العودة   مصر موتورز مجتمع السيارات > السيارات الكورية والماليزية > شيفروليه الكورية CHEVROLET و دايو DAEWOO > ﻻنوس (دايو - شيفروليه)

ﻻنوس (دايو - شيفروليه) كانت و أصبحت chevy gold logo


إضافة رد
 
أدوات الموضوع
  #1  
قديم 01-05-2010, 11:23 PM
الصورة الرمزية عصام غنايم
عصام غنايم عصام غنايم غير متواجد حالياً
من انا؟: حاصل علي ليسانس الآداب والتربية ودبلومة الدراسات العليا فى الاداره و متزوج ومعايا فارس ومريم وزينه
التخصص العملى: تصميم الموبليا
هواياتي: صيانة وتعديل السيارات
 
تاريخ التسجيل: Jan 2009
الموقع: دمياط
المشاركات: 537
عصام غنايم has a reputation beyond reputeعصام غنايم has a reputation beyond reputeعصام غنايم has a reputation beyond reputeعصام غنايم has a reputation beyond reputeعصام غنايم has a reputation beyond reputeعصام غنايم has a reputation beyond reputeعصام غنايم has a reputation beyond reputeعصام غنايم has a reputation beyond reputeعصام غنايم has a reputation beyond reputeعصام غنايم has a reputation beyond reputeعصام غنايم has a reputation beyond repute
افتراضي تغيير اضائة الانوس كامله ( فوانيس + عدادات + شنطه وصالون ) بالصور

كترت اوى الاسئله حوالين اضائة الانوس وطريقة تغيرها للاجمل

فقولت اعملكم موضوع نقدر بيه نغير كل الانوار وبأيدينا بدون كهربائى

بسم الله

نبدأ بفرانى الفوانيس

هنفتح الكابوت ونبص على ضهر الفانوس الكبير هنلاقى غطاء بلاستك دوار هنفكه بأتجاه عقارب الساعه



هنلاقى فيشة الفيرانى السوداء



هنشدها لبره ونشيل اللمبه القديمه ونحط الليد الجديد ونخلى بالنا ننور الفيران ونشوف لو الليدات نورت يبقى التركيب صح ولو منورتش نلف اللمبه لان الليدات ليها سالب وموجب




دى صورة كارت اللمبات ونخلى بالنا منها كويس علشان دى نفس الليدات اللى هنركبها فى العدادات اللمبه فيها عشر ليدات الكارت لمبتين ب 15 جنيه و لمبة الصالون ب 25 جنيه



هنقفل الغطاء عكس ما فتحناه ونقفل الكبوت ونبص على النتيجه



نيجى بقى للصالون

هنشيل الغطاء الشفاف للمبه الصالون بمفك عاده صغير



هنشيل لمبه الصالون ونحط الليدات الجديده 18 ليد



ونخلى بالنا برضه من اتجاه التركيب السالب والموجب



ونبص على الشكل بعد التقفيل



نخش على الشنطه

ولا هيا ملهاش نصيب

هنخلع غطاء لمبة الشنطه بمفك عاده صغير وهنوصل سلكين موجب وسالب ونوديهم اضهر الكنبه علشان نوصل شريط الليدات



هنلزق شريط الليدات فى ضهر الكنبه من فوق بلصق وشين ( المكان ده ممتاز فى توزيع الاضائه )



هنقفل ونبص على النتيجه



( على فكره لما بفتح الشنطه نور الليدات بيبقى رامى بره ورا العربيه بشكل جميل اوى )


نيجى بقى لنور النمره الخلفيه

هنفك المسمارين اللى ماسكين وش اللمبات اللى فى غطاء الشنطه



بعد كده هنشد قلب الفانوس لبره ونلف قاعدة اللمبه عكس اتجاه عقارب الساعه ونشدها لبره ونخلع اللمبه القديمه بشدها لفوق



هنركب اللمبه الليد الجديده ونركب القاعده فى الفانوس بلفها مع اتجاه عقارب الساعه ونخلى بالنا من السالب والموجب بتاع اللمبه علشان تنور




