عايز أشترى عربيه ومحتار ياريت حد ينصحنى

[الهاك الصغير]

أولا دي هتبقي أول عربية لحضرتك هتتعلم عليها يبقي انت قدامك ياشاهين يالاده وانا بقول بلاش اللاده بس المشكله طول حضرتك يعني حضرتك تجرب ال 3 عربيات في الركوب اللادا والشاهين والاكسيل وانا افضل الشاهين ثم الاكسيل ثم اللادا انما لو الشاهين طلعت ديقه عليك يبقي قدامك الاكسيل وخلاص او الاكسنت اوسع كمان

وبالنسبه للمواصفات اللي حضرتك بتسأل عليها اكيد طبعا عربية فيها تكيف وبور وسنتر أغلي من العربية اللي مافيهاش الحاجات دي وبالنسبه للعربية اللي راشه جوه دي بتبقي احتمال كبير عامله حادثه ويستحسن تبعد عنها تفاديا للمشاكل وبمعني آخر كل مالعربية كانت حالتها نضيفه هتبقي أغلي من العربية المتبهدلة لانك مش هتصرف عليها كتير

[Hisham.Elgazzar]

دايو نوبيرا عشان طولك وعشان هتبقى راكب عربية كويسة بإذن الله ومصاريفها قليلة
الفيات حاجاته رخيصة لكن العكاكين كتيير

[sharooo]

لو معاك 30 هات برايد
واسعه وممتازه جدا وهترتاح انشاء الله فيها
لو معاك 40 هات نوبيرا او سيفيا او شوما
السيفيا والشوما اوسع بكتير من النوبيرا بس قطع غيارهم اغلى بكتير

[fodasoft1]

جزاكم الله خيرا

شكرا لكل الى رد عليا

بارك الله لكم

انا جربت اللادا وسوقتها يعنى الطول كويس بس يمكن برجع الكرسى السواق شويه علشان رجلى تكون مرتاحه و مش تكون مضغوطه

كل شويه بحتار

يمكن دخل دماغى الدايوا لانوس 1

بس مش عارف السعر وكمان موضوع العربيه واطيه والمطبات انا فى قريه وطرق غير ممهده وبسوق على طريق زفتا الزراعى ده مفروض طريق بيربط 3 محافظات

قليوبيه ومنوفيه وغربيه بس للاسف طريق واحد رايح جاى ومطبات عجيبه و دورانات غربيه مش عارف حد يعرفه ولا ايه

يعنى مطبات فل

مش عارف ايه رأيكم

ممكن المبلغ يوصل لــ 35 الف بس انا مش عايز اكره السواقه واتعقد من العربيه

فعايز عربيه تكون كويسه مش محتاجه مصاريف و تزهقنى

يعنى الدايوا لانوس افضل من الإكسيل

بالمبلغ ده وممكن اصرف كمان الف بس ارتاح علشان المواصلات بهدلتنى

الترتيب ايه

دايوا لانوس 1 - اكسيل -اكسنت - نوبيرا

ولا ايه

ولا شاهين ثم لادا

ولا اعمل ايه الإختيارات كتير

وكل شويه الواحد يتردد ويحتار

[nawwara]

اللانوس والاكسيل والاكسنت والنوبيرا كلهم كويسين بس مش عاليين عن الارض كفاية
وبما ان حضرتك اتكلمت على طريق مش حلو ومليان مطبات يبقى واحدة من اتنين
يا الشاهين يا اللادا , الاتنين عضمهم جامد المهم تكون باور يعنى دركسيونها خفيف عشان مش تتعبك وانت سايق ويا حبذا لو فيها تكييف
وبالتالى عليك انك تشوف ايهما افضل لك من حيث الركوب واللى ترتاح لها منهم دور على واحدة منها تكون حالتها نظيفة
بالنسبة للادا ماتخرجش عن الموديلات الروسى , وابعد تماما عن اللى تقفيلها مصرى
موديلات الروسى فى التسعينات بس ماعرفش لحد سنة كام تحديدا
بالنسبة للشاهين ماتنزلش عن موديل 2000 وكل ما طلعت لفوق كان افضل , واعتقد ممكن تلاقى من 2000 لحد 2005 فى حدود 30000 الى 34000 تقريبا , على حسب الحالة
انا شخصيا ارشحلك الشاهين , موديلاتها احدث واعتقد مشاكلها هاتكون اقل من اللادا ... والله اعلم
وربنا يوفقك لما فيه الخير لك
اللهم آمين