|
#21
17-04-2010, 08:03 PM
|
||||
|
||||
|
رد: تجديد بيجو 505
السلام عليكم و رحمة الله و بركاته يا باشا , كتر ألف خيرك, أنت كده جمايلك مغرقانى. أنا ساكن فى المنصورة من زمان و بتعامل فعلا مع واحد عند حى غرب اسمه سامى و هو راجل ممتاز و ميه ميه, بس كنت بسأل ليكون فى حد أفضل منه و متخصص فى البيجو يعنى . أنا على فكرة عندى الزيت بتاع الموتور بينقص مثلا بمعدل نص لتر فى الغيار اللى هو كل 1500 كم, و مافيش حاجة بتنقط و تسرب الزيت و لا حاجة, بالنسبة لأداء الموتور , كويس , يعنى بنقل من التانى للتالت عند 60 و بنقل من التالت للرابع عند 90 و أقصى سرعة العربية ممكن تجيبها ممكن تكون 140, أنا شايف أن المكنة كده محتاجة عمرة و لا أنت رأيك ايه؟؟؟؟ مع أرق تحياتى. MERCEDES S430
__________________
MERCEDES E-class  بسم الله الرحمن الرحيم عَسَى رَبُّكُمْ أَن يَرْحَمَكُمْ وَإِنْ عُدتُّمْ عُدْنَا وَجَعَلْنَا جَهَنَّمَ لِلْكَافِرِينَ حَصِيرًا صدق الله العظيم
|
|
#22
18-04-2010, 04:46 AM
|
||||
|
||||
رد: تجديد بيجو 505
لاء حضرتك هو مش بالضرورة تكون محتاجة عمرة علشان الاسباب دى بس
الماتور لو حاسس انة خفيف وبتسمع صوت تسقيف فى المكنة من تحت يبقى محتاج غير كدة ممكن يكون مجرد عاوز يتضبط صح مش اكتر بس انت بتحط زيت قد اية ؟؟؟ انا كنت بحط موبيل 1000 كيلو وكنت بغير عند 800 كدة بس الى مستغربلة انك بتقول ان عربيتك بتجيب 140 وانا عربيتى كانت بتقفل عداد مش عارف دة فرق الكاربرتير (معتقدتش ) ولا دة ضبطة مكنة فعلا بس فية حاجة انا عاوزك تعرفة انا كنت مركب عندى بوجيهات تلاتة شمعة ومكنتش بحط غير بنزين 92 بس قبل ما ابيعها باسبوعين غيرتة ل 80 وكان الفرق فى صوت العربية واضح جدا انة بقى عالى ومع الكبس والشد تلاقى العربية بتكركر بتسك يعنى لكن كانت بتجيب سرعات عالية بردة بالنسبة لموضوع الزيت دة فهو طبيعى فى العربيات القديمة بالذات بس مش بالمنظر فمن مجمل كلامك عن المكنة بتاعتك بتهيألى هتبقى محتاجة عمرة وبردة لو الميكانيكى بتاعك مخلص وامين اسألة ولو مش امين متسألوش احسن لان البيجو دة لية مخابىء كتير وممكن تلاقى حاجة تافة زى انا مرة حصلت معايا انا العربية كانت بتبطل وانا ماشى لما اشيل رجلى من دواسة البنزين وادوس فرامل واعدنا نلف وندور وطلع فى الاخر الفوانى بتاعتة الكربارتير كانت عاوزة تتنضف
__________________
 HaMaDa-ToUB@R 01000902024 
|
|
#23
18-04-2010, 01:54 PM
|
||||
|
||||
|
رد: تجديد بيجو 505
السلام عليكم و رحمة الله و بركاته ألف شكر يا باشا على المعلومات الرائعة دى. أنا بحط بنزين 90 و بالنسبة للزيت بحط ( CALTEX ) و بغيره كل 1500 كم لأنى مابركبش العربية الا فى السفر و المشاوير الطويلة بس و زى ما قلتلك, أن الغيار اللى هو 4 لتر بيحتاج كمان ييجى نص لتر لحد ما يكمل ال 1500 كم و أنا أصلا بطبعى سواقتى هادية , يعنى نادرا مابعدى فوق التسعين , عشان الرادار و كمان الطرق بقت زحمة أوى و المطبات اللى بتطلع فجأة دى. بالنسبة للميكانيكى, أنا بتعامل معاه من زمااااااان أوى و كمان الوالد الله يرحمه كان بيتعامل معاه من قبلى, فأنا بثق فيه فعلا و كمان هو شاطر و بيقدر يحدد العيب بسرعة و يحله و مابيقعدش يلف حوالين العربية كتير. بس أنا سمعت من ناس أن المكنة ممكن تكون محتاجة طقم شنبر, هو ايه طقم الشنبر ده و ممكن يكون هو اللى بيخلى المكنة تاكل زيت ؟؟ MERCEDES S430
