العودة   مصر موتورز مجتمع السيارات > السيارات الأوروبية > رينو RENAULT > رينو لوجان Logan

رينو لوجان Logan The Dacia Logan is a car produced jointly by the French manufacturer Renault and its subsidiary Dacia of Romania. It is manufactured at Dacia's automobile plant in Mioveni, Romania, in Colombia, Brazil, Russia, Morocco, Iran, India and South Africa. It is also marketed as the Renault Logan, Nissan Aprio or Tondar 90 depending on the existing presence or positioning of the Renault brand.


إضافة رد
 
أدوات الموضوع
  #1  
قديم 20-06-2021, 12:14 PM
hamaad hamaad غير متواجد حالياً
هواياتي: كرة القدم والقراءة
 
تاريخ التسجيل: May 2011
الموقع: اسكندرية
المشاركات: 577
hamaad has much to be proud ofhamaad has much to be proud ofhamaad has much to be proud ofhamaad has much to be proud ofhamaad has much to be proud ofhamaad has much to be proud ofhamaad has much to be proud ofhamaad has much to be proud ofhamaad has much to be proud of
افتراضي الغاء السخن فى تكييف اللوجان

سؤال بيجيلي كتير
ألغي السخن بتاع سيارة رينو لوجان؟
هايحسن أداء التكييف؟
فيه ضرر ع الموتور؟
نبدأ ببسم الله الرحمن الرحيم
انا واحد راكب لوجان شكل قديم و ااحمد لله تكييفها افضل من الشكل الجديد لكن بحكم حبي للتجارب كنت لغيت السخن لفتره و النتيجه تنقسم لمميزات و عيوب
المميزات : سرعة خروج الهواء البارد في بداية تشغيل التكييف..ما بياخدش نفس الوقت المعتاد و ممكن بنسبة ما يكون فيه فعلا تحسن لا أنكر و اكيد ناس كتير جربوا و فعلا فرق و خصوصا مع اللوجان الشكل الجديد و اللي هيا اصلا تكييفها ضعيف
طب ايه العيوب
- عدم القدره ع التحكم في مقدار البروده لمعنى ان أوكرة التحكم في الحراره بتبقى زي قلتها هاتها سخن او بارد او اي وضع فاهيا كده كده على ابرد حاجه (ممكن يكون ده مش مشكله عند كتير مننا لأن كده كده احنا عايزين ابرد حاجه)
تاني سبب..في الشتا ما عادش عندك سخن (و برضه فيه كتير ما يفرقش معاهم الموضوع ده)
ثالثا (و دي أهم حاجه) و معلش حاول تركز معايا
دورة تبريد المحرك عباره عن مواسير و خراطيم و من ضمن مكوناتها سربنتينة السخن (مش كبيره زي الريدياتير لكن ما حدش يقدر ينكر انها جزء من دورة التبريد و بتبرد المحرك و لو بنسبه ضئيله) و لما تعرف ان تصميم عربيتك بيخلي مياه التبريد بتمر من خلالها باستمرار حتى لو مشغل التكييف البارد (راجع مسار خراطيم التبريد في عربيتك مش هاتلاقي صمام تحكم عند مدخل سربنتينة سخن التكييف) و كمان ملاحظتي الشخصيه على عربيتي (الحمد لله مهتم جداا بيها و خصوصا بمياه التبريد و بغيرها بأحسن نوع كل فتره و بتنزل نضيفه ما شاء الله)
ملاحظتي : الطبيعي و كلنا عارفين لما بنشغل التكييف مروحة الريدياتير بتشتغل (ع السرعه الأولى) في الطبيعي لكن لو زحمه شديده و الموتور حرارته بتزيد تروح المروحه محوله ع السرعه الأعلى
و ده الطبيعي
لكن لما كنت لاغي السخن كنت معظم الوقت لما بشغل التكييف كانت المروحه تشتغل ع السرعه العاليه مباشرة دليل على ان الموتور فعلا محتاج تبريد احسن بيعوض الجزء الذي تم اقتصاصه من دورة التبريد بتشغيل المروحهوع السرعه الأعلى
-تقصد من كلامك ان إلغاء السخن بييخن الموتور؟
-لأ الحمد لله الموتور ما سخنش
لكن ملاحظتي بتقول إن االحمل علىومنظومة التبريد و المروحه هايبقى ازيد شويه
طب بعد الكلام الكتير ده تنصح بالإلغاء؟
حضرتك اللي تقول حسب المميزات و العيوب و ما تخافش عربيتك مش هاتسخن لما تلغي بس زي ما شرحت (يمكن انا موسوس بزياده ناحية عربيتي) بس حبيت أنقل التجربه كامله للأمانه
انا رجعت السخن عشان نقطتين
فعلا بحتاجه في الشتا
و ثانيا : موضوع المروحه اللي بتشتغل معظم الوقت ع السرعه الثانيه
آسف طولت عليكم بس كان نفسي من زمان أنقل التجربه للأمانه
#منقول_للافادة
رد مع اقتباس
  #2  
قديم 20-06-2021, 12:19 PM
hamaad hamaad غير متواجد حالياً
هواياتي: كرة القدم والقراءة
 
