العودة   مصر موتورز مجتمع السيارات > السيارات اليابانية > نيسان NISSAN > صنى SUNNY

صنى SUNNY نيسان صنى


إضافة رد
 
أدوات الموضوع
  #31  
قديم 04-03-2010, 03:29 PM
الصورة الرمزية iskandranee
iskandranee iskandranee غير متواجد حالياً
 
تاريخ التسجيل: Sep 2009
المشاركات: 47
iskandranee is a jewel in the roughiskandranee is a jewel in the roughiskandranee is a jewel in the rough
افتراضي رد: تقرير عن مشاكل وعيوب نيسان صني 2009 - 2010

by the way i was amazed by the acceleration when i drove it today. I was cursing and stepped down the paddle involuntary*(unintentiona l kick down) .
Did not feel it but after moving at 40 km / hr i found i was driving at 120 km/hr. Did not feel any difference and if it was not that i checked my meter i would have been cursing
like that for a while. I thought i was 60 - 80 tops.
Each day i become more convinced i made the right choice
رد مع اقتباس
  #32  
قديم 06-03-2010, 01:58 PM
elkomi15 elkomi15 غير متواجد حالياً
 
تاريخ التسجيل: Aug 2009
المشاركات: 36
elkomi15 will become famous soon enoughelkomi15 will become famous soon enough
افتراضي رد: تقرير عن مشاكل وعيوب نيسان صني 2009 - 2010


المشاركة الأصلية كتبت بواسطة ahmedmohelsayed مشاهدة المشاركة

بصراحة انا كل ما قرب اقول خلاص هاشتري نيسان صني
ارجع اقلق من التقفيل المصري ومشاكله وشكاوي الناس منه رغم اقتناعي بقوة هذه السيارة
علشان كده قررت اعمل التقرير ده لكل من يريد ان يستفيد منه فيما بعد حتى لا يحتار احد مثل حيرتي الان

اغلب الشكاوي اللي سمعتها وقرأتها في المنتدى ده وغيره تتلخص في الآتي:

1-عزل غير جيد
2- كراسي بتزيق
3- كنبه بتهبط
4- دركسيون تقيل نسبيا
5- بعض المشاكل المتعلقة بالمساعدين والعفشة
6- صوت الموتور العالي مقارنة بمثيلاتها 1600 cc
7- ضيق الكنبه الخلفية

ارجو من كل من جرب نيسان (2009 او 2010) او يملكها ان يؤكد او ينفي هذه العيوب
مع مراعاة ان تكون الردود بشكل يحمل كل معاني الامانة والصدق
حتى تتوفر صفة المصداقية لهذا التقرير ليستفيد منه كل من يقرأه او يستند ايه فيما بعد ان شاء الله

انا اشتريت نيسان صنى ملحق 2010---------ترخيص اغسطس عاملة معايا الى الأن 18 الف كيلو السيارة مانيوال(وندمت انى مجبتهاش اتوماتيك) اى اكس صالون لون شامبين

انا هقولك بصراحة
ف هى عزل غير جيد ومع السرعة العالية بحس انى العربية بيدخلها هواء تقريبا دة من الكاوتش او العزل بتاع الأبواب دى فعلا مشكلة
2- الكراسى فعلا كانت بتزيق خصوصا الكرسى الأمامى ولاكن دة اتعمل فى التوكيل كان مشكلة فى ربط المسامير فقط وتم حلة عيب عادى بيتك حلة فى التوكيل بسهولة
3-الدركسيون فعلا تقيل نوعاا ما مش تقيل اوى يعنى النترا اخف منة ومريح عنة لاكن بص هو مش تقيل اوى ممكن نقول الدركسيون عادى ولا تقيل ولا خفيف متوسط لو للسيدات ممكن يبئة تقيل شوية
4- العفشة والماتور فى الموديلات الجديدة ممتازة العفشة كانت مشكلة فى الموديلات السابقة وتم حلها فى 2009 2010 الماتور اتنين كامة وماشاء الله ممتاز واهم مميزاتة ووحش وثابتة على الطريق وافضل من الألنترا فى السفر
5-الكنبة الخلفية فعلا ضيقة مع العلم انى مش تخين بس طويل شوية
6- صوت الماتور عالى الصراحة انا برضة معاك فى دى مقارنة بالنترا شايفة عالى شوية ولاكن مش بالشكل المقزز

