ساعدوني في إختيار سيارة في حدود 25000 جنية

[eng_ahmed_90210]

المشاركة الأصلية كتبت بواسطة eng_81_ayman انا سمعت ان الريجاتا فيها مشاكل في العفشة ومعظم الموجود في السوق فيه برومة بما إنك ناوي عليها انا عاوز منك خدمة تكتبلى كل اللي تعرفة عن هذه العربية من حيث المميزات والعيوب وإستهلاك البنزين وقطع الغيار واكون شاكر جدا

كل اللي اعرفه عنها ان في منها
1300 سي سي و 1500 سي سي
و المحرك التاني ده بيبقي فيه تكييف
بالنسبه لقطع غيارها
موجوده بوفره جديد و استيراد
و الجديد في منه الماني و كمان ايطالي
بس انا معرفش الدنيا ماشيه ازاي في القاهره
بالنسبه بقي لساعه الشرا
اهم حاجه يكون شاسيها فبريكه
و مش راشه دواخل زي اي عربيه
و مش مشكله لو في بارومه بسيطه في الصاج
تتظبط عند السمكري باقل التكاليف
و كمان لازم يكون كبس موتورها كويس
و يحبذ لو الموتور معموله نص عمره
يعني طقم شنبر و كاوتش صباب
بس لو معموله عمره كامله
بلاش منها او تسقط مكنه
و ربنا يعينا علي المرور ساعتها
بالنسبه للعفشه هي مفيهاش مشكله
و ممكن تركبلها عفشه رياضيه
او تركب عفشه كامله استيراد و تريح بالك
و ربنا يوفقنا جميعا الي ما فيه الخير

[moataz.ghoneim]

شوف يا باشا
مع احترامى لذوق حضرتك ..العربيات مش حاتنفعك فى مشاويرك دي خالص و انا باقولك كده عن تجربة (معايا ريتمو ريجاتا مو 84 مطلعة عينى )
نصيحتى جيب بيجو 504 نضيفة او 132 حالة ممتازة بالمبلغ اللي معاك
أو لو مصمم على الريتمو هاتها بسعر قليل (عنى 10 أو 12 مثلا) و اظبطها صح ميكانيكا وعفشة وسمكرة و خلافه ب 10000 وكدة تبقى فعلا عملت الصح
وبالتوفيق .

[eng_81_ayman]

المشاركة الأصلية كتبت بواسطة moataz.ghoneim شوف يا باشا مع احترامى لذوق حضرتك ..العربيات مش حاتنفعك فى مشاويرك دي خالص و انا باقولك كده عن تجربة (معايا ريتمو ريجاتا مو 84 مطلعة عينى ) نصيحتى جيب بيجو 504 نضيفة او 132 حالة ممتازة بالمبلغ اللي معاك أو لو مصمم على الريتمو هاتها بسعر قليل (عنى 10 أو 12 مثلا) و اظبطها صح ميكانيكا وعفشة وسمكرة و خلافه ب 10000 وكدة تبقى فعلا عملت الصح وبالتوفيق .

أشكرك على المشاركة لكن أريد اسباب أختيارك 132 بدل ريجاتا ايه المميزات اللي في 132 ياريت تسترسل فى المعلومات اللى عندك عن 132 بذات 1600 cc

[moataz.ghoneim]

mn elwade7 en mshaweer 7dretak kteer w belnesba l ritmo w regata dol 3rbiat msh bta3t sho3'l 5ales 3shan dol feehom mshakel kteer f el3fsha w shasee dayman ye7sal barooma f el antra bta3tha w tla2ee el3gl eli odam fata7 m3ak
laken el3ks tamamn f 132 w 504 dol 3rbiat mo3mra w bta3et sho3'l
besabab enohom gr 5lfi w bebnesba l 132
2000 cc a7san bas elnas btfadal 1600 3shan elbnezene w eldariba bta3et elmoror .

[ABD_CHEMIST]

المشاركة الأصلية كتبت بواسطة eng_ahmed_90210 بالنسبه للعفشه هي مفيهاش مشكله و ممكن تركبلها عفشه رياضيه

باشا ايه هيا العفشا الرياضية دى؟؟؟
وهل ممكن تركب لعربيات صغيرة زى الماروتى مثلا؟؟؟؟؟؟؟