|
#46
28-11-2012, 11:59 PM
|
|||
|
|||
رد: ازاي تعرف ان اللي سايقه واحده ست ؟؟؟
على فكرة يمكن دي أول مشاركة لي من فترة كبيرة في المنتدى المحترم ..
بس لفت نظري العنوان .. ولما قرأت ما تحت العنوان .. حسيت أن صاحب الموضوع كان بيتجسس عليا وأنا ماشي ..ههههههههههههههههههههه بجد ربنا يعيننا على سواقة الحريم .. بس محدش يقول أعتبرها أختك أو أمك .. لأنه للأسف معظم الحريم التي تقود سيارات بالإضافة إلى الشلل الذي تسببة للطريق .. هتلاقي عندهم بعض المواهب من سواقين الميكروباصات أو التاكسيات من قاموس الشتائم والألفاض السيئة .. بس الميزة أنها تشل إلي أدامها وكمان بتشتم بس بصراحة بتكون قافلة الزجاج .. يعني بتشوف حركة شفايف بس ومش بتسمع حاجة [ الحق يقال ] .. وموضوع الأستاذ بتاع المقطم ده تقريباً حصل معايا بس للأسف كان هيقضي عليا أنا ومراتي وعيالي .. فكنت راجع من رمسيس من سبع أو ثمان أشهر تقريباً في اتجاه العباسية .. وفي شارع رمسيس الساعة الثالثة تقريباً قبل الفجر عند البنزينه على اليمين ونزلة كوبري على اليسار والطريق فاضي وماشي في الحارة في النص على 110 أو 120 تقريباً والدنيا زي الفل ... وإذ فجأتاً ألاقي حاجة كلها سودا [ متفيمة ] أتحدفت من أقصى اليسار إلى أقصى اليمين علشان تدخل في شارع البنزينة .. انا كل إلي عملته إني برجلي الاثنين دوست على الفرامل والعيال وأمهم بقوا في الدواسة . بصراحة حرقت دمي على منظر العيال أكثر من الخضة .. بصراحة رحت راجع تاني ورحت ورا العربية لاقيتها راكنة على اليسار .. ولسة نازل أشتم .. لاقيتها واحة ست .. قلتلها .. أنا مش هشتم ، كفاية عليكي الخضة إلي شربتيها .. ألاقي الهانم ترد عليا أنا جوزي ظابط وبابايا لواء شرطة .. بصراحة ومع احترامي للجميع .. وبعد أن كنت همشي .. قلتلها يلعن أبوكي لأبو جوزك لأبو أبوكي .. ورحت واقف بعربيتي قدام عربيتها وقلتلها يلا أحفظي رقم العربية كويس ووريني هتعملي إيه .. ورحت راجع عليها مشلفطلها وش عربيتها ومشيت .. والله أنا زعلت من نفسي بعد كدة .. بس هيا إلي تستاهل بسبب عنطزتها رغم أنها غلطانة . أسف على الإطالة ..بس ياريت كل الحريم إلي بتسوق تعرف كويس إن اليمين هيا الأيد إلي بيتاكل بيها والشمال هيا إلي مش بناكل بيها علشان يعرفوا يميزوا . 
|
|
#47
10-12-2012, 10:53 PM
|
||||
|
||||
|
رد: ازاي تعرف ان اللي سايقه واحده ست ؟؟؟
السلام عليكم و رحمة الله و بركاته
إخوانى الكرام رفقا بنا شوية احنا السيدات اخواتكم و بناتكم و امهاتكم يعنى مش معقول نتوقف كلنا عن السواقة علشان انتقاداتكم المستمرة لنا بصراحة انا تعلمت السواقة بعد زواجى و احتياجى لشراء طلباتى و احضار اولادى من المدرسة او النادى يعنى منذ 23 سنة تقريبا و لاننى لم اكن املك سيارتى الخاصة حاليا و الحمد لله فكانت سواقتى ليست ممتازة و يا دوب على قدى برغم تشجيع زوجى الله يبارك له و يعطيه الصحة و طول العمر و دائما بيقول لى سواقتك ممتازة بنسبة 90% بس انا شايفة ان 60% كفاية قوى *بس اللى اعرفه انى حفظت كرامتى بالسواقة وطبعا قبل اى شئ ستر ربنا *نجدت زوجى عندما اصيب بنوبة قلبية و ذهبت الى المستشفى القصر الفرنساوى وانا سايقة من مدينة 6 أكتوبر بستر ربنا طبعا *جنبت نفسى المعاكسات و المضايقات بالسواقة الى عملى *حفظت وضعى امام الطلبة وانا ادرس لهم بالجامعة بالسواقة بدل ما انزل امامهم من التاكسى * كنت اعود من المستشفى وزوجى عامل عملية قلب مفتوح فى رمضان بسيارتى من وسط البلد الى 6 أكتوبر يوميا وفى وقت ليس به مواصلات لمتابعة أولادى و بيتى لو قعدت اسرد لكم فائدة السواقة بالنسبة لأى ست أكيد هتعزرونا أنا بعتذر لكم جميعا نيابة عن كل ست أو بنت ربما عطلت لكم الطريق بسوء سواقتها ولكن اعذرونا ربما لاننا خوافين زيادة عن اللزوم أو