف الحديد بأخرى فايبر والأبواب بالمرة

7- تغيير الجنوط بأخرى الومنيوم أخف فى الوزن.

8- نزع التابلوه بجميع مشتملاته مع شراء عدادات رياضية بدلا من الأصلية وطارة سبور.

9- نزع الزجاج الجانبى للسيارة.

10- أزالة كل مالا يمت للسيارة بصلة كالدباديب والمساحات و المفكات وأنت وخيالك.

11- عمل ريجيم للسائق نفسه وأنا مبهزرش, فى سباقات الفورميلا العربية بتبقى خفيفة جدا لدرجة أن فرق 5 كيلو وزن زيادة ممكن يكسب عربية ويخسر التانية وأهى صحة برضه.

- ولو التعديلات دى حد هنا كان مجنون كفايه وعملها هتديله تخفيض فى الوزن مش أقل من 400 كيلو وشوفوا دول فى عربية خفيفة وأساسا قوية زى الفيرنا ممكن يعملوا أيه.

- طبعا مفيش حد هيجيب عربيته ويخلع الكاسيت والسماعات والكنبة بتاعتها بس ممكن أى حد يعمل تجربه بسيطة ويجيب تلاتة أصحابه و يركبهم معاه ويشوف الفرق فى السحب والسرعة القصوى وبعدين يروح يوصل كل واحد على بيته ويشوف السحب عامل أزاى.

ملاحظة: الموضوع اللى فوق ده للناس اللى بتعمل عربية سباق لكن مين فينا مفيش فى عربيته حاجات قد كده ملهاش أى لازمة وبتزود وزن العربية على الفاضى وخلاص.

- فوائد تخسيس السيارة:-

1- زيادة فى السرعة القصوى.

2- زيادة فى تسارع السيارة

3- التقليل من أستهلاك الوقود.

4- تحسن أداء السيارة فى المنحنيات على السرعات العالية.

5- معظم التعديلات "ببلاش" ومع ذلك ليها الفوائد السابقة.

أمثلة:-


كبوت كاربون فايبر.


و أدى فيديو عن الموضوع:-


- على فكرة الشباب دول جامدين جدا وعندهم فيديوهات فى القناة بتاعتهم لو حد فاضى وعايز فيديوهات عن التعديل على خفيف.


و أدى القناة عن محد حوش http://www.youtube.com/user/mightycarmods

اشوفكوا بعدين.ptmnlo123per179
__________________

حكمة الشهر: ذاكر تنجح, غش تجيب مجموع

عذرا لقلة تواجدى بالمنتدى, تجارة بقى وأخر شهر بتاع الشغل كله.






التعديل الأخير تم بواسطة Injection ; 23-05-2010 الساعة 05:45 AM
رد مع اقتباس
  #2  
قديم 23-05-2010, 05:54 AM
فادى فادى غير متواجد حالياً
 
تاريخ التسجيل: Nov 2008
المشاركات: 1,394
فادى has a reputation beyond reputeفادى has a reputation beyond reputeفادى has a reputation beyond reputeفادى has a reputation beyond reputeفادى has a reputation beyond reputeفادى has a reputation beyond reputeفادى has a reputation beyond reputeفادى has a reputation beyond reputeفادى has a reputation beyond reputeفادى has a reputation beyond reputeفادى has a reputation beyond repute
افتراضي رد: أبسط و أضمن تعديل لزيادة السرعة و التسارع (تخسيس العربية)

موضوع جميل احييك عليه,
و فعلا حاجات محدش واخد باله منها بتزيد وزن السيارة.
بس معتقدش التعديلات ديه هتشيل 400 كيلو كاملين.
اعتراضى الوحيد مينفعش نشيل الكرسى اليمين, هو العربية الرياضية تبقى ليها لازمة من غير "مزة" جنب السائق.ptmnlo123per118.
__________________

أخر مواضيعى :
اختبار الفيات برافو 120 حصان تى جيت.

وداعا يا ايها الصقر الجسور
قضيت معكى أحلى ايامى.

