عمرة موتور ولا موتور جديد استيراد

[thechemist]

المشاركة الأصلية كتبت بواسطة Ahmed Elsahhar المشكلة انى اشتريت العربية لادا سمارة 1993 وكان ماتورها خفيف وطبعا ماكنتش اعرف ودة من 3 سنين بصراحة العربية حلوة وامتن كتير من 128 ومشيت بيها 3 سنوات وماتورها خفيف لكن الماتور بدأ ياكل زيت وريحة الزيت باينة فى العربية وهى شغالة ورحت للميكانيكى وقالى لازم عمرة للعربية بساتم وشمايز وممكن صبابات وفتحة لا يلعلمها إلا الله المهم الميكانيكى قالى انها فى حدود 1500 جنية طبعا قابلة للزيادة لكن السمكرى إل بتعامل معاة قالى هاتلك ماتور استيراد احسن ويكون حالتة كويسة ويبقى عندك ماتور تاخد منة قطع غيار وانا معرفش تمنة يبقى كام لكن فى ناس تانية قالولى المتور الاستيراد ممكن يطلع بردة فى مشاكل لكن العمرة احسن انها بترجع المتور لحالتة الاولى بصراحة انا محتار اجيب واحد استيراد ويعمل كام ولا اعمل عمرة للماتور وخلاص

من الواضح من كلام حضرتك ان الموتور عايز عمرة كاملة (يساتم وخرط شمايز وعمود الكرنك وصبابات وجلد الصبابات وسبيكة وهتحتاج اكيد تعمل روديه لوش السلندر)
انصحك لوجه الله خد معاك ميكانيكى تكون واثق فيه وهات موتور استيراد بس خلى الميكانيكى يفصصه وخد عليه ضمان من المكان اللى اشتريته منه اذا كان الموتور خفيف تقدر ترجعه وبكده يبقى انت وفرت على نفسك القرف بتاع العمرة والوقت الضايع

[Ahmed Elsahhar]

طب الموتور الاستيراد تمنة كام

[محمد تايسون]

عمرة الموتور احلى لسبب ان الموتور الاستررد اكيد مستعمل وانتا متعرفش حالته ايه لكن الموتور بتعك انتا عارف ايه حالته و الكلام ده فى لو ضمن الموتور الاستيراد وعلى فكرة عمرة او موتور هما الاثنين تقريبا بنفس السعر وشوف وصلت ليه وقولى سلام

[zing0]

فى كلا الحالتين نجاح الموضوع بعد توفيق الله
محتاج ميكانيكى خبييييييييييييير و أمييييييييييييييين
يعنى بيفهم فى العمرات و عمل 1000 مكنه قبل كده
و بيفهم إزاى يختار مكنه إستيراد متلعبش فيها (خراطيمها مقطوعه مش مفكوكه مثلاً....)
و أمانته أنه ميبيعكش للتاجر و يقبض من وراك.