bmw320i

[omar001]

انا دلوقتى امامى سيارة bmw320i 2009 مستعملة اللى هتشتريها منو فى انجلترا و هى كانت فى مصر و متسجلة فى مصر و بعدين اخدها معاه انجلترا بس مسجلهاش هناك علشان عجلة القيادة فى انجلترا مختلفة
دلوفتى انا عاوز اعرف ينفع لما اشتريها منو و استوردها اسجلها باسمى فى مصر؟؟؟ و سعر الجمارك ليها ؟؟ و ادا كان هناك اى عوائق قانونية ارجو الاهتمام و الرد السريع للاهمية

[AbOnOrA]

بص انت تشيل الموضوع من دماغك خاااااااااالص لحد ما ينزل بيها مصر تانى ويديهالك بشهادة مخالفات ورخصة سارية او شهادة بيانات

غير كده موضوع طويل مينفعش حد يخلصة غير المالك نفسه وحسب الاجراءات اللى هو كان عاملها الاول فى استيرادها او شرائها او شحنها

[AbOnOrA]

وبعدين ال 320 اكتر من الهم ع القلب مش مستاهلة التعب ده كله

[omar001]

المشاركة الأصلية كتبت بواسطة AbOnOrA بص انت تشيل الموضوع من دماغك خاااااااااالص لحد ما ينزل بيها مصر تانى ويديهالك بشهادة مخالفات ورخصة سارية او شهادة بيانات غير كده موضوع طويل مينفعش حد يخلصة غير المالك نفسه وحسب الاجراءات اللى هو كان عاملها الاول فى استيرادها او شرائها او شحنها

شكرا على الرد السريع

[porosski]

من رأيي مش عارف انا حاسس انه حوار ليه
اولا انا مش فاهم يعني ايه واحد يشتري عربية من مصر باسعار الجمارك الفظيعة ديه ويرخصها في مصر وبعد كده يسافر ويخدها معاه ؟! وكمان مش اي بلد ديه انجلترا يعني مسافة جامدة ومعنى كده انه شحنها كمان مش سافر سايقها زي لو كان رايح بلد في الخليج او ليبيا حتى ههههههه ،، وكمان هو من قلة العربيات في انجلترا رايح وواخد عربيته معاه؟! ولا اسعارهم هتبقىاغلى من عندنا ؟!! لا والادهى من كده انه عايز يرجعها كمان مصر علشان يبعها هنا !!!!؟؟؟؟؟ ويدفع شحن تاني لمصر؟؟؟!!!بصراحة انا عايز اساعدك بس فعلا مش فاهم ليه كل ده! وبعدين بقى حوار انه اخدها معاه ومسجلهاش علشان عجلة القيادة في انجلترا مختلفة!!!!!؟ اولا انا مش عارف انت فعلا مصدق الكلام ده؟ مفيش حاجة اسمها ماينفعش تتسجل علشان عجلة قيادة مختلفة ههههههه ادام ملتزم بنظام المرور هناك يبقى مفيش اي مشاكل ابدا، ثانيا هنقول مجازا ان فعلا الكلام ده صحيح مع انه مستحيل وانا شاف بعيني عربيات شمال عادي ماشية في لندن وكمان ابقى اتفرج على برنامج top gear وانت تتاكد،،فا لو قلنا ان كل ده صح هل هو مكانش يعرف حوار التسجيل ده الا بعد اما دفع فلوس الشحن والعربية وصلت هناك وبعد كده اتفاجئ؟؟؟؟؟!! وبما انه زي مابتقول شحن عربيته الملاكي من مصر لانجلترا معنى كده انه عايش هناك وعارف القوانيين مش انه يتفاجئ وميعرفش يسجلها زي مابتقول ومايستخدمهاش بعد كل ده !!!انت عارف لو كانت مثلا super car يعني فيراري ولا لامبورجيني ولا اي نوع اللي بيعدي المليون دولار ممكن كنت اصدق لكن دي بي ام الفئة التالتة يعني عادية جدا جدا جدا لا وكمان تلاقيها تقفيل مصري ،، بجد فعلا رأيي انا حاسس انه حوار خلي بالك بس لتكون اشتغاله وحد بيضحك عليك وتكون العربية في مصر ويكون عاوز يشتغلك في فلوس زيادة على اساس انك هاتستوردها ولا يكون اساسا الموضوع كله نصب ،
اخيرا نصيحة انت لو عاوز تشتري نفس الموديل مستعمل روح لمكان بيبيع مستعمل موثوق منه وقبل اما تشتري وتدفع فلوس خد العربية وروح اكشف عليها في التوكيل علشان تتاكد من كل حاجة وكل حاجة تبقى ادام عنيك وماتشتريش سمك في مايه ،،وبكده هاتريح نفسك من كل الحوارات ديه والجمارك و العوائق القانونية لان في بلدنا في خوازيق قانونية مش عوائق بس .
طبعا ده كان رأيي والله اعلم وربنا يسترها معاك ومعانا ويوفقك إن شاء الله