__________________
MERCEDES E-class بسم الله الرحمن الرحيم عَسَى رَبُّكُمْ أَن يَرْحَمَكُمْ وَإِنْ عُدتُّمْ عُدْنَا وَجَعَلْنَا جَهَنَّمَ لِلْكَافِرِينَ حَصِيرًا صدق الله العظيم
|
|
#24
19-04-2010, 06:27 AM
|
||||
|
||||
|
رد: تجديد بيجو 505
بص اولا بالنسبة لحكاية طقم الشنبر دة فدة معناة ان المكنة هتعمل نص عمرة واكيد طبعا لية عامل كبير فى تأكل الزيت دة
تغير طقم شنمبر = نص عمرة للمكنة والى يأكدلك الموضوع دة الميكانيكى بتاعك مش الناس لانة اكتر خبرة وانا عاوزك تبص ع الشكمان بتاعك وحط ايدك علية شوف الهوا الى خارج منة لو مش بيخرج دخنة والهوا الى خارج مش بيقطع وبيعرق مياة اعرف ان المكنة بتاعتك ميت فل وعشرة لو بيقطع دة عيب كهرباء وبوجيهات لو بيطلع دخنة يبقى الكاربرتير او المكنة مش مضبوطة ووممكن فعلا تكون محتاجة تغير طقم شنمبر وطقم الشنمبر الفرنساوى النضيف هيكلفك حوالى من 800 ل 1000 جنية الكلام دة من سنتين معرفش دلوقتى رخص او غلى ولا هيبقى ظروف سعرة اية بس اعمل حسابك انك ممكن تصرف اكتر من كدة لان الله اعلم هو لما هيفتح المكنة ممكن يلاقى فيها وممكن تكون محتاجة حجات اكتر وخصوصا وش السلندر هتلاقى فية عيوب كتير ظهرت بعد الفك والمشكلة انك صعب تحدد المكنة هتصرف كام بالضبط قبل ما تحلها لان البيجو 505 بالذات بيمشى فى جميع الظروف والحالات لو العفشة مش مربوط فيها مسمار واحد هتلاقيها ماشية وماسكة نفسها بردة عربية محترررررررررررررررررمة لابعد الحدود يعنى بص من الاخر لو انت باقى ع العربية دى وعمرك ما هتبيعها فى يوم من الايام اصرف عليها ميهمكش لانها الصرف عليها الصح بيدى نتيجة حلوة بس تعمل زى تعد تصرف وفى الاخر تبيعها انا صرفت عليها والله بدون مبالغة 45 الف جنية دفعة واحدة وكانت عربية الى يشوفها يحلف بيها وبنضافتها وبعد كدة بيعتها بعد ما صرفت عليها دم فلبى يلا ربنا يباركلو فيها الى اخدها
__________________
HaMaDa-ToUB@R 01000902024
|
|
#25
20-04-2010, 03:41 AM
|
||||
|
||||
|
رد: تجديد بيجو 505
السلام عليكم و رحمة الله و بركاته ألف شكر ليك يا حماده باشا و ربنا يخليك لينا و للمنتدى الرائع ده. أنا كان عندى طلب أو هو بالأصح استفسار صغير, فى جنط معين كان بينزل على البيجو ال 505 الطيارة, تقريبا كان اسمه معروف بالخرشوفة - أنا مش متأكد بصراحة - أنا كنت عاوز أشترى طقم منه و أركبه على البيجو ال505 بتاعتى موديل 1980 , لأنى شوفت ناس مركباة و كان شكله راااااااائع . ماحدش يعرف الجنط ده بييجى منين. شكرا MERCEDES S430
__________________
MERCEDES E-class بسم الله الرحمن الرحيم عَسَى رَبُّكُمْ أَن يَرْحَمَكُمْ وَإِنْ عُدتُّمْ عُدْنَا وَجَعَلْنَا جَهَنَّمَ لِلْكَافِرِينَ حَصِيرًا صدق الله العظيم
|
 |
|
|
