العودة   مصر موتورز مجتمع السيارات > سوق السيارات فى مصر موتورز > سوق السيارات المصرية > المرور والشهر العقارى

المرور والشهر العقارى خاص بالمواضيع عن قانون المرور وإجراءات الشهر العقارى والقوانين المنظمة للمرور والتراخيص ومخالفات المرور


إضافة رد
 
أدوات الموضوع
  #1  
قديم 06-09-2012, 10:49 AM
alaatitoo alaatitoo غير متواجد حالياً
من انا؟: الحمد لله على كل شيئ
التخصص العملى: محاسب تكاليف
هواياتي: الرسم
 
تاريخ التسجيل: Aug 2010
الموقع: القاهرة , مصر
المشاركات: 55
alaatitoo has a spectacular aura aboutalaatitoo has a spectacular aura about
للاهمية مرور البساتين ؟؟؟؟؟

السلام عليكم ورحمة الله وبركاته

ياشباب انا ساكن فى حدائق المعادي تبع قسم البساتين وهطلع رخصة خاصة باذن الله عاوز اعرف الاول فين مرور البساتين عشان معدش الف حوالين نفسي وكمان هل فيه حد يقدر يساعدنى على استخراج الرخصة وانا الحمد لله سواقتى 75 % كويسة لانى لسه بتعلم فيها وتانى حاجة انا عرفت ان الاوراق المطلوبة فصيلة دم وشهادة باطنة وشهادة رمد هل لازم الشهادات ده تكون من مستشفى حكومى ولا اي مستشفى ويكون عليها ختم ارجو مساعدتى ولكم جزيل الشكر ....
رد مع اقتباس
  #2  
قديم 06-09-2012, 01:22 PM
zing0 zing0 غير متواجد حالياً
هواياتي: Kung Fu - Reading
 
تاريخ التسجيل: Nov 2011
الموقع: القاهرة
المشاركات: 1,488
zing0 has a reputation beyond reputezing0 has a reputation beyond reputezing0 has a reputation beyond reputezing0 has a reputation beyond reputezing0 has a reputation beyond reputezing0 has a reputation beyond reputezing0 has a reputation beyond reputezing0 has a reputation beyond reputezing0 has a reputation beyond reputezing0 has a reputation beyond reputezing0 has a reputation beyond repute
افتراضي رد: مرور البساتين ؟؟؟؟؟

و عليكم السلام و رحمة الله و بركاته
أهلاً بيك و بأهل المعادى كلهم
بص يا باشا, مكان مرور البساتين: هتطلع عالأوتوستراد هتلاقى الكوبرى الدائرى (ليه طالعه عاليمين) هتأخد أول يوتيرن شمال, مكان المرور تحت الكوبرى على يمينك بعد ما تأخد اليوترن و ترجع - و هتلاقى هناك كمين مرور واقف أسأله هيقولك أهو.

- بالنسبة علشان حد يساعدك أنا لا أعرف لأنى مش تبع مرور البساتين, بس اللى أنصحك بيه تتدرب صح و تجيبلك كام جركن زيت فاضى أو كام كاوتش عربية قديم ...أى حاجه تعملها زى الإقماع و تتدرب عليها و عالمرايات حلو و الإمتحان سهل متخافش , و برضه تدخل على موقع وزارة الداخلية -الإدارة العامه للمرور و تشوف الإختبارات النظرى و العلامات إزاى.
* بالنسبة لإختبار العملى: الضابط بيكون قاعد و بيشوف الإختبار, الإختبار عبارة عن حرف C و ليها مدخل جانبى بتدخل بالعربيه بهدووووووووووء لحد آخر السى و ترجع بظهرك و تطلع من الفتحه الجانبيه, بس خللى بالك, الإختبار معمول على أرض مايله, يعنى هتكون فى الأول طالع و بعدين و إنت راجع بظهرك هتكون نازل, فلازم تتعود تتحكم فى العربيه علشان متفصلش منك و متريحش للخلف لواحدها, قصدى تكون إنت اللى متحكم فيها مش سايبها تمشى حسب الميل بتاع الأسفلت, بس المسافه بين الإقماع واسعه و تدخل عربيه نقل متخافش.

