سرقة بالإكراة على وصلة الدائرى بالمريوطية

[Emgrand]

ده مخطط عشان يكرهوكم فى الثوره
بس على مين انا اصلا كارها من الاول

[ahmed_eng2001]

المشاركة الأصلية كتبت بواسطة صانع الخيال يا باشا انت بتكلم عن حالات السرقة العادية وطبعا مفيش بلد مفهاش بلطجية ولصوص بس مش لدرجة الفوضى الى احنا فيها دى وانا لو كلمتك عن حالات السرقة الى بسمعها من ناس اعرفهم مش هتصدقنى لان دول بيتسرق منهم بالملاين وحالات قتل مش سرقة وبس دلوقتى لو اتخنقت مع حد فى الشارع بيطلعلك طبنجة ويضربك ويمشى دول كمان من الداخلية ؟؟ دا غير حالات سرقة العربيات الى بقت موضة وحالات الخطف

السلام عليكم

انا بتكلم عن حالات السرقة العادية و بقارنها بحالات السرقة الى كانت قبل الثورة .... احنا نكسب
دلوقتى بقارن بين نفس الحالات و بينا بعد الثورة .... احنا نخسر بس احنا مش بعيد اوى
الفكرة ان غياب الامن و غياب القانون خلى كل واحد يطبق قانونه الخاص بنفسه ... الى هو بيبقى ضد القانون اصلا ...
انا سامع طبعا ان فيه حالات سرقة كتير و قتل كتير كمان و زى ما قلت لحضرتك .... كل واحد بيطبق قانونه الخاص علشان مفيش حد حيحاسبه

و ارجه و اقول لحضرتك ...... احنا فعلا كنا فى امان ظاهرى .... يعنى انا بمشى و انا مش خايف فى الشارع فى المناطق العامة من السرقة بالاكراه ... و دلوقتى لأ

تعرف حضرتك لما بيجو يسيحوا الحديد ... لازم تطفوا على السطح شوائب لما الحديد ينصهر .... حالة الانفلات اللامنى دى هى الشوائب الظاهرة

المفروض اننا نفكر ازاى نواجهها ... و منرميش اللوم على بعض و لا على الزمن و لا على الثورة و لا على مبارك و لا على الداخلية ... ممكن نحاسب الناس دى ( لو نقدر ) و فى نفس الوقت نتحرك لعمل حاجة فعلية

الثورة قامت علشان مصر كان فيها ظلم و الدنيا حيفضل فيها قلق طول ما لسا الظلم موجود

انا دائما بقول نار بلدى و لا جنة اى بلد تانية .... مش حقول لحضرتك انى لافف و داير و رحت بلاد كتير و الكلام ده ... بس انا اتحطيت فى مواقف فيها شوية ظلم صغيرة فى بلاد تانية ... قلت ظلم بلدنا ارحم

[Elawany13]

المشاركة الأصلية كتبت بواسطة ahmed_eng2001 ده حضرتك عاوز اجمع لك المقالات الى اتكتبت و المناقشات الى اتقالت من بداية الثورة حتى الان ..... علشان احتمال تقتنع موضوع البلطجية و الحرامية ....... ياريت حضرتك تفكر بالراحة و واحدة واحدة كدة على مهلك ايه و مين السبب فى انتشار الموضوع ده انا مش حقولك الجيش و المجلس العسكرى و 6 ابريل و 5 مايو و الكلام الكبير ده ... حضرتك لوحدك كده فكر على مهلك و اتمنى انك تعرف السبب الحقيقى اما عن موضوع الامن ... فمما لا شك فيه ... احنا ( كشعب مصر ) فقدنا ما كان يسمى الامن الظاهرى الشامل .... الى هو الحرامية و البلطجية طيب .... احنا اسوا بلد فى العالم ؟؟؟ لا طبعا ... فيه بلاد كتير حالتها اسوا من حالنا و هى مستقرة و الناس مش بتشكى .... حضرتك حتقول احنا ملناش دعوة بالبلاد دى ... عندك حق ... انا بس بضرب لحضرتك امثلة بس زميلى اتثبت فى الكونغو و اتاخد منه 200 دولار .. انا اتسرق منى 100 دولار زميلى اتضرب و اتاخد منه 300 دولار و جواز سفره و الحمد لله ربنا نجاه, كان حيروح فيها فى اوكرانيا اكتر من زميل ليا اتثبتوا فى امريكا ( نيويورك و ميتشجان ) فى مناطق متوسطة الحال انا و زميل ليا اتسرقنا فى جنوب افريقيا مدير والدى فى الشغل اتسرق فى هونج كونج ( 15 الف دولار و جواز سفره ) و غيرها كتير اوى لو حضرتك تحب تسمع انا مش بدافع عن حال البلد .... بس مش ده الشماعة الى نعلق عليها مشاكلنا و كان حياتنا كانت زى الفل قبل الثورة و مفيش غير موضوع الحرامية ده بس الى جد علينا بعدها

ماشاء الله
مصر بقت بتتقارن بالكنغو والسنغال وبوركينا فاسو
عليه العوض ومنه العوض

[shedo6]

يا تري الحلم هيبقي حقيقه ؟؟؟؟ وامتي

[M.TONSY]

قـال تـــعـالـى ((ادخلو مصر ان شاء الله آمنين)) صدق الله العظيم
ان شاء الله مصر ربنا حافظها