فيات برافو مرحى مرحى
رد مع اقتباس
  #3  
قديم 23-05-2010, 06:02 AM
الصورة الرمزية Injection
Injection Injection غير متواجد حالياً
من انا؟: أنسان يعيش و يتعايش
التخصص العملى: تانية تجارة
هواياتي: Everything
 
تاريخ التسجيل: May 2010
الموقع: مصر الدور الرابع
المشاركات: 1,400
Injection has a reputation beyond reputeInjection has a reputation beyond reputeInjection has a reputation beyond reputeInjection has a reputation beyond reputeInjection has a reputation beyond reputeInjection has a reputation beyond reputeInjection has a reputation beyond reputeInjection has a reputation beyond reputeInjection has a reputation beyond reputeInjection has a reputation beyond reputeInjection has a reputation beyond repute
Talking رد: أبسط و أضمن تعديل لزيادة السرعة و التسارع (تخسيس العربية)

لا ياباشا ده كفاية تغيير الكبوت والرفارف, ده أنت تقريبا هتخلى العربية ماتور وفتيس وشاسيه بس, ووزن الحاجة دى يختلف من عربية لعربية (كبوت اللادا مثلا).


المشاركة الأصلية كتبت بواسطة فادى مشاهدة المشاركة

اعتراضى الوحيد مينفعش نشيل الكرسى اليمين, هو العربية الرياضية تبقى ليها لازمة من غير "مزة" جنب السائق.ptmnlo123per118.
هات أنت ال"مزة" وأنا أحطيلها أنتريه مش كرسى.ptmnlo123per193



__________________

حكمة الشهر: ذاكر تنجح, غش تجيب مجموع

عذرا لقلة تواجدى بالمنتدى, تجارة بقى وأخر شهر بتاع الشغل كله.





رد مع اقتباس
  #4  
قديم 23-05-2010, 08:25 AM
corsair
Guest
 
المشاركات: n/a
افتراضي رد: أبسط و أضمن تعديل لزيادة السرعة و التسارع (تخسيس العربية)

يا راجل يا طيب ده الواحد يعمل تخسيس لنفسه ارحم من البهدله اللي هتشوفها عربيته منه وبعدين الفيرنا عندي اساسا مش ملاحق علي سرعتها وهيه بكل مشتملتها كمان هزود البله طينه واشيل منها الكلام ده كله علي كدا العربية هتطير
رد مع اقتباس
  #5  
قديم 23-05-2010, 09:27 AM
الصورة الرمزية Injection
Injection Injection غير متواجد حالياً
من انا؟: أنسان يعيش و يتعايش
التخصص العملى: تانية تجارة
هواياتي: Everything
 
تاريخ التسجيل: May 2010
الموقع: مصر الدور الرابع
المشاركات: 1,400
Injection has a reputation beyond reputeInjection has a reputation beyond reputeInjection has a reputation beyond reputeInjection has a reputation beyond reputeInjection has a reputation beyond reputeInjection has a reputation beyond reputeInjection has a reputation beyond reputeInjection has a reputation beyond reputeInjection has a reputation beyond reputeInjection has a reputation beyond reputeInjection has a reputation beyond repute
Talking رد: أبسط و أضمن تعديل لزيادة السرعة و التسارع (تخسيس العربية)


المشاركة الأصلية كتبت بواسطة corsair مشاهدة المشاركة

علي كدا العربية هتطير


وهو ده المطلوب, بس أيه رأيك فى المثال بتاع الفيرنا والموتوسيكل, ده أنا حطه علشانك مخصوص.

يعنى تخيل معاك فيرنا بتجيب لغاية 220 وتطلع من اى عربية من غير أدنى تعديل على الموتور, لو الواحد مجنون شد يعملها.ptmnlo123per179
__________________

حكمة الشهر: ذاكر تنجح, غش تجيب مجموع

عذرا لقلة تواجدى بالمنتدى, تجارة بقى وأخر شهر بتاع الشغل كله.





رد مع اقتباس
إضافة رد

أدوات الموضوع

ضوابط المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code متاحة
كود [IMG] متاحة
كود HTML معطلة

الانتقال السريع

 MasrMotors غير مسؤول عن أي اتفاق تجاري أو تعاوني بين الأعضاء
التعليقات المنشورة لا تعبر عن رأي MasrMotors ولا نتحمل أي مسؤولية قانونية حيال ذلك ويتحمل كاتبها مسؤولية النشر


الساعة الآن 02:36 AM.


Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017