لطيف قوى توكيل نيسان فى الاسكندريه

[shopraket]

ذهبت الى التوكيل لكى اتعاقد على شراء سياره نيسان صنى وقابلت المسئول فى المعرض اللى عند كارفور وسالته عن التقسيك مع بنك ناصر فرد طبعا بسسسسسسسسسسسس لازم يكون الاستعلام من فرع السلطان حسيين فى الاسكندريه ليه يا عم مش عارف سكت
ثم ظهر بالثانيه طب ممكن اشوف سياره لا دى بتيجى حسب الطلب وعلى العموم فيه تريله جايه دلوقتى ولو حتستنى شويه تشوفها او اتصل بك لما تيجى ومشيت من عنده ومجتش ولا اتصل طبعا ومكانش ليه لازمه الاتصال ليه علشان قنبلته الثالته وانا قاعد قالى وعلى فكره لما جواب البنك بيجى وعلشان تاخد ترخص تمضى على وصل امانه لحد الشيك ما يجى قولتله ليه هو امر التورييد مش كفايه قاللى لا وده ضمان قلتله امال البنك باعت بيقولك سلم العربيه ليه وانه هو المتحمل وكمان شرط الفرع اللى قلت عليه اتصل بيه ان كنت مش متاكد من امر التورييد قلى ده النظام
وحينها حلفت بالله ما انا شارى النيسان ولو مفيش غيرها فى مصر اما التوكيل بيعمل كده امل حيعمل ايه لما اخد العربيه
حبييت احكى القصه دى للعلم يمكن حد من نيسان يفهم الناس دى انهم بيطفشوا اللى عايز يشترى وللاعضاء وباعتبارى رجل قانون ماحدش يمضى على ايصالات طالما ان هنالك امر تورييد لان ده خطر جدا خصوصا ان الايصال ممكن يتغيير ويديلك واحد مقلد ومتقوليش دا توكيل وايه مصلحته لسببيين واحد انت بتتعامل مع بشر وواضح انى ماتفرقش عنده يبيع او لا اثنيين ده حقك

[AbOnOrA]

مشكلة سخيفة طبعاً وطلب مستغرب جداً ومعتقدش انه قاعدة فى نظام اى توكيل عموماً اكيد ديه فتوى من المسؤلين فى الفرع ده وكان لازم تبلغ بيها الادارة الاعلى
بس هو حضرتك تقصد مين بالظبط بتوكيل نيسان لان فيه اكتر من شركة بتتصرف كموزع معتمد واقرب للوكيل فى موضوع نيسان تحديداً لكن من يمثل الوكيل بشكل اقرب قانونياً على حد علمى هو المصنع فقط وتتساوى كل الشركات فى الانتفاع بالعلامة التجارية وانشطتها من بيع وخدمة وقطع غيار

وده اقتباس من رد الباشمهدس يونس فى الموضوع الخاص بالوكيل لتوضيح القصد
http://www.masrmotors.com/vb/showthread.php?t=859

بسم الله الرحمن الرحيم شكرا على المجهود العظيم لكنى اريد ان أضيف بعض المعلومات نيسان ملهاش وكيل محدد فى مصر فهى مختلفة تماما عن اى نوع عربية فى العالم مثلا فيات وكيلها فى مصر اوماترا و بى ام دبليو وكيلها البافارية و ميتسوبيشى وكيلها مصرية و هكذا لكن قصة نيسان مختلفة اليابانيون عملو مصنع فى 6 اكتوبر لتجميع السيارات النيسان و أدوا حق البيع و الصيانة لبعض الوكلاء مع تساويهم فى كافة الحقوق مثل العوض جروب و المحمل و السبع و يونايتد و مودرن موتورز يعنى مودرن موتورز مش وكيل نيسان هيا زيها زى العوض جروب و المحمل و يونايتد بس هيا متفوقة عليهم بحكم توافر قطع الغيار و السمعة الطيبة لأنها كانت من فترة صغيرة وكيل نيسان بالمفهوم التقليدى و هضيف حاجة كمان الوكيل هوا اللى بيضمن العربية فى مصر و مودرن موتورز مش بتضمنها ولا العوض ولا السبع ولا يونايتد ولا المحمل و لكن اللى بيضمنها المصنع يعنى اليابان نفسها أتمنى ان اكون اوضحت المعنى