الحمد لله استلمت لانوس 2013 استفسار عن الريموت بتاع الانذار

[simsim1996]

المشاركة الأصلية كتبت بواسطة asom_6 الطريقة الأولى مشروحة فى الكتالوج علشان لوضاع الريموت او باظ تعرف تشغل عربيتك بالمفتاح وتلغى الأنذار ... بس طبيعى محتاجة يكون معاك المفتاح. أيه هى بقى الطريقة التانية اللى بتتعمل فى نص دقيقة دى ... قلنا على فكرتها يمكن نشوف حل ونفاديها بشكل ما .... عموماً كلامك مظبوط فى نقطة ان الانذار اساساً لعب عيال دلوقت واصلاً الناس اتعودت على صوته لانه بقى راكب على كل العربيات تقريباً وحتى الموتوسيكلات , يمكن أأمن طريقة مادية تقدر تعملها انك تشيل واحد من الفيوزات اللى فى علبة الفيوزات تحت الكبود خصوصاً بتاع طلمبة البنزين لانها مش هتدور ومحدش هيفهم ايه السبب والحل ساعتها انه يقطر العربية كلها. على فكرة انا مركب الأنذار علشان استفيد بالريموت ووحدات الرفع ... لأنى كتيييير جداً بنزل وانسى الزجاج وبتبقى رخمة قوى انك ترجع تانى تفتح الكونتاكت وترفع الزجاج ... بالريموت دوسه واحدة والسيد وولف يرفع الزجاج ويسنتر البيبان ويبقى كله تمام التمام الميزة التانية تشغيل الانتظار مع فتح اى باب من الابواب الاربعة بالنسبالى هما دول الميزتين الوحيدتين لجهاز الوولف باشا

نفس اللى بيحصل معايا اقفل وامشى واكتشف ان زجاج باب الراكب يمين السائق مفتوح ارجع افتح تانى الباب والكونتاكت وارفع الزجاج واقفل تانى

[بلاشانت]

المشاركة الأصلية كتبت بواسطة simsim1996 ربنا يكرمك ياباشا هاتعبك معايا وتصوره وتورينى شكله لانى مش عارف شكل جهاز الانذار ايه ولا راكب فين اصلا فى العربيه فلو شفت صورته ممكن ادور تانى والاقيه المشكله انه صعب اروح بالعربيه للتوكيل فى جسر السويس لانى ساكن فى اكتوبر والمصنع بتاعهم فى اكتوبر اجازه جمعه وسبت زى حالاتى تمام وبيقفلوا كل يوم الساعه اربعه ونص وانا بارجع البيت 6

حاضر هصور لك الزرار بس انا مش عارف انت جهازك معاه زرار ولا لاء
بس على فكره انا سالتك سؤالين فى اول الموضوع انت جاوبت على التانى ونفضلى فى الاول

[simsim1996]

المشاركة الأصلية كتبت بواسطة بلاشانت حاضر هصور لك الزرار بس انا مش عارف انت جهازك معاه زرار ولا لاء بس على فكره انا سالتك سؤالين فى اول الموضوع انت جاوبت على التانى ونفضلى فى الاول

ماعاش اللى ينفض لك ياباشا بس معلش بقى انا راجل عجوز وانت عارف الزهايمر بقى
انا راجعت تعليقاتك كلها واظن انك تقصد سؤال روافع الزجاج
انا رايح التوكيل يوم السبت ان شاء الله اكشف على لمبة ستوب الفرامل وهاسألهم هل فيه ضرر من تركيب الروافع والا مافيهاش ضرر

واذا كنت تقصد حاجه تانيه معلش قولها لى تانى

[simsim1996]

المشاركة الأصلية كتبت بواسطة بلاشانت الريموت بيتباع عادى لوحده بـ 50ج هتلاقيه فى التوفيقيه فى عربيه فان قديمه هتلاقى جواها كل انواع الريموتات بس ممكن سوال عن الانذار الى بينزل مع الانوس هو فيه وحده فصل للمرش يعنى لو انت قافل بالريموت وفتحت الباب بالمفتاح طبعا العربيه هتزمر بس ممكن تدور ولا لاء كمان الشنطه متوصله بالانذار بحيث لو حد فتحها العربيه هتزمر ارجو الرد من حضرتك

قفشت السؤال ياباشا مش هو ده برضه اللى تقصده ؟؟

الصبح هانزل واجرب ادور العربيه وانا قافل بالريموت واكتب لك تقرير باللى هايحصل بس لو الجيران حدفونى بحاجه هاقول لهم انت اللى قلت لى اعمل كده واصحيهم يوم الجمعه بدرى بسبب السرينه اللى هاتضرب

[بلاشانت]

المشاركة الأصلية كتبت بواسطة simsim1996 قفشت السؤال ياباشا مش هو ده برضه اللى تقصده ؟؟ الصبح هانزل واجرب ادور العربيه وانا قافل بالريموت واكتب لك تقرير باللى هايحصل بس لو الجيران حدفونى بحاجه هاقول لهم انت اللى قلت لى اعمل كده واصحيهم يوم الجمعه بدرى بسبب السرينه اللى هاتضرب

: 010104~171: