"ميتسوبيشي" قد تجمع سياراتها في مصر

[koashraf]

المشاركة الأصلية كتبت بواسطة mmffor يا اخي حرام عليك! بدل ما تشجع التجميع لخفض السعر على الاقل!!

خفض السعر مع خفض الجوده غير مطلوب اذهب الى قسم الصنى وشوف بعد التجميع المصرى بقت ايه مشاكلها واراء الاعضاء بشراء الصنى قبل 2003 قبل التجميع المصرى ومشاكله واهى سعرها للمانيوال بقى 84 الف .

[ramy01011]

عليه العوض و منه العوض

[MmFFoR]

يا جماعة اللي بيحصل ده غلط! انا باعارض التجميع المصري في حالة واحدة بس!!! للهيونداي و الشيفروليه لما تبقى العربيه مستورد ب 74 الف و لما تبقى تتجمع محلي في مصر ب 72900!!!! في الحالة دي اقول لأ للتجميع المحلي و انا عندي استعداد ادفع الالف او الافين الفرق بس اخد تجميع بلدها!!!!!! بس الصني المستورد (ياباني) قبل 2005 كانت ب 106 او اكتر و بعد التجميع المحلي باقت ب 82 او 84 الف!!!! انا افضل و احب و اؤيد التجميع المحلي في الحاله دي!!!!!!!!! لما الاقي عربيه ياباني بسعر ارخص من الكوري علشان الكرسي او الصاج بتاعها مصري! ماله المصري!!!! 5 سنين كمان و ان شاء الله نتفوق على الكوري وليه لأ!!! هيونداي ابتدت مشوارها من 1982 بس بتجميع عربيات ميتسوبيشي باسم بوني و لحد 1998 كانت بتجمع الانسر تحت اسم اكسيل مع تغيير طفيف بالشكل الخارجي ( اكسيل 98 بتكنولوجيا لانسر 89 - 92 ) و البروتون ابتدت ولازالت بتجمع عربيات ميتسوبيشي!!!! لو المصنع الجديد ده اتفتح فعلا انا اؤيده 100% الى ان يتبين لي فشله الذريع و لو نجح بنسبة 60 - 90% يبقى نجاح باهر

[MmFFoR]

المشاركة الأصلية كتبت بواسطة koashraf خفض السعر مع خفض الجوده غير مطلوب اذهب الى قسم الصنى وشوف بعد التجميع المصرى بقت ايه مشاكلها واراء الاعضاء بشراء الصنى قبل 2003 قبل التجميع المصرى ومشاكله واهى سعرها للمانيوال بقى 84 الف .

انا روحت قسم نيسان و على فكره مفيش اي حد بيشكوا من التجميع المصر ي على الاطلاق!!! و المصنع المصري تحت اشراف ياباني بالكامل لأنه مملوك بالكامل لنيسان اليابان!!!!!!! و الحمدلله انا شايف انهم بيتلافوا اي عيوب اول باول!!! مثال كان في مشاكل ان عفشة ال ex saloon ناشفه راحوا ركبوا عفشة ال supersaloon الرياضية الناعمة اللي كل الناس بتشكر فيها في العربيه ال ex بدون ما يزودوا سعرها!!!!!!!! ناس محترمة جدا بتحترم رأي العميل و بتصلح اخطاءها!!!! الناس كانت بتشتكي من الارتفاع الطفيف في استهلاك الوقود لموديلات 2009 راحوا نزلوا في الموتور حساس الشكمان اللي بينظم عملية احتراق الوقود و فعلا ملاك الموديلات الجديده بطلوا يشتكوا!!!! هوا ده اللي انا باقوله try and error هي الوسيله الوحيده للتطوير و لازم نبقى سعداء و احنا شايفين صناعتنا بتتطور! و بتتحسن لحد ما في المستقبل القريب ان شاء الله حنطلب العربيه المصري بالاسم لانها بتحترمنا كمستهلكين!!! و بتلبي رغباتنا الخاصه ! و شكرا لنيسان مصر و الى الامام ميتسوبيشي مصر في القريب ان شاء الله و باي باي غبور و منصور

[ahmed1981]

المشاركة الأصلية كتبت بواسطة mmffor و المصنع المصري تحت اشراف ياباني بالكامل لأنه مملوك بالكامل لنيسان اليابان!!!!!!!

أنا كنت هقول نفس هذا الكلام

لأني دخلت مصنع نيسان في مدينة 6 أكتوبر
الإدارة اليابانية والمصنع مملوك بالكامل لليابان وبالتالي نرى الفكر الياباني الناضج في الإدارة ظاهر حتى على سعر السيارة

المهندسين تحت الإدارة والعاملين مصريين

والحقيقة أنا ذهبت لمصانع سيارات كثيرة في مصر وكانت أفضل معاملة بصدق في مصنع نيسان