بص هى عربية بتاعت شقى وتعب وتشتغل معاك 5 سنين متشتكيش وبتتحمل مش للرفاهية اوى والصراحة انا عندى النترا ونيسان --------------------فى القوة والمتانة والسفر تكسب النيسان ------------------اما الرفاهية والشكل والراحة تكسب الألنترا --------------------------
اتمنى اكون افادتك على قدر معلوماتى النونو وعن تجربتى للنيسان لاكن بشكل عام العربية دى مريحانى خصوصا انى مخصصها للمشقة والتعب والصفر والبهدلة بمعنى اصح
رد مع اقتباس
  #33  
قديم 07-03-2010, 07:40 AM
الصورة الرمزية خالدخليفة
خالدخليفة خالدخليفة غير متواجد حالياً

من انا؟: محب لكل الناس / وارجو من الله العفو والمغفرة
التخصص العملى: تاجر عطور بالجملة -تاجر اراضى
هواياتي: القراءة والاهتمام بعلم الحديث الشريف
 
تاريخ التسجيل: Sep 2009
الموقع: الزيتون
المشاركات: 1,810
خالدخليفة has a reputation beyond reputeخالدخليفة has a reputation beyond reputeخالدخليفة has a reputation beyond reputeخالدخليفة has a reputation beyond reputeخالدخليفة has a reputation beyond reputeخالدخليفة has a reputation beyond reputeخالدخليفة has a reputation beyond reputeخالدخليفة has a reputation beyond reputeخالدخليفة has a reputation beyond reputeخالدخليفة has a reputation beyond reputeخالدخليفة has a reputation beyond repute
افتراضي رد: تقرير عن مشاكل وعيوب نيسان صني 2009 - 2010


المشاركة الأصلية كتبت بواسطة ahmedmohelsayed مشاهدة المشاركة

بصراحة انا كل ما قرب اقول خلاص هاشتري نيسان صني
ارجع اقلق من التقفيل المصري ومشاكله وشكاوي الناس منه رغم اقتناعي بقوة هذه السيارة
علشان كده قررت اعمل التقرير ده لكل من يريد ان يستفيد منه فيما بعد حتى لا يحتار احد مثل حيرتي الان

اغلب الشكاوي اللي سمعتها وقرأتها في المنتدى ده وغيره تتلخص في الآتي:

1-عزل غير جيد
2- كراسي بتزيق
3- كنبه بتهبط
4- دركسيون تقيل نسبيا
5- بعض المشاكل المتعلقة بالمساعدين والعفشة
6- صوت الموتور العالي مقارنة بمثيلاتها 1600 cc
7- ضيق الكنبه الخلفية

