العربية بتاكل ميه وكلللل حاجه سليمه أفيدوني الله يخليكم يارب

[mohamed ahmed amer]

المشاركة الأصلية كتبت بواسطة samirayad ده معناه إن المكنه سخنت معاك بمعدل حرج أدى إلى تغييرلك للجوان فهل تم التأكد من عدم وجود مشاكل فى الوش نفسه ........؟. زى عدم إستواء سطحه السفلى المقابل لسطح بلوك المكنه من أعلى وهل قام الميكانيكى برباط مسامير الوش طبقا للأصول الهندسيه المعروفه بادأ من المنتصف ثم الرباط على شكل علامات X ولا ربط كده الوش بالبركه ...........؟

بالنسبة لسخونة الماكنه فهي فعلاً سخنت من أخويا والمؤشر طلع لحد الأحمر

بسبب إن كان في خرطوم اتقطع مرة واحده وفضى الميه الي في الإربه

بس وحنا بنعمل جيوان وش سلندر الميكانيكي قالنا العربية دي عامله جيوان قبل كده

وراكب فيها جيوانين فوق بعض لأن وش السلندر متاكل شويه علشان كده الراجل الي انا اشتريت منه

العربيه مركب جيوانين فوق بعض لوش السلندر المهم ركبت أنا كمان جيوانين فوق بعض والعملية

نجحت والحمد لله ومافيهوش مشاكل والدليل على كده إني بعد ماعملته مباشرةً العربية ماكنتش بتاكل

ميه خالص وكنت فين وفين لما بزودها ميه ، مره واحده بقى لاقيتها رجعت تاكل ميه تاني زي قبل ما

اعمل الجيوان والميكانيكي قالي إن المشكله دلوقتي مش من الجيوان طب هتكون منييييييين

ده إلي مجنني أستاذي سمير

[samirayad]

رتب أمورك على إنك هتحتاج وش سلندر آخر

فى القريب العاجل

لأن موضوع الجوانين ده تحت أوشاش السلندرات

ماهو إلا إفتكاسه مصريه
وليس له أى أصول فنيه أو هندسيه

ومجرد علاج مؤقت وغير مطمئن على المدى البعيد

-----------------------------

تقدر تعتبره زى المسكن لمرض ما

فمع زوال المسكن يعود المرض

كما هو معروف فى الأصول الطبيه

---------------------

ومش عاوزك تدايق من كلامى

لأننى مبعرفش أقول غير الصح

[الصقر_الجارح]

للأسف حضرتك كده هتحتاج وش سلندر جديد زي ما قال الأستاذ سمير

الوش استيراد هيعملو في حدود 400 جنيه تقريبا بس مش عارف بالظبط.

حضرتك ممكن تسأل الشيخ طارق معانا هنا في المنتدى وهو يقول لحضرتك.

بالتوفيق للجميع

[amr elsisi 1]

يا اخي موضوع الجوانين هذا موضوع فاشل مع احترامي للميكانيكي
عندك حل من الثلاثة
1:تجيب جوان سمكة اعلي من الي عندك
2:تجليخ الوش القديم(بس عند واحد ممتاز)
3:تغير الوش

[الصقر_الجارح]

المشاركة الأصلية كتبت بواسطة amr elsisi 1 يا اخي موضوع الجوانين هذا موضوع فاشل مع احترامي للميكانيكي عندك حل من الثلاثة 1:تجيب جوان سمكة اعلي من الي عندك 2:تجليخ الوش القديم(بس عند واحد ممتاز) 3:تغير الوش

وحتى لو جاب جوان اعرض مش هيحل المشكلة بردو مع احترامي ليك أستاذ عمر

أنا رأيي مام هيفك الوش يبقى يعمل شغل على نضيف بقى وخاصة انو فكو قبل كده.

فحاجة من اتنين يا اما يخرط الوش زي ما حضرتك قولت او يجيب وش تاني (وأنا أفضل الحل ده)

تقبل تحياتي.