|
سيارات مستعملة للبيع السيارات المستعملة ، اعلانات سيارات مستعملة للبيع فى مصر - قطع غيار - سيارات تاكسى - سيارات تجارية - تقسيط سيارات مستعملة |
![]() |
|
أدوات الموضوع |
#1
|
|||
|
|||
![]() السلام عليكم و رحمة الله و بركاته
انا اختكم من الاقاليم يعنى محافظة الشرقية يعنى المطبات انا معايا مبلغ 40000 بالعافيه محدش يقر يا ناس يا .. كفايه قر انا عايزة اجيب عربية حلوة من ناحية انها تبقى هاديه و فيها تكييف شغال و حلو بيسقع و عفشتها حلوة و صالونها حلو و تبقى حلوة فى المطبات مش بتاكل مطبات و طبعا قطع غيارها رخيصه و مش اصرف عليها و كمان لو بعتها مش اخسر فيها انا لما سالت و شفت اعلانات لقيت ان فى نفس الرنج ده فيه سبرانزا a113 , a516 و دايو لانوس و دايو نوبيرا و فيه ناس قالتلى كيا سيفيا او كيا شوما من الاخر اللى هتنصحونى بيه هو اللى هشتريه لانى مليش خبره يعنى يا ريت تنصحونى خير النصيحة منتظرة مشاركتكم و نصايحكم اختكم سها |
#2
|
|||
|
|||
![]()
مش فاهمه انا بدور على نصايح
حد يفيددنى |
#3
|
|||
|
|||
![]()
نصيحتى ليكى خليك فى الدايو لانوس لسبب مهم جدا
اولا بيعها اسهل بكتير جدا من الاسبرانزا ومن النوبيرا ثانيا سمعت ان النوبيرا لما نزلت مصر مكنتش نازلة جديدة لكن نازلة معاقين استيراد الخارج وفى الغالب بتكون مستعملة اصلا قبل ما تيجى مصر ثالثا قطع غيراها متوفرة ةرخيصة وحلوة حمالة شغل بالنسبة للاسبرانزا يوم ما تفكرى تبيعيها ثمنها هينزل كتير والناس عموما مش بتميل للعربيات الصينى بس لازم لازم لازم تفتحى عينك اوى وانتى بتشترى العربية لانك لو اتخدعتى فيها واشتريتى عربية مش اد كدا هتفتحى على نفسك فاتحة كبيرة اوى فى التصليح والصيانة وممكن تخسرى كتير فى بيعها فلازم تخلى بالك وانتى بتشترى ومتستعجليش |
#4
|
||||
|
||||
![]()
من راى الاسبرانزا افضل من لانوس سواء 516 او 113
ولكن افضلك الـ 113 لانها اصغر فى الحجم وبتمشى مع البنات
__________________
يااااااااااااا رب إرحمنا بقدرتك علينا ![]() |
#5
|
|||
|
|||
![]()
نصيحتى ليكى تبعدى عن الصينى وكمان الكيا سفيا عن تجربة شخصية كان معايا كيا سفيا اتوماتيك عربية زباله كل يوم حاجة تبوظ فيها وقطع غيار اعلى من الانوس وفى اصدقاء هنا كمان بيقولو نفس الكلام على الكيا شوما . من الاخر خليكى فى الانوس عربية محترمة سعرها فيها قطع غيار رخيصة متوفرة فى كل حتة وسعر حلو عند اعادة البيع وتنفع كمان فى شوارع الشرقية انا من الشرقية على فكره
|
![]() |
|
|