ارجو من كل من جرب نيسان (2009 او 2010) او يملكها ان يؤكد او ينفي هذه العيوب
مع مراعاة ان تكون الردود بشكل يحمل كل معاني الامانة والصدق
حتى تتوفر صفة المصداقية لهذا التقرير ليستفيد منه كل من يقرأه او يستند ايه فيما بعد ان شاء الله
بص ياعمنا انا معايا صنى 2008 وهييا مش فارقة عن 2009 او 2010 غير فى شكل الفوانيس الامامى اللى يديك احساس انها اصبحت اصغر شوية من موديلات 2008 وماقبلها وهرد فى حدود تجربتى المتواضعة وهيا عاملة 60 الف كيلو فى حوالى سنة لانى كنت اول م جبتها لورى خبطنى من ورا راح دخلنى ف بيت وشركة التامين قعدت تلاعبنى هيا والورشة لان الشركة مش عايزة تصلح عند الوكيل المهم انها حكاية عطلتنى سنة وبالتالى انا بعمل بيها متوسط من 5000 الى 6000 كيلو شهريا يعنى بقعد فيها اكتر من بيتنا
اولا / موضوع العزل غير الجيد
انا شخصيا فهمت الموضوع ده لما ركبت عربيات تانية والمسألة ان موتور الصنى اقوى موتور 1600 فى السوق وهو الوحيد اللى بيطلع 118 حصان ورغم القوة الجبارة للموتور ده الا ان استهلاكه للبنزين 125 كيلو لكل 10 لتر على الطرق السريعة وبسرعة 100 تقريبا وعلشان شركة نيسان توصل للمعادلة دى (موتور جبار مع استهلاك اقتصادى للبنزين ) مركبين جهاز صغير الحقيقة مش فاكر اسمه لكن قريته هنا فى المنتدى وده بيعلى صوت الموتور ويبان بنسبة بسيطة لما تقفل العربية
ورغم انى حولتها غاز والغاز بيقلل سحب العربية الا ان اقصى سرعة ليها بالغاز 170 ورغم الاحمال اللى ممكن توصل 800 كيلو او اكتر الا ان سحبها بيوصل الى 140 كيلو رغم الحمل وده سببه الموتور القوى
لكن الهواء والرطوبة كده عزل تااام لدرجة انى لما بقفلها بحس انى عايز انام
ثانيا/ الكراسى اللى يتزيق والكنبة اللى بتهبط ده كلام انا مشفتوش مع العلم انا بعاملها ك نص نقل وممكن احط فيها بضاعة يصل وزنها الى اكتر من 800 كيلو زى م قلت قبل كده
من كراتين زجاج العطور لجراكن الكحول لعبوات العطور نفسها و دى حاجات اوزانها تقيلة
ولاهبطت الكنبة ولاغيره هيا بس اللون البيج للفرش بقى مليان بقع ووساخة وبقى شكلها معفن وغسلتها مرتين ب 150 جنيه المرة من جوه لكن بعضهم حذرنى وقالو غسيل البخار الكتير بيهلك الفرش ولو الكراسى بتهبط كان كرسى السواق اللى انا قاعد عليه معظم اليوم كان مات مش هبط وبس لانى احيانا بخرج منها مش قادر ادوس على رجلى وتعبان من قعدة الكرسى فمبالك الكرسى نفسه مفروض يقع من كتر الاستعمال
ثالثا /حكاية الكنبة الضيقة دى اول مرة اسمعها لانى انا يوم م كنت رايح اشترى عربيتى انا عارف انى هعاملها زى عربية نص نقل مش ملاكى فكنت عايز عربية واسعة علشان تشيل بضاعتى ونويت بعد تفكير عميق انى اجيب اللانسر وتوكلت على الله واخدت واحد صاحبى طويل ( طوله 185 ) علشان اشوف اوسع فئة فى اللانسر ولما ركبت اللانسر قلتله اقعد ورا يا مباشرة ورجعت بالكرسى لورا فقال انا مش قادر اخد نفسى اه والله كناية عن ان العربية زنقته اوى فجربت النيسان مع انها مكانتش ف بالى اصلا بس كانت واقفة جنب اللانسر فى المعرض فقال بالحرف دى اريـح شوية فجبتها لانى جايبها لبضاعتى مش ملاكى واحيانا فى الشارع عندنا لما اجى اركن ممكن المكان ميكفينيش والا قى لانسر ركنت فيه مرتاحة جدا ففهمت انها فعلا اوسع واطول من اللانسر
