حل لاى مشكلة خاصة بالسيتروين والبيجو والرينو واجابه لاى استفسارات مجانا

[gtr]

المشاركة الأصلية كتبت بواسطة nodey السلام عليكم اخي الفاضل استاذ فريد شكرا علي مبادرتك الجميلة ومش غريب علي اللي زي حضرتك ان تقدم النصح والمشورة اعرفك بنفسي ابو خالد مقيم بالسعودية ومن عشقي للسيارات الاوربية وخاصة الفرنساوي اقتنيت رينو كليو 2004 جير اتوماتيك عاملة 88000كم وللاسف سمعتها هنا بالسعودية مش قوي كل اللي موجود امريكي وياباني المهم عندي ثلاث استفسارات الاول : جير السيارة وهي بارة وما اجي اقرص عليها احسه ينتش واحس بهبدة كدا وتثبت السرعة علي الثالث وتظهر لمبة علامة الجير في التبلوه ما هو حلها وما هي طريقة تغيير زيت الجير مش عارف اغيره ازاي ومنيين اوصل لطبة التصريف وطبة التعبئة لو في صور عند حضرتك يبقي تمام لان الميكانيكة هنا في الضياع ثانيا : للمرة الثانية تنخرم قربة التبريد اللي مثبته في صدر العربية عند علبة زيت الفرامل وفكيت الرديتر وسلكته وغيرت المياه باصلية بتاع المرسيدس وبرضه بحس ان الضغط عالي في الخراطيش بتاع المياه حاسس ان الثرموستات باظ وله ايه مش عارف ايه سبب تكرار تلف قربة المياه دي وممكن نركب واحد اقل في درجة الحراة لانه حسب ما قرات انه بيفتح عند 89 درجة والحرارة بتزيد عن النصف بشرطتيتن عندها تعمل المروحة علي سرعة واحدة هل هي المورحة كدا ولا ليها سرعتين ثالثا : في شوية قطع محتاجة لو حضرتك تذكرلي اسعارها وبلد الصنع اكون شاكر ولو ما عندكش مانع تشحنهم الي بلد قريب من كفر شكر اكون ممنون لحضرتك وشركة الشحن تسلم وتستلم وطبعا حضرتك هتكون عارف شركة الشحن دي وما اكثرهم في القاهرة لانه في واحد مسافر ممكن يجبهم لي هنا لاني بعاني من عدم توفر القطع للنوع ده من السيارات ومش عايز افرط فيها وربنا يعين القطع هي ثيرموستات الحرارة ولو في اقل في الدرجة مثلا 76او 80 مثلا اواللي حضرتك تشوفه مناسب لجو السعودية لان الجو هنا ايه ناررررررر ودي صورة الثيرموستات قربة المياه تكون جودة كويسة ودي صورتها وكمان كويل اشعال ويكون فرنسي او الماني ودي صورته وكمان سير الدينمو مقاسه 6pk1750mm ودي صورته ارجو الاهتمام بموضوعي لان الاخ اللي مسافر قرب ميعاد سفره شاكر لحضرتك تقبل وافر تحياتي ابو خالد

الوكيل في السعودية الآن أفضل من السابق (الزاهد)
الجديد هو (أفضلية الخليج) و كل القطع موفرة فلا تقلق إلا إذا كان فارق السعر كبير.

و لك رسالة على البريد الخاص.
تحياتي.

[geologist_wael]

على فكره يا جماعه المهندس فريد شوقى استاذ ورئيس قسم فى الفرنساوى انا عندى سياره سترويين ZX موديل 98 وكانت فيها مشاكل كتيره وذهبت للكثيرين ولكن دون جدوى حتى من الله على بالمهندس فريد شوقى وظبطلى السياره مش كدة وبس دة كمان يتميز بانه موزع معتمد لقطع الغيار الاصليه للفرنساوى وفعلا اشترى لى قطع غيار غلبت علشان اجيبها من الخارج مش كده وبس لا لا دة كمان ارخص 10% من الغير.
واقول ايضا ان اسعار الصيانه والاصلاح لهذا الرجل فى المتناول وليس كما يقول الاخريين انه مغلوانى. وبالمناسبه يا باش مهندس انا كنت سالتك عن طقم حزام امان خلفى لسياره سترويين ZX موديل 98 هل من جديد..................... شكرا
وائل لطفى

[selavota_meda]

لو سمحت يا باشا .. انا معايا رينو كليو 2001 والسي سي بتاعها 1400
بقالها معايا اهو داخله علي 10 سنين ما شاء الله وماشيه تمام
يعني اتصرف عليها مصاريف كتير لإنها اتبهدلت
المهم دلوقتي محتاجه عمره ضروري في الماتور
سألت في التوكيل لو هعملها هناك هتكلف 8000 ج يا رياسه
بس انا شاب ولسه معنديش مقدره علي كده وكفايه اللي هي عملته فيا يعني
بس انا محتاج اصلها واعرف لو هينفع اجيبلها ماتور من بره والميكانيكي بتاعي يركبه وكده
محتاج اعرف سعر المواتير بره وفين بره يعني .. وياتري لو حبيت ابيعها بئه عشان اخلص منها بعد كده يعني ربنا يسهل .. هتنزل كتير في سعرها ؟؟
ياريت حد يبعتلي رساله هنا او يكلمني علي الميل ضروري يا جدعان .. وبجد ربنا يجازيكم كل خير
selavota_meda@yahoo.com
ياريت اي حد يكلمني او حتي ترن عليا رنه حتي واكلمك علي رقمي 0125680313

[farid shawky68]

المشاركة الأصلية كتبت بواسطة tejani ستروين ax صوت كركبه فظيع في اول مشوار الفرامل رحت لكذا ميكانيكي يقولي مفيش حاجه اخر واحد قالي السيرفو مع ان الفرامل مش بتصفر ولا بتحجر والاربي ام مش بينزل لما ادوس فرامل

شرفنى وليك كشف مجانى او اتصل بى على هذا الرقم
0123236021

[farid shawky68]

المشاركة الأصلية كتبت بواسطة abdelbakywaleed صوت السلانسيه عندى صوته بيعتى وينزل والميكانيكى قاللى حساس البوابة هوا المشكلة عاوز اجيلك ياباشا تكشفلى على العربية

شرفنى وليك كشف مجانى او اتصل بى على هذا الرقم
0123236021