اسعار قطع غيار السياره فيات 131 الاستيراد

[طارق ابوذيد]

المشاركة الأصلية كتبت بواسطة saadelden عندي كذا سؤال يا شيخ طارق انا معايا 131 موديل 76 و الماتور 1600 كامه واحده عايز اعرف الموديل دا ممكن الاقي التلاجه بتاعته فقط ؟ و هل الماتور يستحمل يشغل مكيف ؟ لو ينفع اركبله الياباني تاني حاجه انا عندي الفتيس 4 غيارات و كنت بدور علي الفتيس 5 غيارات هل ينفع ابدله ؟ و سعره كام سواء هبدله او من غير بدل ؟ ثالث حاجه ضفيره الكهربا و علبه الفيوزات انا عندي علبه الفيوزات اتبهدلت ساعه المطر السنادي فيه كذا فيوز مش شغالين ف بفكر اني اجيب علبه فيوزات بالضفيره لعربيه موديل احدث هل ينفع اركب ضفيره الشاهين او اي عربيه قريبه منها ؟ و لو فيه ضفيره نضيفه بتاعت 131 لقيتها ممكن تعمل كام ؟ رابع حاجه عندي الماتور ساعات بيبقى مظبوط و ساعات بيبقى فيه رعشه بسيطه الميكانيكي قالي الاسبراتير مبوش و بدور علي اسبراتير اصلي مش لاقي ! كل الي موجود صيني ف انا عايز اسبراتير ايطالي الاقيه فين ؟ جزاك الله كل خير

بسم الله الرحمن الرحيم
اخى العزيز ماشاء الله الموتور 1600 سى سى ممتاذ ويتحمل تكيف وافضل شئ انك تركه كامل فى الشركه وهو يبانى وثمنه حوالى 2700 جنيه
الفتيس 6 غيار يركب عادى ويرح الموتور ولكنى لا اخذ القديم ولاكن ممكن اشوف حد بس ليس اكيد وثمن الفتيس 600 جنيه
اما بخصوص الدفيره فلابد ان تكون دفيره 131 نفسها وهى سعرها 500 جنيه
اما بالنسبه للاسبراتير فكلام الميكانيكى الاسبراتير مبوش وسعره ايطالى 100 جنيه
وارجو ان اكون استطعت ان اساهم فى طلباتك والله يوفقك

[michohat]

السلام عليكم ازيك يا شيخ طارق
حسب الكتالوج لل 131 ال 1600 وال 2000 سي سي يتركب لهم تروس كارونه نسبه التدوير لها 3.9 : 1 اما الاتوماتيك نسبتها 3.5 : 1 فهل الاسعار تختلف حسب نسبه التدوير وهل التروس ال3.9 :1 هيا من ضمن الموجودين عندك

[طارق ابوذيد]

كلام حضرتك مظبوت تماما ولكنك لن تجد الكورونه للسياره الاوتوماتيك ولاكن الكورونه 131 الالمانى تعطيك نفس الاداء

[mr dentist]

السلام عليكم يا شيخ طارق
كنت عايز استشيرك فى حاجة
امامى عربية 131 موديل 81,الموتور 1300,وهى supermirifiori
بس هى مركونه بقالها سنة ونصف,مركونه عادى على الارض زى ماهيا يعنى مش مرفوعة
كنت عايزك تفيدنى وتقولى اشتريها ولا لا , مع العلم ان اصحابها ناس جيرانى ومحترمين والعربية مش متبهدلة يعنى استعمالها حلو.
كنت عايز اعرف ايه الحاجات اللى هاتتغير فيها بسبب الركنة وسعرها يعمل كام كده لو انا هاشتريها على حالتها وانا اللى هاوضبها,
وشكرا على تعاونك معانا

[طارق ابوذيد]

اول شئ وهى واقفه مكانها تضع كيلو زيت قبل التشغيل ثم بعد ذلك اتبع الاتى
1 : تغير زيت الموتور
2 : تغير زيت الفتيس
3 : تغير زيت الكرونا
4 : تغير سير الكاتينه واخذ رقم الكيلو متر من الامبير لتغير الكتينه بعد ذلك فى المواعيد المحدده لها
5 : تغير سير الدينمو
6 : اذا لا حظت خروج دخنه بكثافه عاليه ولونها اسود ستكون مضطر لتغير جلد صباب لانه من الركنه المده الطويله من الجائز ان يكون نشف
7 : مراجعه دوره الفرامل كامله
8 : فك البلى للعجل وتشحيمه
اما بخصوص السعر فهى ترجع لعده اشياء وهى
سلامه الشاسيه وحاله الموتور والكرونه والفتيس والعفشه فاذا كان كل ما ذكرته فى حاله جيد فهو تساوى من 17 الى 19 الف جنيه ومبروك مقدما