الصيني مش وحش ... برجاء عدم الافتاء دون علم ؟؟؟

[MmFFoR]

المشاركة الأصلية كتبت بواسطة xwaledx عايز اسال حضرتك سؤال هل لما نزلت الهيونداى ف 93 تقريبا حد كان يعرف عنها حاجة هل لما نزلت دايو ف 98 حد كان يعرف عنها حاجة والان اصبحت هذه السيارات ذات شأن مع التطوير المستمر فيها هل من 4 سنوات السيارات الصينى التى كانت تباع هى نفس السيارات التى تباع الان ؟ اعتقد لا فى تطوير وتحديث ولازم هيجى يوم وقريب جدا 90 % من سيارات الشعب صينية للرفاهية والامان والشكل واخير السعر تحياتى

اديك قلتها هيونداي بوني موجوده في الاسواق من 1981 على فكره و اقولك بصراحه مفيش هيونداي بتملى عينيا لحد دلوقتي و ملحوظه صغيره , هيونداي فاكره نفسها حاجه و كل الموديلات الجديده حتنزل بسعر زيها زي الاوروبي و الياباني و ساعتها بس حتبان الحقيقه المرّة ان هيونجاي مش وحش ولا حاجه ولكنها عربيه رخيصه بامكانيات معقوله فلما تشيل رخيصه يبقى الاوروبي بامكانياته المهوله و الياباني بجودته و عمره الطويل حتكتسك الهيونداي و الدايوو اللي عمرها ما كانت عربيه ليها لازمه

[hakam]

المشاركة الأصلية كتبت بواسطة hakam مش عارف الناس اللي بتفتي في العربيات الصيني عن غير تجربة بجد بيكون ضميرهم فين ؟؟؟ اكيد الانسان اللي بيفتي عن غير علم هو انسان بلا ضمير انا عن نفسي سألت 3 شوفتهم في الشارع راكبين صيني والتلاتة بجد شكروا فيها الاول كان راكب a113 وشكر فيها جداااا وقالي انه كان راكب قبلها ياباني وكوري وشايف انها افضل منهم والتالت كان راكب شانا بيني وشكر فيها جدااااااااااااااااا والرابع كان ركب جريت وول بيري ودا اقسم بالله انها انعم واوسع وافضل من الكوري اللي زي ماتيز مثلا واذا كان على موضوع قطع الغيار اللي مش منتشرة خارج التوكيل فدا شأن كل السيارات الحديثة وبل وبعض السيارات المنتشرة جدا زي فيات فيها موديلات تطلع الروح على ما تلاقي قطع غيار واسالو اللي راكبين فيات تيبو او حتى برافا واسالو كل اللي عندهم ستروين هذا العملاق الفرنسي الذي سأت سمعتة في مصر بسبب التوكيل الفاشل او حتى بسبب انتشار صفة السرقة في الصنيعية اللي بيشتغلوا في الفرنساوي ************************* ***

تخيلوا حازم الخضري " المشرف بالمنتدى " وجهلي انذار على هذا لموضوع ؟؟؟
حسبي الله ونعم الوكيل

[MmFFoR]

المشاركة الأصلية كتبت بواسطة hakam تخيلوا حازم الخضري " المشرف بالمنتدى " وجهلي انذار على هذا لموضوع ؟؟؟ حسبي الله ونعم الوكيل

مش علشان الموضوع و اعتقد علشان التلميح على مركز صيانة سيتروين بالسوء و صاحب المركز ده غيته رفع قواضي على اي حد بيشهر بيه فالمنتدى مش ناقص قضايا و مشاكل

[gladuter]

[hyundai2005]

متفتوش الصيني جامد شيل علامه التويوتا من عليها وشيل علامه الانجلون من عليها مش حتفرق اي حاجه الانجلون احسن واجمد وجربوا بنفسكم