الصيني مش وحش ... برجاء عدم الافتاء دون علم ؟؟؟

[MmFFoR]

المشاركة الأصلية كتبت بواسطة mms السيارات الصينيه ليست متساويه من حيث الامان او الجوده.فهناك ماركات افضل من اخرى وفى داخل الماركه الواحده هناك موديلات افضل من اخرى بل وبالنسبه للموديل الواحد هناك تصدى للعيوب المكتشفه بحيث تعالج فى الموديل الذى يليه . وهكذا فالسيارات الصينيه فى تطور مستمر ومذهل وسوقها فى ازدهار دائم وارقام المبيعات خير شاهد. بل وسعى الماركات العالميه الشهيره مثل مرسيدس وفولفو وتويوتا للتعاون مع الصانع الصينى كفيل بان يسكت من يدعى فشل السيارات الصينيه...وبعد زمن قصير سوف تطرد السيارات الصينيه ماركات اخرى كانت مضرب الامثال من سوق اسيارات.

في فرق بين انك تتحدث عن سياره صينيه بمكونات و تكنولوجيا و عقليه و فكر صيني و بين مرسيدس مجمعه او مصنعه في الصين!!! صح واللا ايه؟ و ثم ان انا كلامي على الصيني الموجود في مصر لان في ماركات صيني عملاقه ميفكروش اصلا انهم يستوردوها مصر لانها اغلى من البي ام و المرسيدس السي كلاس

[xwaledx]

المشاركة الأصلية كتبت بواسطة mmffor وحش الشاشة تعيش انت!!!! ثم انا كان معايا صيني فمبفتيش من غير تجربة!!!! الصيني عربية لا تأمن على نفسك و انت فيها و الا ليه مش بيعملوا اختبارات تصادم اوروبية!!!!! او امريكية؟؟؟ دايما الصيني بعد فضيحة البريليانس مدخلوش ولا عربيه في اختبارات التصادم الاوروبيه ابدا و في المقابل راحوا عاملين اختبارات تصادم صيني و يخلوا العربيه تخبط في حيطه سفنج على سرعة 30 كيلو في الساعة! و نزلوها على النت في كل حته! ضحك على الدقون يعني

الاخ الفاضل
فى الاول وفى الاخر مش مسألة امان ولكن انت فى الصينى بتاخد شكل وكماليات غير موجودة فى سيارات تانية من ناحية السعر
ثم هل الفيرنا او اللانوس او او او تأمن على نفسك داخلها ؟
لا اعتقد
ومش هتاخد كل حاجة فى عربية واحدة
تحياتى

[myoousry]

المشاركة الأصلية كتبت بواسطة xwaledx الاخ الفاضل فى الاول وفى الاخر مش مسألة امان ولكن انت فى الصينى بتاخد شكل وكماليات غير موجودة فى سيارات تانية من ناحية السعر ثم هل الفيرنا او اللانوس او او او تأمن على نفسك داخلها ؟ لا اعتقد ومش هتاخد كل حاجة فى عربية واحدة تحياتى

+1111111111111

[xwaledx]

المشاركة الأصلية كتبت بواسطة myoousry +1111111111111

مش فاهم قصدك ايه؟؟؟؟؟

طبعا اهم حاجة عدم الافتاء في اي حاجة بدون علم ... مش بس السيارات الصيني
بس فيه حاجة مهمة جدا الا وهي اعتقد الناس بتقول رايها في الصيني بأنة وحش لسببين مهمين
الاول : فية ناس ماجربتش العربيات دي وتبني كلامها على منتجات صينية اخري كلنا عندنا في البيت كل حاجة صيني من عدد تليفونات لغاية العاب الاطفال للفوانيس كله صيني المهم انت في البيت لما حاجة من دول تعطل مابتنفعشي تاني...يعني ترميها وتشتري غيرها ودا يودينا لسبب التاني
التاني: مرة كنت باسمع الراديو كانت واحدة مزيعه تسال مسئول التجارة في السفارة الصينية في مصر بانة الناس بتشتكي من الصيني وانة سئ وبيبوظ بسرعه المهم الراجل رد عليها قالها انتم هنا عندكم مناطق شعبية بتبيع حاجات رخيصة زي مثلا العتبة وفية مناطق بتبيع حاجات غالية زي مصر الجديدة وكدا يعني احنا كمان عندنا في الصين كدا يعني مناطق فيها بضاعة رخيصة واماكن فيها بضاعه غالية جدا بتتصدر لامريكا واوروبا وعمر ماحد اشتكى منها هناك فللاسف التجار المصريين عايزين يكسبو من الهوا فيروح المناطق الرخيصة ويجيب بضاعه رخيصة عشان يكسب كتير
هو دا مربط الفرس
يعني الصين بتعمل حاجات رهيبة ومن ضمنها طبعا العربيات بس التوكيلات اللي هنا في مصر بتستورد اسوأ وارخص حاجة هناك وتنزل هنا بعيوبها ومش مشكلة طالما صاحب التوكيل هايعمل ثروة من دا وطظ في الناس الغلابة ومش مهم فلوسهم تضيع في حاجات ممكن تكون احسن بكتير من اللي ياخدوة وبفارق سعر مش كتير عن المنتج الاونطة
اتمنى اني اكون وضحت كلامي بالنسبة للصيني...