المطبات تسبب 11 ضرر بالسيارة

[mamounrahhal]

موضوع مميز

[yaser4050]

المشاركة الأصلية كتبت بواسطة Nissan اولا اشكرك على المعلومات القيمة و لكن هناك نقطتين الأولى و هو التسمية الصحيحة للمطب حيث ان المطب العالى يطلق عليه مقب و ليس مطب و المطب المنخفض كما نعلمه فهو مطب أما الثانية فمن الاخطار التى يتسبب فيها عمل مطبات او مقبات دون داعى غنتشار البودرة الموجودة فى تيل الفرامل و هى من مادة الإسبستوس الخطيرة المسببة للسرطان و يفخر المواطن بعمل مطب امام محله او منزله قائلا فى جهل اعمى ( لازم العربيات تهدى أدام المحل بتاعى) و لا يعلم خطورة العادم اثناء التهدئة و خطورة مادة الإسبستوس

أنا من طنطا و يبدو ان المسئولين عن المرور و الطرق فى طنطا أذكى من العالم كله
ليييييييييييييه؟؟؟؟؟
لأن الطريق السريع من القاهرة لللأسكندرية مفيهوش مطبات غبية و بدون علامات تحذيرية غير فى محافظة الغربية
موش بس كدة دا كمان اذا مكنتش تفتح مخك مع السادة العساكر و الأمناء و حتى الظباط تتهف مخالفة سير عكس الإتجاة و عدم الإلتزام بالإشارة الضوئية و عدم استخدام الحزامو خلافه
دا موش افتراء عليهم والله دا حصل معايا مع انى بمشى جنب الحيط
ضيف إلى ذلك إن كثير من السادة قائدى السيارات اأجرة(تاكسى و ميكروباص) و أيضا التوك توك مؤخرا طماعين شويتين فاستخسروا الغباء و استولوا عليه كله مايحلاش الجرى إلا إذا اديتة اشارة يمين أو شمال انك هاتحود فيصمم فى الحالة دى يجرى و يعدى من ناحية الاشارة
ايه الذكاء العالى دا؟؟؟
عمار يا مصر

[magd131]

مشكور ياباشا عندك حق الناس بتعمل مطبات ومش مهم مين عربيته تتكسر المهم مطب والسلام

[goldenscorpion]

شكرا ع الموضوع الرائع .....و موضوع المطبات ده مهم جدا خصوصا في بلد زي مصر فيها ناس تحب تعمل مطبات صناعية ع الفاضي و المليان زي المطبات الصناعية اللي في حدائق حلوان و المعصرة كل واحد عامل أدام عمارته مطب صناعي غير مدروس و كل اللي يهمه ان الناس تهدي ادام عمارته أو فيلته و مش مهم عربيات الناس يجرى لها ايه و بعد دة كله نتمنى ان شوارعنا تبقى زي شوارع اوروبا تبقى زي الحرير طب ده هيجي منين اذا كنا احنا اللي بنعمل المطبات دي .............و شكرا مرة تانية ع الموضوع المفيد

[hyundai2005]

لا تخلو الطرق والشوارع من المطبات سواء الطبيعية أو الصناعية فنجد بعض الأشخاص يصنعون مطبات عشوائية غير مطابقة للمواصفات والقياسات الدولية بغرض تقليل سرعة السيارات مما يعرضها آلي خسائر وأضرار فادحة وهناك نوعين من المطبات :

الأول مطب عالي : ويكون ظاهرا لقائد السيارة أثناء السير نهارا ويمكن تفاديه عن المطب المنخفض .

الثاني المطب المنخفض : وهو صعب تفاديه وخسائر السيارات التي تعبره اكبر من المرتفع ويتحدد مقدار الخسائر بالسيارات الناتجة عن عبور المطبات حسب :


نوع السيارة ومود يلها سواء كانت حديثة أو قديمة .
سرعة السيارة لحظة عبورها على المطب .
حمولة السيارة أثناء العبور .
حالة المساعدين والسوست وإطارات السيارة .
مقدار ارتفاع أو انخفاض المطب واتساعه .

خسائر آي سيارة بعد عبورها المطب هي :

1- تفكك الصواميل والمسامير المثبتة لأجزاء السيارة .
2- كسر أحد المساعدين أو السوست أو كليهما .
3- كسر أحد المقصات .
4- كسر في أحد الكبالن وبيض الدركسيون .
5- كسر في الميزان أو إحدى الشدادات .
6- حدوث اعوجاج بالقنطرة الأمامية الطولية أو العرضية أو الخلفية .
7- تلف قواعد المحرك أو صندوق التروس وإطارات الكاوتش أو جنط العجل .
8- تلف علبة الشكمان .
9- تلف علبة الدركسيون وبلى العجل الأمامي أو الخلفي .
10- كسر أي جزء من الأجزاء السفلية بالسيارة مثل المحرك أو صندوق التروس أو الردياتير .
11- انحراف زوايا اتزان السيارة .

وينصح مهندسي الصيانة قائدي السيارات أثناء العبور لآي مطب صناعي أو طبيعي ما يلي :

1-عبور أي مطب بأقل سرعة ممكنة للمحافظة على أجزاء السيارة 0
2-عند تعرض السيارة لعدة مطبات يلزم الكشف على العفشة واعادة تربيط جميع الأجزاء وتغيير الجزء التالف .
3-ضبط ضغط الإطارات وضبط اتزانها .
4-ضبط زوايا العجل .
5-وضع علامات تحذيرية فسفورية قبل أي مطب بمسافة كافية .
6-دهان المطبات بلون فسفوري لتكون واضحة ليلا .
7-إلغاء المطبات المفاجئة في الطرق السريعة .