استفسارات الايجار عام 2012

[memo1100]

المشروع مربح والرزق دة بتاع ربنا
بس خد ضمناتك كلها يعنى لقدر الله فى حالة الحادثة وعلى بال التامين ما يدفع القيمة السوقية بتاعت العربية مين الى هيشيل القسط انت ولا هما ومين الى هيخلص معاك اجرءات التامين انت لوحدك ولا فى مندوب من عندهم
واعمل شرط جزائى عليك وعليهم يعنى لو انت عامل عقد 3 سنوات ووبعد سنة قالك انا مش عايز العربية خلية ملزم انو يدفعلك بقيت قيمة العقد ولو انت الى عايز العربية انت تدفعلو بعدين كل عربية بتختلف عن التانية يعنى تاجير الفيرنا غير الالنترا ووثق العقد فى الشهر العقارى وشوف البطاقة الضريبية والسجل التجارى بتاعتهم

[becool02]

المشاركة الأصلية كتبت بواسطة ابو فاروق والله شوف انا هقلك تجربتين مريت بيهم . الاولي صديق لي اجر عربيتو لمعرض واشتغل معاة زي الحلاوة لفترة 6 شهور كل شهر يديلو المبلغ وماشي كويس.. لحد ما اتصل بية قالو العربية عملت حادثة راح شاف العربية لقاها متركب ليها ربع ورا وكبوت وسقف يعني العربية اتقلبت واتعملت تحت بير السلم . وقالو استلم العربية . العربية وشها وحش وملهاش شغل عندي ومش عارف اية .وحصلت قضية وصاحبي خد منو 25 الف جنية تعويض بعد سنة محاكم . بس خسر فالنهاية مبلغ مش قليل لما باعها . وحرم يعمل كدا تاااااني . والصديق الاخر .. اجر عربيتو لشركة بترول في البحر الاحمر . وصل ليها عن طريق شركة فاتحة فالمعادي ودفع عملوة 8 الف جنية . واجرها بمبلغ حلو جدا. بدون سائق لكن العقد كان ملزم فترة سنة فقط . واشترطو فالتسليم يستلموها بورق التوكيل ( فحص شامل ) .. ولما جة يستلمها استلمها بورق التوكيل فحص شامل . وكان فالعربية العافشة والكاوتش جابو كاوتش جديد والعافشة كمان ظبطوهالو والعداد بتاع العربية كان عامل 32 الف كيلو . علما بانها كانت بتوصل المهندس من البحر لاحمر للقاهرة مرتين فالشهر . يعني كل مرة حوالي 1000 كيلو ( رايح جي ) يعني فالشهر 2000 كيلو يعني فالسنة 24 الف كيلو . يعني لو جيت تحسبها صح العربية مكنتش بتمشي اساسا توصيل مهندس وشغل الموقع . وحافظو عالعربية صح الصح . وكان الشهري 4500 جنية . ---- انا ناوي اجيب واشغلها بس بالسواق . عشان مش هقدر اكون محل تجارب والله بدور علي شركة زي بتاعت اخينا الاخير دة ومستعد ادفع عملوة محترمة .

شكرا علي الرد وكلام كويس بس تلاقي فيين شركات محترمه ماتعدش تلبع وتبقي منتظمه وانا سالت قالولي لو عربيه موديل 2012 بياخدوها 3 سنين

[ابو فاروق]

مهو لو 3 سنين بس في شرط جزائي علي ال3 سنين ماشي الحال
لكن لو مفيش مهو اي وقت هيفسخ العقد
ولو بالسواق بيصدرلك السواق فالمشكلة ويقلك هنفسخو بسبب السواق .
---
في شركة فالمعادي اسمها بترو كار دعبست كدا واتصلت بيهم قالو انهم بياخدو عمولة شهر وبيدخلوك شركات بترول واتصالات هروح اول الشهر كدا اقعد معاهم واستفهم منهم . بس انا هدخلها بالسواق لو انت عايز تشوف الحياة اية وتسمع منهم وتعرف الشروط والموضوع كلو تعالة معايا نروحلهم .

[memo1100]

ابو فاروق طب اسعارها اية الشركة دى بالنسبة للملاكى
فيرنا
لانوس
الالنترا
سيراتو

[becool02]

المشاركة الأصلية كتبت بواسطة memo1100 ابو فاروق طب اسعارها اية الشركة دى بالنسبة للملاكى فيرنا لانوس الالنترا سيراتو

تمام وياريت تقلولنا الاسعار وومكان الشركه كمان عشان انا في المنصوره وياريت ماشورتكم ايه احسن بالسواق ولا بدون سواق ولو جبت سواق هتبقي تكلفته قد ايه