بعد انتظار الجماهير


وأخيراٌ وليس آخراٌ

نور العدادات

هنبدأ بفك الطابلوه حته حته

الاول هنشد الفبره اللى تحت التابلوه لبره



هنلاقى تحتها مسمارين ماسكين وحدة مفاتيح التكييف هنفكهم



هنشد وحدة التكييف بشويش لبره بمفك عاده



وهنبدأ نفك الفرام اللى شايل الساعه وفتحات التكييف وده ممسوك بمسمارين فوق مفاتيح التكييف



ومسمارين فوق العدادات ومسمار وراء فبرة المرايه الكهرباء بيبان بعد ما نخلع الفبره لبره بمفك عاده رفيع هي راكبه كبس

وبعد ما نفك الخمس مسامير هنشد الفرام كله لبره بالعقل ونخلى بالنا من خلع فيشة كهربة النور والتكييف.وفيشة الساعه







كده العدادات قدامنا هنفك الاربع مسامير اللى ماسكين العدادات



ونفك التلات فيش اللى واصلين بضهر لوحة العدادات



ونطلع اللوحه فى ايدنا و نقلبها ونفك الاربع دوايات بتوع الاربع لمبات الكبار ونخلع اللمبات القديمه ونحط اللمبات الليدات الجديده اللمبه عشره ليد ( فاكرينها اللى كنا حطينها فى الفريانى بتاع الفانوس اول الموضوع )



بالمره واحنا فاكين العدادات هنلون المؤشرات علشان نعمل نيولوك للعدادات

هنفك وش العدادات الشفاف عن طريق زق الكلبسات لبره بمفك عاده صغير

التلوين ممكن بقلم ماركر بأى لون تختاره وممكن بالوان بويه علشان تتحكم فى درجة اللون اللى انت عايزه وفرشه صغيره اوى



تقريبا كده خلصنا كل حاجه

نبدأ نعيد بالعكس كل اللى عملناه

ونربط كل شىء بأتقان

وعلشان ابقى مخبتش عليكم حاجه وانا بقفل لصقت كل اسطح التركيب بلصق وشين وكمان ورا العدادات علشان امنع اى اصوات زقزقه وصرصره بتطلع من ورا الطابلوه واللى بتجنن اى حد ودنه حساسه ذى حالى








وبكده ابقى عدلت اضائة الدايو ومنعت اصوات الزقزقه اللى فى الصالون

لسه ليكم عندى منع الاصوات نهائيا من الدايو

وتحويلها من شخشيخه الى عربيه صامته

مستنى رأيكم

وطبعا دعواتكم

( بالشفاء لى ولزوجتى ولاولادى والستر وسعة الرزق )


الى اللقاء فى الحلقه القادمه من تعديلات الدايو


معاٌ لتحويل ال LANOS الى BMW
__________________

ابو فارس
01006898520
شاهدوا كل جديد على قناتى على اليوتيوب من هنا

التعديل الأخير تم بواسطة حازم شاهين ; 23-11-2010 الساعة 06:09 AM
رد مع اقتباس
  #2  
قديم 02-05-2010, 05:58 PM
الصورة الرمزية mahdyez
mahdyez mahdyez غير متواجد حالياً
من انا؟: mahdy
التخصص العملى: -0105208285 - teacher of math
هواياتي: net -go to club
 
تاريخ التسجيل: Oct 2009
الموقع: cairo
المشاركات: 339
mahdyez is a splendid one to beholdmahdyez is a splendid one to beholdmahdyez is a splendid one to beholdmahdyez is a splendid one to beholdmahdyez is a splendid one to beholdmahdyez is a splendid one to beholdmahdyez is a splendid one to behold
افتراضي رد: تغيير اضائة الانوس كامله ( فوانيس + عدادات + شنطه وصالون ) ..منقول من احدى المنتديات

الله ينور ياابو يوسف
__________________


صور لمساجد من مختلف البلاد
http://www.masrmotors.com/vb/album.php?albumid=180
توقيع بالفلاش لمن يحب
http://www.masrmotors.com/vb/album.php?albumid=241
رد مع اقتباس
  #3  
قديم 02-05-2010, 06:02 PM
الصورة الرمزية tarek elbadry
tarek elbadry tarek elbadry غير متواجد حالياً
التخصص العملى: مشرف فنى تكييف بشركة المقاولون العرب
هواياتي: لاتوجد هواية محددة
 
