أنجدونى يا أهل الخبره

[walalila]

السلام عليكم

أنا أشتريت عربيه
نوعها لانوس 2005
1500 سى سى
مرور حدائق القبه
تاريخ الفحص 2013
تاريخ أنتهاء الرخصه 2/2013
و شاريها بتوكيل و عايز أنقل الملكيه و أعمل فحص و أجدد الرخصه و كده كده أنا تبع مرور الحدائق فمش حنقل ملف

و مش عارف الخطوات بتاعته الكلام ده كله و مش عارف تكلفتها كام و بفكر أرخص 3 سنين ( أنتوا عارفيين الظروف الأقتصاديه و مش عايز أتصدم )

أتمنى أستفيد من خبراتكم
و أنا قلت أكتب موضوع عشان ظروفى مختلفه عن المواضيه الأخرى شويه

[mr_astra]

لية ظروفك مختلفة
انا رديت على السؤال دة كتير اوى اوى هنا
انت على شان نفس المرور يعنى ؟؟؟؟
نفس الاجراات صدقنى فى نقل الملكية العادية
بس نصيحة بلاش تجدد 3 سنين خليك سنة واحدة
محدش عارف بكرة فى اية

[hyundai 2005]

الاجراءات واحده
الاختلاف بس انك بدل ما بتاخد تصريح 3 شهور بتاخد الرخصه سنه في ايديك
والاجراءات
1- عمل عقد مسجل
2- شهاده مخالفات
3- ترفع بصمه وتفحص العربيه
4-تجيب ملف ملاكي
5- تدفع بوليصه التأمين
6- شويه تصوير ورق ودمغات
7-بتدفع الضريبه والذي منه
8- استلم يا معلم الرخصه
ولو ناوي تغير قريب رخص سنه لو مش ناوي عليك وعلي 3 سنين ملعون ابو يوم المرور يومه بسنه

[goudai]

اسمحلى اضيف جزئية صغيرة ان التسجيل ممكن يكون فى حدود من 900 ل 1000 تقريبا ورايى الشخصى طالما العربية لسة فيها رخصة خلى محامى يرفعلك دعوى صحة ونفاذ وهتكون فى حدود من 350 ج الى 450 ج لو انت عايز توفر هى هتاخد شوية وقت لكن هتغنيك عن التعامل ورسوم الشهر العقارى

[eng/walaaeldeen]

السلام عليكم
نصيحه قبل التسجيل اذهب للمرور وهات شهادة بيانات تفيد بأن السياره انتاج محلي هيفرق في التسجيل هتدفع تقريبا 700 جنيه بدل تقريبا 950 جنيه
والله المستعان