عايز أشترى عربيه ومحتار ياريت حد ينصحنى

[fodasoft1]

السلام عليكم ورحمه الله وبركاته

كل عيد وانتم طيبين

يارب تكون فى اتم صحه وساعده

انا محتاج اشترى عربيه و الملبغ الى ممكن يتوفر من 20 الف الى 30 الف

محتار اوووى وكنت عايز حد يساعدنى كنت بفكر فى هينداى اكسل وبعدين

قلت اجيب لادا و بعدين شاهين

شفت موضوعات كتير بس متردد

و محتار محتاج عربيه كويسه وانا لسه ممتدأ سواقه وكمان عايش فى قريه وانتوا عارفين المطبات

الشغل قرب حوالى 40 ك رايح وراجع

ومشاويرى قليه ممكن انزل مصر لو فى حاجه ممهمه بش مش كتير ومسافه 80 ك

رايح بس

بس ده قليل

بفكر فى لادا مستعمله روسى موديل 96 الى 99 و تكون حاتها كويسه

ابن عمتى جابها 96 حاتها كويسه بــ 21 الف

او شاهين

بس ياريت تنصحونى ايه المودلات الكويسه فى شاهين
95 ،, 97 ،، 2004

ولا ايه علشان موضوع المتور و حاجات دى واستهلاك البنزين كاربيراتير

ولا لادا

وسعر موضوع رشه بره نظافه

رشه جوه

عمره قربيه


انا مش فاهم فى حاجات دى

ياريت علشان مش ينضحك عليا فى تفافت كتير فى الاسعار للشاهين

من 26000 لحد 40000 بس ياريت حد يفهمنى اختار ازاى واكشف على ايه

وانا بشترى

وحاله واسعار عامله ايه

ياربت تنصحونى ؟؟؟

جزاكم الله خيرا

[fodasoft1]

نسيت اوضح حاجه انا طولى بسم الله ماشاء الله 198 سم

يعنى عايز العربيه تستحملنى واكون فيها مرتاح علشان رجلى وكمان راسى

مش كل يوم تضبتنى

[sherifabden]

احسن حاجة ممكن تجيبها اكسيل او اكسنت تسعينات
وممكن تزود المبلغ شوية وتجيب دايو لانوس 1 تبقا افضل واحسن
وسيبك من اللادا والشاهين لو قعدت فيهم (دا اذا عرفت تخش فيها اصلا) راسك هتبقا لازقة في السقف وانتا ما شاء الله طويل
ومبروك مقدما

[abolo2]

السلام عليكم
بصراحة انا خبرتي قليلة ولكن الرأي الشخصي ليا ان الشاهين احسن من الادا في النعومة والشكل و الاكسل برضو عربية جميلة جدا
انا لو هختار هختار الشاهين
وللعلم تاني انا خبرتي قليلة واكيد الشباب الموجود هيرد عليك بالأحسن
ربنا يوفقك للاحسن :T HE_PR~18:

[fodasoft1]

جزاكم الله خيرا
ياريت توضحلى
اكسيل او اكسنت تسعينات
وممكن تزود المبلغ شوية وتجيب دايو لانوس 1 تبقا افضل واحسن

ياعنى كام يعنى دايو لانوس

بس تكون كويسه ومش عايز اتعقد انا جديد فى السواقه

وكمان المطبات العاليه والواطيه
علشان الطريق
والقريه وطرق غير ممهده

وياريت حد يقولى ايه الموديل سنه كام و

اكشف على العربيه ازاى

ايه المميزات وحاجت المهمه

الى اشوفها فى العربيه انا مش ليا خبره خالص

عايز حد يفدنى

انا بشوف تفاوت كبير فى الأسعار

وكلام كتير

واصفات خليجي تكييف - هاف باور - جنوط اسبور - فرش جلد - ألماتور لا يحتاج أي مصاريف بحالة جيده جدا زجاج أمامي كهربة أنذار

باور ستيرنج ؟؟

رشه بره نظافه

هى رشه جوه دى فيها مشكله

واعرف ازاى



جزاكم الله خيرا