سايبا برايد او سبيرانزا 213

[AbOnOrA]

المشاركة الأصلية كتبت بواسطة hani mamdouh تصميم السيارة البرايد قديم جدا و مستوى التشطيب فيها 1 على 5 . قدرة المحرك بالنسبة للسعة اللترية ضعيفة و كذلك العزم . فى راى الشخصى يفضل ان تشترى سبرانزا 113 و ليس 213 . انا شخصيا و بعد العديد من المقارنات و البحث اشتريتها . و يكفى ان شركة كرايسلر الامريكية ستقوم بتسويقها فى امريكا الشمالية و المكسيك تحت اسم كريسلر هورينت اى الدبور . السيارة تقدم افضل قيمة مقابل السعر . و بالنسبة لعيوبها فهى تتلخص فى التعيير القاسى للتعليق و هو ما يتحسن بالاستخدام بالاضافة الى مساحة الرؤية الخلفية الضيقة نظرا لحجم السيارة بصفة عامة و ايضا يتلاشى هذا العيب باعتياد قيادة السيارة . البرايد الايرانى ليست على المستوى و هذا رأى الخاص مبنى على خبرةطويلة فى مجال السيارات . و شكرا

تصميم السيارة القديم مش دايما عيب لكل الناس بالنسبة للبعض ميزة لان ده سبب لان فانوس البرايد السيدان الخلفى كامل بلمباتة (صينى) ب 60 جنية
شوف حضرتك سعر الفانوس الخلفى الصينى بردو بكام فى الاسبيرانزا الصغيرة مع انها المفروض تكون سيارة اقتصادية
نفس الكلام ينطبق على المرايات الاكر حتى الصاج البيبان اسعارها اضعاف البرايد ودور عليها بره التوكيل ان لقيتها انما البرايد ممكن تجيب حاجاتها من اقرب سوبر ماركت تحت البيت

قدرة المحرك الحصانية ممتازة بالمقارنة بالسعة اللترية مقارنة بسيارات منافسة ك (اكسنت 1300 - اونو - فيليشيا - ابيزا - بولو)
على سبيل المثال الابيزا ال 1300 مو التسعينات بتطلع 54 حصان بينما البرايد ال 1300 بتطلع 62 حصان

عزم السيارة ايضا ممتاز بالمقارنة بالسعة اللترية خاصة والمحرك احادى الكامة ومن المعروف ان المحركات احادية الكامة تعطى عزم اكبر على سرعات دوران محرك اقل بالاضافة الى تقليل معدل استهلاك الوقود وهى كلها عومل تجعل المحركات الاحادية الكامة وان كانت اقدم فى التصميم انسب لسيارة مدينة صغيرة لن اقول رياضية لكن نشيطة

اما عن توزيع كريسلر للشيرى A1
فهو فى امريكا الجنوبيه فقط ومعروف ان كريسلر كانت بتوزع اى حاجة قبل سقوطها لكن المؤكد ان العربية ديه عمرها ما دخلت امريكا لحد دلوقتى بينما تصميم البرايد (محرك وشاسية وتعليق) يعود للمشروع المشترك بين فورد (فيستفا) ومازدا (121) والسيارة فيستيفا معروفة ومحبوبة جدا فى اوروبا وامريكا ولها نوادى هواه وTunners وفى ماليزا ايضاً نوادى شبيهه للبرايد
اضف الى كل ما سبق ان البرايد اللى متصنعة بخط انتاج اشتريته سايبا من كيا هى السيارة الاعلى مبيعا فى ايران وسوريا واستخدامها الاساسى هناك تاكسى فلك ان تتخيل مدى اعتماديه السيارة لتنال ثقة كل هؤلاء البشر من كل العالم

فاحنا بنتكلم عن عربية ناجحة ومشهورة لا عن سياره مغمورة بتسوقها شركة مفلسه باعداد ضئيلة لا تمثل انتشار حقيقى ولا ليها رفيوهات على النت او منتديات دعم او اى شىء

اما عن كون السيارة دون المستوى فده ينطبق على كل السيارات تقريبا اذا قارنا القيمة للسعر سواء البرايد او الشيرى الاتنين مغالا فى اسعارهم مقارنة بالاسعار فى الخارج