تاريخ التسجيل: Feb 2010
الموقع: الجيزة
المشاركات: 1,439
tarek elbadry has a reputation beyond reputetarek elbadry has a reputation beyond reputetarek elbadry has a reputation beyond reputetarek elbadry has a reputation beyond reputetarek elbadry has a reputation beyond reputetarek elbadry has a reputation beyond reputetarek elbadry has a reputation beyond reputetarek elbadry has a reputation beyond reputetarek elbadry has a reputation beyond reputetarek elbadry has a reputation beyond reputetarek elbadry has a reputation beyond repute
افتراضي رد: تغيير اضائة الانوس كامله ( فوانيس + عدادات + شنطه وصالون ) ..منقول من احدى المنتديات

موضوع بجد جامد تسلم ايدك ptmnlo123per171
رد مع اقتباس
  #4  
قديم 02-05-2010, 06:09 PM
الصورة الرمزية خالداعزالناس
خالداعزالناس خالداعزالناس غير متواجد حالياً
من انا؟: مهندس/ خالد
التخصص العملى: مهندس اتصالات
هواياتي: التنزه - السفر
 
تاريخ التسجيل: Feb 2009
الموقع: القاهره
المشاركات: 3,679
خالداعزالناس has a reputation beyond reputeخالداعزالناس has a reputation beyond reputeخالداعزالناس has a reputation beyond reputeخالداعزالناس has a reputation beyond reputeخالداعزالناس has a reputation beyond reputeخالداعزالناس has a reputation beyond reputeخالداعزالناس has a reputation beyond reputeخالداعزالناس has a reputation beyond reputeخالداعزالناس has a reputation beyond reputeخالداعزالناس has a reputation beyond reputeخالداعزالناس has a reputation beyond repute
افتراضي رد: تغيير اضائة الانوس كامله ( فوانيس + عدادات + شنطه وصالون ) ..منقول من احدى المنتديات

تقرير رائع جدا جدا .....
وفى انتظار باقى الحلقات من تعديل السياره الاكثر شهره لانوس
ما شاء الله .... تعديل السياره يخليها أكثر رووووووعه وجمالا
......................... .......
اللهم سترك ورزقك وعفوك ورحمتك يارب العالمين لكافه خلقك اجمعين
اللهم اشفى مرضانا جميعا فى كل زمان ومكان يارب العالميين
__________________

اللهم احفظ بناتنا ونسائنا فى كل مكان من شياطين الانس
رد مع اقتباس
  #5  
قديم 02-05-2010, 08:09 PM
الصورة الرمزية acounter01
acounter01 acounter01 غير متواجد حالياً
من انا؟: الباشا
التخصص العملى: محاسب
هواياتي: التليفونات المحمولة
 
تاريخ التسجيل: Dec 2009
الموقع: مصر
المشاركات: 1,252
acounter01 has a reputation beyond reputeacounter01 has a reputation beyond reputeacounter01 has a reputation beyond reputeacounter01 has a reputation beyond reputeacounter01 has a reputation beyond reputeacounter01 has a reputation beyond reputeacounter01 has a reputation beyond reputeacounter01 has a reputation beyond reputeacounter01 has a reputation beyond reputeacounter01 has a reputation beyond reputeacounter01 has a reputation beyond repute
افتراضي رد: تغيير اضائة الانوس كامله ( فوانيس + عدادات + شنطه وصالون ) ..منقول من احدى المنتديات

يا باشا دة موضع مفيش كلام يكفية حلاوة
والله برافوووووووو عليك يا باشا بس انا واحد من الناس مبعرفش اعمل حاجة في العربية يعني بمعني تصح انان ممكن افك زي الفل بس مبعرفش ارجع الحاجة زي ما هيا خاصة لوا انا لوحدي أو اول مرة اجرب حاجة زي دي ممكن حضرتك تساعدني
رد مع اقتباس
إضافة رد

أدوات الموضوع

ضوابط المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code متاحة
كود [IMG] متاحة
كود HTML معطلة

الانتقال السريع

 MasrMotors غير مسؤول عن أي اتفاق تجاري أو تعاوني بين الأعضاء
التعليقات المنشورة لا تعبر عن رأي MasrMotors ولا نتحمل أي مسؤولية قانونية حيال ذلك ويتحمل كاتبها مسؤولية النشر


الساعة الآن 04:14 PM.


Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017