حكايتي مع ( شيفرولية افيو) "وسوء التصنيع"

[SALAHHAKIM]

المشاركة الأصلية كتبت بواسطة Adham السكودا عربيات كويسة ومتينة لكن الاساس ان العربيات الشيفرولية (او الجنرال موتورز بشركاتها عامه) غير الكوري و ماينفعش نحكم على شركة عريقة زي جنرال موتورز من اخر انتاجها من ساعه ما اشتروا دايوو عشان دايو دي سبة في جبين جنرال موتورز و بالذات التجميع المصري للصناعه الكوري اثبت اننا مانعرفش نعمل الا قلل قناوي لكن تقول لمين و كل واحد في منصور ولا لية واحد قريبة شغال في منصور بيتكلم بمبدأ مين يشهد للعروسة او كأن أونكل منصور دة يبقى خاله دفاع اعمى و مستميت و خلاص و يوم مايسيب منصور حايتكتبلك هنا موضوع عن كشف حقيقة منصور و التلاعب في الانتاج و الصيانة و قطع الغيار و قصايد من عينة الغشاش النصاب اللي بيسرقكم و انا حاكشف لكم كل الاعيبة و المواضيع اللي كلنا عارفينها

السلام عليكم
حضرتك بتتكلم صح بس الحل كان فى شكوى لجهاز حمايه المستهلك ومحضر
وبعدين الناس هيا الى بتسيب حقها وعوزه تكبر دمغها .

[drsemba]

المشاركة الأصلية كتبت بواسطة yoko انا معاهم لحد ما هما الي يخدوها وهما قلولي لو فيها مشاكل تاني هنرجعها للمصنع بس أنا مستني لما تجيب كل الي عندها عشان ميفتحوش بقهم تاني

السلام عليكم ورحمة الله انا عضو جديد فى ه\ا المنتدى الرائع انا بكنت على وشك امى اجيب افيو وكنت مبهور بشكلها اوى بس بعد كل اللى سمعتة عنها كده غيرت فكرتى بس كنت عايز اسال ايه رايكو فى اللوجان وايه اللى ممكن يتجاب كويس ب 76000 شكرا

[هاني86]

المشاركة الأصلية كتبت بواسطة yoko أنا معايا الأفيو من شهر ٤ وطلعلي فيها بلاوي وهي ١) أكس شمال عيب تصنيع وإتغير ٢) تزييق في العافشة متحلش لحد دلوقتي من ساعة ما إشتريت العربيه راحت التوكيل عشان الموضوع ده حوالي ١٥ مره ٣) الهاند بتعمل صوت تكه وصلحوها كذا مرة وكل ما تتحل ترجع تاني بعديه بإسبوع مع إني ما بشدش هاند وأنا ماشي خالص ٤) لمبة البنزين بتعلق من ساعت ما جبت العربيه و متصلحتش ٥) العربية كانت بتترج جامد وغيرو الطنابير ٦) في حاجه إسمها البوابات Tps ودي بتعطل وملهاش حل العربية بتكبس بنزيل بمزاجها يعني شويه تدوس وشويا لأ وبتاكل بنزين بغباوه ١٦٠كم/صفيحه ٧) تارة الدركسيون معوجه للمرة التانية ولما رحت المركز الرئيسي الي في طريق مصر إسكندرية وتخنيئت معاهم قلولي حكايت البوابات دي مشكلة في كل العربيات ومش معروف سببها(يا فرحتي) وهما غيرولي بعد الخنائه ١)مساعد ٢) نظام الفرامل كله ٣) صلحوا البوابه بس قلولي هترجع تاني ٤) نزلوا سوفتوير جديد للعربية ٥) عملولها زواية ٦) عدلو التاره لكن ١) لمبة البنزين قالولي مفيش قطع غيار ولما تيجي العوامات بتاعت البنزين هنقلك والعداد بقى بيعلق مع إنو كان شغال كويس قبل ما أوديهلهم ٢) تزيقت العفشه لسا متصلحتش دا وهما لسا عملنها إمبارح!!! ٣) قاعدة المتور مفكوكة ٤) العربية بتحدف يمين للمره ٥ من ساعت ما جبتها أنا عامل بالعربيه ١٢٠٠٠ كم بالظبط

انا احب انوه عن تاريخ المشاركة وارد تكون تم تلافي هذه الملاحظات في الموديلات الجديدة وهو ما افادني به مهندس في توكيل منصور في محرم بك وربنا يستر العربية مشيت 11الف بس لكن الحمد لله لم تظهر اي مشاكل حتي الان غير ان التكييف في الحر مش تمام

[crime]

انت كرهتونى ف واحده من اكتر عربيتين بحبهم
اووووووووووووووووف ياريتنى ما قريت الموضوع ده اصلا

[محمد فيصل]

للاسف الشديد ممكن ان تجد اى عيب فى اى سيارة تجميع مصرى للاسف بسبب الفهلوة والسرقة