المشاركة الأصلية كتبت بواسطة hassaan يا جماعة انا معاة في نفس المشكلة بس لقيت في الاخر لما روحت سالت في معرض قالي دي عربية اسمها برايد مش كيا ؟؟؟ 1-يا ريت اعرف دة معناة ان العربية دي مش معمولها (Quality Control ) من شركة كيا زي اللي كانت في مصر بتتقفل ايام الالفينات ؟ 2- ويا ريت اعرف برضو ان البرايد دي ايراني وتقليد للكيا اللي كانت موجودة ؟ يعني محرك وشاسية وكل القطع اللي فيها مش كوري تبع كيا وهي ايراني 100 % وهما واخدين اسم كيا وشكل العربية عاملين زيها علشان يبيعوها ؟ يا ريت تفيدوني انا كمان

العربية فعلا مش تحت رقابة كيا لكن تحت اشرافها ودعمها التقنى
بمعنى تانى اللى بيحصل بالظبط ان الشركات كل تلت اربع سنين بتنزل موديل جديد
بمقاسات جديدة بقطع غيار جديدة واجزاء هى الاف القطع اللى بتكون السيارة وبتوردها مايطلق عليها الصناعات المغذية للسيارات يعنى مصنع بيعمل ريداتير مصنع بيعمل شكمان وهكذا
وطبعا كل شركة بتبقى حريصة انها تستغل استمثمارها فى التصميمات والتطوير ده اقصى استغلال وفى البرايد كمثال فورد ومازدا بحكم التعاون بينهم والشراكة اشتركو فى التصميمات الاساسية وكل واحده قدمتها لسوقها بالشكل المناسب والاتنين نجحو
فكيا فى البداية اشترت التصميم من مازدا وعملت العربية وكانت من اسباب شهره كيا وانتشارها وطورت كيا بناء عليها الكيا ريو
وفى نفس الوقت باعت خط الانتاج لايران وطبعا المصانع اللى بتعمل الاجزاء وقطع الغيار هى هى فى كوريا شغالة وبشكل مرحلى بيتقل الانتاج من بلد لبلد زى ما حصل بين امريكا واليابان حصل مع كوريا وحصل مع ايران وحاصل مع سوريا

وده حاصل لعربيات كتير زى الشاهين مثلا الاساس ايطالى وبعدين تركى ومصرى وفى الاخر عربية اعتمادية لا يختلف عليها اتنين برضو

الانسر البومة يابانى وبعدين اتباع خط الانتاج للهند باسم سيدونا والصين باسم لايونسيل والنموزج الهندى والصينى ناجحين ومفيش منهم شكاوى

الانوس تصميم جينيرال موتورز واوبل فى الاساس اشترته دايو وخد خط الانتاج بعدها مصانع فى روسيا وفى مصر ابوالفتوح وبعدين منصور دلوقتى والعربية اجمالا هى هى برضو

كل العربيات ديه مش تقليد ده نموزج اقتصادى وصناعى شائع جدا جدا قديما وحديثاً

[joso3]

حضرتك ممكن تجيب مستعمل بالتقسيط من خلال البنك الاهلي فرع المعاملات الاسلاميه بنظام المرابحه

[osos medo]

انا عن نفسي عاجبني سعرها جداااا و اسبرنزا كشركه مش ناجحه قوي و تقفيلها مش ولا بد و كل الي شروها تاكسيات بيشدو في شعرهم ptmnlo123per139.....
دا غير العيب اللي في الدينامو اللي في ال 516 اللي بيقولو عليه
و بعدين تعالي نتكلم شويه بصراحه يا ا / هاني مفيش عربيه كانت محترمه زي التيوتا و اهي طلع فيها عيب فظيع و بيرجعو العربيات عليه
و السايبا سعرها تحفه ... مثلا كان في معرض منزلها ب 7000 مقدم و 600 جنيه علي 90 شهر
ماتبصش علي ال 90 شهر ... قيمه الفلوس بتقل
بلاااااااش الشركه منزلاها ب 23000 و الباقي علي سنتين بدون فوائد ززز يعني حوالي 1100 في الشهر .... يا بلااااااااش

[صحبة خير]

الاستاذ الفاضل ممكن سؤال مين الى كان منزلها على 90 شهر وانا الان مقبله انى اجيب عربية كيا برايد سيدان مش السايبا الان السايبا مفهاش تكييف ولا بور ولا زجاج كهربائى انا حجيب برايد سيدان الاصلى مش الايرانى موديل 2009

[lion7500]

سايبا برايد الإيرانى موديل 2009 بها تكييف وباور ستيرنج وزجاج كهربائى أمامى وهى سيارة أمكانياتها كويسة جداً بالنسبة لسعرها وعموماً كل الكميات اللى كانت عند الوكيل ناشيونال موتورز تم بيعها.