مترددين أو تعلمنا السولقة على كبر السن وبصراحة ابنى ما شاء الله اللى السنة فى أولى جامعة بيسوق احسن منى سبحان الله ربنا يحميه و يستر طريقه و طريقكم جميعا  بس بصراحة عيب قوى ست تغلط او لا يكون خطأها وتقف تشتم او تتلفظ بألفاظ خارجة وغير لائقة او تهدد وتتوعد او تقول زوجى ظابط شرطة ووالدى لواء كده عيب بصراحة ومش ممكن اوافق على قلة ذوق او قلة أدب وفى الحالة دى تستاهل تقف عند حدها بس خليك انت اشيك ومؤدب و لا تتجاوز حدود اللياقة برده وكفاية تقولها انا لن انحدر لمستواكى وأرد عليكى 
__________________
اللهم ياجامع الناس ليوم لا ريب فيه اجمع على ضآلتى سبحان الله وبحمده سبحان الله العظيم
|
|
#48
11-12-2012, 04:47 AM
|
||||
|
||||
رد: ازاي تعرف ان اللي سايقه واحده ست ؟؟؟
فعلا ً انسانة محترمة و يا ريت كل الحريم اللى بيسوقوا يتعلموا الأدب و الأخلاق منك بصراحة لما قرأت الموضوع و التعليقات قعدت أضحك كتييييير أوىىىىىى لأن تقريبا ً كل المواقف دى بتحصل معايا ، بس أنا لى رأى بسيط ايه المانع ان كل بنت أو ست عاوزه تسوق عربية انها تتعلم السواقة بجد ! ايه المانع ؟؟؟ خصوصا ً ان فيه مراكز كتيرة لتعليم السواقة ، و بيبقى باردوا اللى بيعلمهم واحدة ست محترفة ! بدل يا اختى و يا بنتى و يا زوجتى و يا والدتى ما تجرى على السواقة على طول سواء برخصة ( واسطة يعنى ) أو من غير رخصة ، ما تتعلمى السواقة بجد و ساعتها مش هيبقى أساسا ً فى هزار و لا ضحك و لا حتى استهتار بأرواح الناس يا ريت نفكر شوية  : 010104~171:
|
|
#49
11-12-2012, 05:41 AM
|
|||
|
|||
|
رد: ازاي تعرف ان اللي سايقه واحده ست ؟؟؟
الأخت العزيزه المهندسه سلوى
كان صعب جدا تنفيذ طريقتك فى التعامل مع حرم سيادة البيه الضابط بعد كل هذا الكم من البذائه و قلة الأدب مثلا أحد الموجودين حاول التهدئه فقال لها عيب كده يا ست الراجل ما فتحش بقه ده طيار وراجل محترم وصديق جارنا الدكتور فلان قالت أه عشان كده طيار يعنى سواق نظيف عندنا منه كتير وأشارت إلى العسكرى ( سواق البيه زوجها ) بالإضافه إلى التهديد بزوجها الضابط والباقى أسوأ لا مجال لذكره فى هذا المنتدى حتى أنها لم تحترم فارق العمر لأنى يمكن أكون أكبر سنا من والدها كما قلت لها فقالت إنت بتقارن نفسك باللواء فلان ؟ طبعا جريمه إنى اقارن نفسى بالباشا الكبير حبيت إنها تعرف إن البيه و الباشا فى خيالها المريض فقط ولن يستطيعوا فعل أى شيئ بالإضافه إلى إنى قلت لها لو شفتك فى أى مكان فى مصر حافرمك إنتى والسياره و خلى الباشا ينفعك لأنه ماعرفش يربكى ولا يعلمك حاجه تفتكرى كان ممكن أعمل إيه أقل من كده مع الناس الزباله دى أنا سافرت أغلب دول العالم لم اجد بذائه و قلت أدب بهذا الشكل موضوع أصبح منتشر للأسف فى غالبية الطرق المصريه بالمناسبه زوجتى تستطيع القياده و بمهاره و عندها سيارتها الخاصه و لكنى لا أتركها تقود إلا فى الحالات الطارئه ( لظروف والدتها ) خوفا من تعرضها لموقف مشابه التعديل الأخير تم بواسطة sherifgd ; 11-12-2012 الساعة 06:25 AM
|
|
#50
18-12-2012, 08:07 PM
|
||||
|
||||
رد: ازاي تعرف ان اللي سايقه واحده ست ؟؟؟
اصدق حضرتك طبعا يا فندم فى كل ما قلته وغير مستبعد استخدام الزوق لاقصى درجة من عازف بيانو وكابتن طيار يهوى تربية اسماك الزينة ويكفيها ما حدث لها فى هذا الموقف وياريت تكون اتعلمت انها لا تتهكم على الناس تانى وربنا يستر طريقنا جميعا للاسف احيانا استخدام الزوق المفرط لا يصلح مع بعض انواع البشر ولى موضوع ظريف عنوانه البشر الوان و انواع ياريت حضرتك تقرأه http://www.masrmotors.com/vb/forumdisplay.php?f=9 جزاكم الله خيرا
__________________
اللهم ياجامع الناس ليوم لا ريب فيه اجمع على ضآلتى سبحان الله وبحمده سبحان الله العظيم
|
 |
|
|