تاريخ التسجيل: May 2011
الموقع: اسكندرية
المشاركات: 577
hamaad has much to be proud ofhamaad has much to be proud ofhamaad has much to be proud ofhamaad has much to be proud ofhamaad has much to be proud ofhamaad has much to be proud ofhamaad has much to be proud ofhamaad has much to be proud ofhamaad has much to be proud of
افتراضي رد: الغاء السخن فى تكييف اللوجان

بعد اذنك اضيف كام نقطه مهمه
دوره السخن فى التكييف ليها مهمه خطيره محدش بياخد باله منها أنها تفك التلج اللى بيكون على الثلاجه الداخليه بسبب التشغيل و علشان كده تلاقى نقط مايه نازله من تحت العربيه مع تشغيل التكييف
و بتساعد فى حفظ درجه حراره و ضغط غاز الفريون داخل دوره التبريد
طب لو لغينا السخن بقى
المايه اللى بتتكثف دى هتتحول لتلج على الثلاجه جوه و تبدأ تأكسد فيها و تسبب تاكل فى المعدن و حاجه تانيه مهمه ضغط الفريون جوه الدوره مش هيبقى مضبوط و بالتالى الكومبريسور بيشتغل و يفصل كتير جدا و فى فترات زمنية قصيرة و دى هياثر بالسلب عليه على المدى الطويل
#منقول
رد مع اقتباس
إضافة رد

أدوات الموضوع

ضوابط المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code متاحة
كود [IMG] متاحة
كود HTML معطلة

الانتقال السريع

المواضيع المتشابهه
الموضوع كاتب الموضوع المنتدى مشاركات آخر مشاركة
الصين ستصنع السيارات للعالم كلة AbOnOrA موضوعات متميزة 8 14-10-2011 04:24 AM
كل المعلومات عن شركات السيارات العالمية ... مميز وليد مجدى منتدى السيارات العام 3 02-06-2010 10:38 PM
الهند وصناعة السيارات Saif eldien TATA تاتا الهندية 3 11-10-2009 06:59 PM
الصينيون.. لماذا يتقدمون؟!,,,,,,,,,,,,,, مقالة واعجبتنى oldman نادى المبدعين 1 14-04-2009 03:26 PM
عاصفة السيارات في الصين oldman الصينى العام 1 14-04-2009 01:57 PM

 MasrMotors غير مسؤول عن أي اتفاق تجاري أو تعاوني بين الأعضاء
التعليقات المنشورة لا تعبر عن رأي MasrMotors ولا نتحمل أي مسؤولية قانونية حيال ذلك ويتحمل كاتبها مسؤولية النشر


الساعة الآن 01:55 PM.


Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017