مبتدءى بالسيارات ارجو مساعدتى

[samirayad]

المشاركة الأصلية كتبت بواسطة احمد المايسترو ابويا وعمى مش معاهم عربية انا اول واحد بعيلتى يجيب عربية هما من النوع الى بيحب الرياضة لكن انا عايز اريح نفسى شوية من المشى وعادى هخلى واحد صحبى خبرة فى السواقة يعلمنى هى عربيته فيات قديمة شوية بس ماشية ان شاء الله اخليه يعلمنى بالاجازة

والله جدعان أوى والدك وعمك يا أحمد

ياريت تتعلم منهم

عدم الأعتماد على السياره فى كل شىء

ولو تبدأ بدراجه

فهذا أفضل صحيا وماديا

العربيات علمتنا الكسل بجد

وبتأثر على لياقة الواحد البدنيه

[احمد المايسترو]

المشاركة الأصلية كتبت بواسطة samirayad والله جدعان أوى والدك وعمك يا أحمد ياريت تتعلم منهم عدم الأعتماد على السياره فى كل شىء ولو تبدأ بدراجه فهذا أفضل صحيا وماديا العربيات علمتنا الكسل بجد وبتأثر على لياقة الواحد البدنيه

انا جبت عجلة فى اولى ثانوى واتسرقت بعديها بشهر وجبت عجلة السنة دى فى تالتة ثانوى واتسرقت بعديها بشهرين فزهقت من العجل بعدين خلاص رايح كلية عجلة ايه الى اركبها وانا رايح الكلية ان شاء الله .......... هو فعلا زى ما بتقول الرياضة مهمة ما انا مش هركب العربية لو جبتها ان شاء الله علطول لما اخرج مع اصحابى بنحب نتمشى احسن وشكرا للرد

المشاركة الأصلية كتبت بواسطة احمد المايسترو شكرا على الرد بس هو ممكن اتعلمها فى يوم واحد بس انا شايف انها مش محتاجة شهر كامل وثانيا انا العربية الى هجيبها ان شاء الله هكمل بيها علطول لغاية ما اتخرج واشتغل واجيب عربية بفلوسى وهو فى فرق قيادة الاوتامتيك عن اليدوى يعنى لو الى هيعلمنى علمنى سواقة اليدوى وانا جبت اوتماتيك هتفرق ولا لا لو حد يعرف عربية جديدة وتعيش ومش فوق ال50 الف يا ريت يبلغنى بيها ويقلى مواصفتها وصورة عنها وايه مميزاتها وعيوبها انا مقتنع ان ما فيش شى كامل الكمال لله وحده فعادى لو قلى عيوبها ولو حد من سوهاج هنا يعرف اماكن معارض سيارات اسعارها كويسة وتقبل التقسيط يبلغنى ضرورى

http://www.youtube.com/watch?v=bOfannKnXuY

تكييف باور وكربراتير وقطع غيار رخيصة ومتوافرة واى ميكانيكى يقدر يصلحها لك ومتينة وعالية عن الارض !لادا 2107

http://www.youtube.com/watch?v=_HFROfzD-pc

http://www.youtube.com/watch?v=qXtKAw_9158

http://www.youtube.com/watch?v=gZ-xA4nz5M4

[waleed_d82]

والله يا جماعة انا شايف ان يتعلم السوقة في يوم عادي دا راجع لشخصية المتعلم بيستوعب بسهولة ولا اية نظامو
عندك مثلا انا كنت لا افقة شي في السيارات اشتري والدي عربية لانوس تعتبر جديدة المهم السمسار الي جابهالنا علمني عليها مش حتصدقوا لمدة حوالي ساعتين بس وبعدين انا بقيت اخد العربية يوميا واعلم نفسي في اماكن واسعة وبعد ثلاث شهور كانت الرخصة في جيبي ودلوقت وبعد ثلاث سنين بسوق يمكن احسن من سواقين الاجرة الي حياتوا كلها سواقة
هواستاذ احمد من فين بسوهاج علشان لو قريب مني انا ممكن اتبرع واتكرم واديك دورة مكثفة في السواقة

[.EhAb]

انتوا حسستونى ان السواقة انى اعرف مكان الدواسات و اعرف اشغل العربية و امشى بيها بس
كدة يبقى يوسف ابنى (عنده 5 سنين) يتعلم القيادة
اللى انا فاكره من كلام الوالد-الله يرحمه- لما علمنى على الرائعة فيات 132 من 17 سنة:
- لازم تفهم العربية و محركها و بتمشى ازاى علشان تفهم المطلوب منك.
- قبل ما تتحرك بالعربية تظبط المرايات و تلاحظ الطريق كويس (خاصة الاطفال حول العربية).
- خليك دايما هادى علشان تعرف تتصرف فى اى موقف مفاجىء.
- دائما توقع أخطاء الآخرين علشان رد فعلك يكون أكثر سرعة في جميع المواقف.
احترس من سواقين الجيش و الشرطة و الميكروباص:w6w20050411135 62663.
و بصراحة نسيت الباقى
والكلام لاساتذة المنتدى