مميزات و عيوب ميتسوبيشى لانسر 2007 (بومة)

[Rania Elhoseny]

ميتسوبيشى لانسر من اكثر السيارات انتشارا فى الشوارع المصرية بكل موديلاتها و بالتحديد لانسر 99 المسماه لانسر كريستالة و لانسر بومة و التى بدأ انتاجها

من 2004 و حتى الان.


تعد شركة ميتسوبيشى من اكبر اربع شركات يابانية لانتاج السيارات و وكيلها فى مصر الرواس حتى وقت قريب الى ان تم انهاء عقد الوكالة معه و واصبح

تحالف الملا-الخرافى الكويتى هو وكيل ميتسوبيشى فى مصر.

ميتسوبيشى لانسر متاحة باحد محركين الاول 1300 سى سى و قوة 87 حصان و الثانى سعة 1600 سى سى و 105 حصان كما انها متاحة بناقل سرعات

مانيوال او اوتوماتيك.

مميزات السيارة ميتسوبيشى لانسر 2007:

1- بالطبع اكبر ميزة فى هذه السيارة هى القيمة مقابل السعر حيث يحصل المستهلك على سيارة يابانية 100 % بسعر لا يتجاوز 120,000 جنيه مصرى.

2- سعر اعادة البيع جيد جدا نظرا لانتشار السيارة و ثقة الشعب المصرى بعلامة ميتسوبيشى.

3- قطع غيار متوفرة جدا و بسعر مناسب جدا.

4- الخامات الداخلية للسيارة و التابلوه جيدة جدا.

5- السيارة تعتبر صفقة جيدة جدا من حيث الاداء و الكماليات بالنسبة للاستخدام العادى اليومى.



عيوب السيارة ميتسوبيشى لانسر 2007:

1- عزل سيء.

2- ثبات متوسط و ضعيف بعد سرعة 120 كم/س.

3- فرامل متوسطة.

4- بالنسبة للمحرك 1300 سى سى مع ناقل الحركة الاوتوماتيك يصبح اداء السيارة ضعيف جدا.

5- استهلاك الوقود اعلى من المتوسط.

6- التابلوه فقير نوعا ما و يرجع ذلك الى ثبات التصميم لعدة سنوات بدون تجديد.
منقووووووول

[dr tamer naguib]

تقرير جميل
: 14369D~149:

الحقيقة انا اعتقد ان الياباني واخد اكثر من حقه في الاهتمام و السعر
وبمقارنة العربية دي بالالنترا او السيراتو تخسر بامتياز

[Devill Blood]

بص حضرتك كان المفروض تجمع معلومات من مستخدمى السيارة أولا ,أحب أقول أن تابلوه اللانسر مصمم بأروع مايمكن ونلاحظ أن سيارات صينى تقلد تصميم هذا التابلوه مثل



ثانيا حضرتك بتقول العربية بتعوم بعد 120 أنا مشفتش الكلام ده لغاية 180 عادى جدا أحسن من الكوري يعنى,بالنسبة لموضوع العزل لو قصد حضرتك عزل السائق عن الخارج فأنا أخالفك الرأى اللانسر تقفل زجاجها وتنسى الدنيا خالص ووالله العظيم كلامى عن تجربة وصح100%
المحرك ال1300 معايا مفهوش مشاكل لكن أصلا عيب نتكلم عنه لأنه أختيارى طالما حضرتك قلت سعرها 120 يبقى أنت كده بتتكلم فى فئة ال1600 ودى مفهاش كلام

وشكرا لحضرتك ولكنى كنت أتمنى التقرير يبقى وافى شوية

[MmFFoR]

من امتلاكي للانسر
السيارة بتعوم بعد ال 140 مش 120 و بتعوم فقط لو بتاخد غرز او الطريق فيه مطبات هوا
خامات تضرب الالنترا و السيراتو بالشوز التابلوه جلد طبيعي و الطارة و الفتيس مكسي جلد ممتاز بينما الالنترا و السيراتو بلاستيك رديء
اداء ال 1300 ضعيف فعلا و لكنه اختيار للي عايز سيارة داخل المدينة باستهلاك وقود منخفض مش للي عايز اداء
اللي عايز اداء يجيب ال 1600 و هو من اقوى المحركات في فئتها
العزل مش واو بس يظل الافضل في الفئة دي و المحرك صوته هادي و منخفض جدا حتى مع القرص و السحب
صيانة و اعطال شبه مفيش حتى مع الاستخدام المكثف
و قطع الغيار تلاقيها من اول تيل فرامل ب 35 جنيه و حتى الاصلي ب 430 جنيه و موجوده في كل محلات الياباني و حتى الكوري
بينما العديد من المنافسين قطع غيارها في بعض الاحيان مش موجودة حتى في التوكيل

[samooh_2003]

المشاركة الأصلية كتبت بواسطة Devill Blood بص حضرتك كان المفروض تجمع معلومات من مستخدمى السيارة أولا ,أحب أقول أن تابلوه اللانسر مصمم بأروع مايمكن ونلاحظ أن سيارات صينى تقلد تصميم هذا التابلوه مثل ثانيا حضرتك بتقول العربية بتعوم بعد 120 أنا مشفتش الكلام ده لغاية 180 عادى جدا أحسن من الكوري يعنى,بالنسبة لموضوع العزل لو قصد حضرتك عزل السائق عن الخارج فأنا أخالفك الرأى اللانسر تقفل زجاجها وتنسى الدنيا خالص ووالله العظيم كلامى عن تجربة وصح100% المحرك ال1300 معايا مفهوش مشاكل لكن أصلا عيب نتكلم عنه لأنه أختيارى طالما حضرتك قلت سعرها 120 يبقى أنت كده بتتكلم فى فئة ال1600 ودى مفهاش كلام وشكرا لحضرتك ولكنى كنت أتمنى التقرير يبقى وافى شوية

كلام مضبوط جدا 100% بس العزل بصراحة مش قد كدا على السرعات العالية بالنسبة للثبات جميلة جدا