بالنسبة للشهادات الطبية من أى مستشفى أو مستوصف مش مهم, المهم يكون فيه ختم نصه عالشهادة و نصه على الصورة الشخصيه (يعنى خد معاك صور شخصيه و أنت رايح تجيب الشهادات الطبيه)

رد مع اقتباس
  #3  
قديم 06-09-2012, 02:01 PM
alaatitoo alaatitoo غير متواجد حالياً
من انا؟: الحمد لله على كل شيئ
التخصص العملى: محاسب تكاليف
هواياتي: الرسم
 
تاريخ التسجيل: Aug 2010
الموقع: القاهرة , مصر
المشاركات: 55
alaatitoo has a spectacular aura aboutalaatitoo has a spectacular aura about
افتراضي رد: مرور البساتين ؟؟؟؟؟


المشاركة الأصلية كتبت بواسطة zing0 مشاهدة المشاركة

و عليكم السلام و رحمة الله و بركاته
أهلاً بيك و بأهل المعادى كلهم
بص يا باشا, مكان مرور البساتين: هتطلع عالأوتوستراد هتلاقى الكوبرى الدائرى (ليه طالعه عاليمين) هتأخد أول يوتيرن شمال, مكان المرور تحت الكوبرى على يمينك بعد ما تأخد اليوترن و ترجع - و هتلاقى هناك كمين مرور واقف أسأله هيقولك أهو.

- بالنسبة علشان حد يساعدك أنا لا أعرف لأنى مش تبع مرور البساتين, بس اللى أنصحك بيه تتدرب صح و تجيبلك كام جركن زيت فاضى أو كام كاوتش عربية قديم ...أى حاجه تعملها زى الإقماع و تتدرب عليها و عالمرايات حلو و الإمتحان سهل متخافش , و برضه تدخل على موقع وزارة الداخلية -الإدارة العامه للمرور و تشوف الإختبارات النظرى و العلامات إزاى.
* بالنسبة لإختبار العملى: الضابط بيكون قاعد و بيشوف الإختبار, الإختبار عبارة عن حرف C و ليها مدخل جانبى بتدخل بالعربيه بهدووووووووووء لحد آخر السى و ترجع بظهرك و تطلع من الفتحه الجانبيه, بس خللى بالك, الإختبار معمول على أرض مايله, يعنى هتكون فى الأول طالع و بعدين و إنت راجع بظهرك هتكون نازل, فلازم تتعود تتحكم فى العربيه علشان متفصلش منك و متريحش للخلف لواحدها, قصدى تكون إنت اللى متحكم فيها مش سايبها تمشى حسب الميل بتاع الأسفلت, بس المسافه بين الإقماع واسعه و تدخل عربيه نقل متخافش.

بالنسبة للشهادات الطبية من أى مستشفى أو مستوصف مش مهم, المهم يكون فيه ختم نصه عالشهادة و نصه على الصورة الشخصيه (يعنى خد معاك صور شخصيه و أنت رايح تجيب الشهادات الطبيه)

جزاك الله كل خير بجد فيدتنى
ومعلش اخر سؤال وهو حويط شوية

انا بطاقتى البساتين بس انا قاعد فى السلام الشقة بتاعتى تمليك بس هي الاول كانت بتاعة والدتى وعملتلى توكيل فى الشهر العقارى بس لسه محولتش العداد الكهرباء باسمى يعنى الاثبات الوحيد اللى انا قاعد فى شقة السلام هو التوكيل ده اللى باسمى فهل ممكن كده اروح عادي مرور السلام على اساس انها قريبة منى ولا مينفعش لازم اروح بتاعة البساتين عشان البطاقة ياريت تفيدنى وجزاك الله كل خير


: THUMBS~220:
رد مع اقتباس
  #4  
قديم 06-09-2012, 10:27 PM
zing0 zing0 غير متواجد حالياً
هواياتي: Kung Fu - Reading
 
تاريخ التسجيل: Nov 2011
الموقع: القاهرة
المشاركات: 1,488
zing0 has a reputation beyond reputezing0 has a reputation beyond reputezing0 has a reputation beyond reputezing0 has a reputation beyond reputezing0 has a reputation beyond reputezing0 has a reputation beyond reputezing0 has a reputation beyond reputezing0 has a reputation beyond reputezing0 has a reputation beyond reputezing0 has a reputation beyond reputezing0 has a reputation beyond repute
افتراضي رد: مرور البساتين ؟؟؟؟؟

بصراحه معرفش الموضوع ده, ممكن حد يفيدنا أكتر فى السكن و وحدات المرور التابع لها
بس أنا تبع مرور المعادى, كانوا لاااااازم يشوفو كلمة المعادى فى العنوان اللى فى البطاقه, غير كده روح الدراسه و إثبت إن بيتك فى نطاق حى المعادى !!! تلاكيك
رد مع اقتباس
إضافة رد

أدوات الموضوع

ضوابط المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code متاحة
كود [IMG] متاحة
كود HTML معطلة

الانتقال السريع

 MasrMotors غير مسؤول عن أي اتفاق تجاري أو تعاوني بين الأعضاء
التعليقات المنشورة لا تعبر عن رأي MasrMotors ولا نتحمل أي مسؤولية قانونية حيال ذلك ويتحمل كاتبها مسؤولية النشر


الساعة الآن 11:44 AM.


Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017