وداعا اليابان , كوريا , ماليزيا , و الصين و لو الهند معاهم كمان باي باي

[MaXx]

المشاركة الأصلية كتبت بواسطة solidsnake بس تتنفذ اصلا ,,,, و اهى كلها كام يوم و نشوف لما اللى موجود ى السوق يخلص والجديد اللى جاى يبقى ينزلوا الجمارك ان شاء الله ,,,, و ادينا مستنيين

في توكيلات زي فورد و سيات اجلوا احضار السيارت لحد السنة الجديدة علشان يستفيدوا بالتخفيض في الجمارك ,,,

و بكده ان شاء الله السعر المفروض ينزل و لو 3 % بالنسبة لل 1600 سي سي ,, و 10 % لل 2000 سي سي ,,, بدل 4 % و 13.5 % ( علشان الوكلا هيقولوا اليورو غلي )

المشاركة الأصلية كتبت بواسطة hesham mansour أنا رأيي لا تسبق الأحداث عشر سنين كتيييييير محدش عارف ايه اللي ممكن يحصل الدنيا بتتغير في ثانيه ما بالك عشر سنين

اكيد بس احنا المفروض بنتعامل مع المعطيات الموجودة ,,, و لما يبقي في جديد يا استاذ هشام هنبقي ندخله في الحسابات ,,,

خلينا نتفائل خير علي الاقل ولا التفاؤل بقي ممنوع علينا ,,, خلينا نفرح شوية

[د/احمد]

شكرا يا استاذ ماكس على الاهتمام والتوضيح .
والله الواحد يتمنى ان يشترى المواطن المصرى السيارات باسعارها الحقيقيه مثل بقيه دول العالم لاننا مظلومين مرتين مره فى الاجور المتدنيه ومره فى الاسعار المبالغ فيها.
ومرة اخرى لك جزيل الشكر

[tigernet]

شكرا ياباشا على المعلومة
بس بعد 10 سنين عليك و علينا بخير
انا ياباشا عربيى لانسر 2008 نزلت فى 2009 4000 الف و فى 2010 زادت 13000
مع بعض التغيرات البسيطة فى العربية

اقصد من غير اتفافيات الاسعار بتنزل و تطلع
و مرة وزير المالية قلها لا الغاء الجمارك العربيات و الموبيل
اعتقد انة كلام على ورق

[فادى]

لا اعتقد ان وضع السوق سوف يتغير كثيرا,
السيارات الأسيوية تنتشر بسبب الاعلام و الاعلانات, بالاضافة الى ترويج التجار لها,
السيارات الأوروبية لا تتمتع بهذا الدعم الاعلامى, لا نقيس على انفسنا فى المنتدى هنا لأن معظمنا يمتلك قدرا من الثقافة يؤهله لمعرفة معظم الماركات الموجودة فى السوق,
و لكن هذا لا ينطبق على معظم المستهلكين, الذين يشترون بحسب ما تقوله لهم الاعلانات و الناس اللى عاملين نفسهم فاهمين كل حاجة.
السيارات الأوروبية بالطبع مستوى التكنولوجيا بها و الامان و التصميم أفضل كثيرا من السيارات الأسيوية, كما أنها لا تقلد الشركات الأخرى مثلما تفعل الشركات الأسيوية (حتى اليابانية), لكن للأسف فان معظم المستهلكين لا يعرفون ذلك.

[MaXx]

المشاركة الأصلية كتبت بواسطة د/احمد شكرا يا استاذ ماكس على الاهتمام والتوضيح . والله الواحد يتمنى ان يشترى المواطن المصرى السيارات باسعارها الحقيقيه مثل بقيه دول العالم لاننا مظلومين مرتين مره فى الاجور المتدنيه ومره فى الاسعار المبالغ فيها. ومرة اخرى لك جزيل الشكر

العفو لا شكر علي واجب ,,, و فعلا انا متفائل خير بالفترة اللي جاية في موضوع العربيات ده ,,,

المشاركة الأصلية كتبت بواسطة tigernet شكرا ياباشا على المعلومة بس بعد 10 سنين عليك و علينا بخير

برضو ارجع و اقول يا جماعة التخفيض مرحلي علي 10 سنوات يعني كل سنة الاسعار هتنزل لحد م توصل للشكل النهائى في الموضوع و اقل كمان لان المفروض ان الضريبة بتتحسب علي سعر العربية + الجمرك و بكده تتحسب علي العربية بس ,,,

يعني المفروض اننا نشوف تخفيض فعلي في سعر العربيات الاوروبية كل سنة لمدة 10 سنوات ,,,