باركولي على الاكسارا

[صحبة خير]

شكرا ليك يا ابو اياد ربنا يباركلك فيها يا رب انا من الفريق بتاع السيتروين بس فى الوقت الاخير كرهت السيتروين بسبب العربيه بتاعتى انا معايا سيتروين AX موديل 96 مجننانى على الاخر اظاهر ان النوع ده وحش جدا لانك مهما تصرف ميبنش عليها تعبانى جدا فى قطع الغيار لو تعرف حد قريب انا عرفت واحد اسمه عم فرج بس كلمته ولسه بيقولى حيجيلى شوية حجات كويسه استنينى لو عارف حد قولى لحسن انا عايزا اغير الشنطه واجيب فرش للبيبان وعايزا ميكانيكى سيتروين لحسن انا خلاص تعبت من الميكانيكيه انا دوشتك على الاخر ارفعلنا الصور بقى نفسى اشوفها

[MmFFoR]

انا بسمع ان موتور الاكسارا 2 افضل من موتور الاكسارا 1 و اقوى و هو نفسه المستخدم في السي 3
الكلام ده صحيح؟

[kokolata]

المشاركة الأصلية كتبت بواسطة mmffor انا بسمع ان موتور الاكسارا 2 افضل من موتور الاكسارا 1 و اقوى و هو نفسه المستخدم في السي 3 الكلام ده صحيح؟

موتور الاكسارا 2 فعلا افضل من موتور الاكسارا 1 و اقوى لان موتور اكسارا 2 1600 / 2 كامة / 16 صباب 110 حصان اما موتور اكسارا 1 1600 / 1 كامة / 8 صباب وتقريبا 86 حصان و هو نفسه المستخدم في السى 4 والبيجو 307

[أبو اياد]

المشاركة الأصلية كتبت بواسطة kokolata موتور الاكسارا 2 فعلا افضل من موتور الاكسارا 1 و اقوى لان موتور اكسارا 2 1600 / 2 كامة / 16 صباب 110 حصان اما موتور اكسارا 1 1600 / 1 كامة / 8 صباب وتقريبا 86 حصان و هو نفسه المستخدم في السى 4 والبيجو 307

الكلام ده من الاخر الاكسارا 2 كمان فيها مميزات عن الاكسارا 1 بس على قد فلوسنا بقى

[أبو اياد]

المشاركة الأصلية كتبت بواسطة صحبة خير شكرا ليك يا ابو اياد ربنا يباركلك فيها يا رب انا من الفريق بتاع السيتروين بس فى الوقت الاخير كرهت السيتروين بسبب العربيه بتاعتى انا معايا سيتروين AX موديل 96 مجننانى على الاخر اظاهر ان النوع ده وحش جدا لانك مهما تصرف ميبنش عليها تعبانى جدا فى قطع الغيار لو تعرف حد قريب انا عرفت واحد اسمه عم فرج بس كلمته ولسه بيقولى حيجيلى شوية حجات كويسه استنينى لو عارف حد قولى لحسن انا عايزا اغير الشنطه واجيب فرش للبيبان وعايزا ميكانيكى سيتروين لحسن انا خلاص تعبت من الميكانيكيه انا دوشتك على الاخر ارفعلنا الصور بقى نفسى اشوفها

انتي تأمري بس يارب اقدر اساعدك هوة الراجل بتاع قطع الغيار اللي أنا عارفة مابشتغلش في ال AX ولا ZX بيبتدي من الاكسارا 1 بالنسبة لعربيتك هية شكلها مش قوي بس انا ماركبتهاش قبل كدة المشكلة في الشكل ده ان المصاريف مش بتبان علية ولما تيجي تبيعي بتخسري كتير وطالما ان العربية فاتحة معاكي في المصاريف حاولي تبيعيها والفلوس اللي بتظبطيها بيها ادفعيها فرق في عربية تانية تريحك أنا كان معايا عربية سكودا قديمة موديل 84 اشتريتها من سنتين ب 7000 جنية وصرفت عليها زيهم تقريبا وما بانش عليها الكلام دة خالص وفي الاخر بعتها ب 7500 بصراحة الواحد كان زي ماتقولي بيرمي فلوس في الارض
بالنسبة لموضوع الصور صعب شوية عشان معنديش كاميرا اساسا بس هحاول اتصرف