وهيا عربية طولها 470 طول الكبوت بس حوالى 120 سم وده معناه 350 سم العربية من جوه + الشنطة وده معناه مساحة كبيرة سواء للشنطة او جوه العربية هل تعلم ان طول اللانوس مثلا حوالى 350 بالكبوت
ثالثا / الدركسيون فعلا تقيل شوية وده سببه مش التقفيل لانى لما سالت قيل لى ان ده علشان المجموعة بتاعتها عمرها يبقى اطول فقلت يمكن الباور بتاعها ضعيف لكن لقيت رغم طولها لكن الباور ماشاء الله عليه
واهم مافى هذه العربية بقى وده اللى يهمك جداااا
الفرامل والثبات
بالنسبة للفرامل رغم انها عادية مش اى بى اس الا انى كنت فاهم انها اى بى اس لحد م مشيت بيها اكتر من 30 الف كيلو و ده سببه انى لما بدوس فرامل بتكلبش فى الارض ومبتزحفـش اومال الاى بى اس شكلها ايه ؟؟؟؟
الثبات بقى د حدوتة على اد فهمى المتواضع
تصميم العربية دى لاجهزة التعليق بتاعتها معمول بحيث فى المنحنيات الصعبة والخطيرة اجهزة التعليق ترفع المساعدين اللى ناحية المنحنى بحيث يعمل زاوية 90 درجة مع الارض فيثبت العربيه فلاتفقد توازنها بسهولة
طيب هنا سؤالين هل شفت عربية نيسان مقلوبة فى منحنى ؟ طيب نسبة الصنى للماركات التانية اد ايه ؟
انا شخصيا بسافر مصر كلها مشفتش نيسان صنى مقلوبة شفت فيرنا كتيييييييير لانسر اقل شوية ولايضاهى النيسان الصنى فى الثبات الا الهوندا سيفيك طيب السيفيك بكام ؟؟؟ والنيسان بكام ؟؟؟ ثم اذا كنت انا باخد المنحنيات الخطيرة بسرعة 100 مع الاحتفاظ بالحارة المرورية وده معناه ثبات عالى جدا
رابعا / انا فى خلال سنة كسرت 2 مساعدين بسبب الاحمال التقيلة جدا اللى ممكن توصل طن وطن الار بع وم اتكسروش بسهولة او مع بعض وانما وانا شايل حمولة حوالى طن الا ربع تقريبا وماشى بسرعة حوالى 130 فوجئت بمطب صناعى عمولة يعنى عاملينه اهالى ميت غمر رفيع وناشف فكسر مساعد منهم
والتانى نفس القصة بعدها بفترة لان من كتر التحميل السوست بتنام شوية
طيب اللى بيشتكو منها بيشتكو ليه
لسببين او لسبب منهم
اما انهم كانو راكبين عربيات تانية غيرها فلاحظ النعومة بدون مياخد باله من حكاية قوة الموتور دى و ده معناه ان اللى بيشتكى من النقطة دى رجليه تقيله على البنزين لان صوت الموتور بيبتدى يبان بعد سرعة 120 كيلو
او اول مرة يركب عربية كبيرة نسبيا فواخد على العربية الصغيرة زى الفيرنا والاكسينت والشيرى وغيرهم فيلاحظ صوت الموتو ر برضه
و فى سبب تالت ده موجود فينا كلنا وهو نفسى شوية وهو ان كل واحد معتقد انه لازم يجيب احسن حاجة فى العالم ومش فاهم انها من صنع الانسان يعنى لازم يبقى فيها مميزات وعيوب وانا شفت واحد فى التوكيل رايح عايز يظبط السنتر بحيث وهو واقف فى شقته فى الدور الخامس يفتح العربية ويقفلها و دى مسافة حوالى 55 متر او60 متر وبيحاولو يفهمو فيه مش مقتنع وخارج يسب ويلعن ويشتم وزعلان والحقيقة انا جربت الحكاية دى بعد م شفت المشكلة دى لقيت ان الريموت اخره حوالى 30 متر او 40 متر بدون عوائق ولما بتكون البطارية اللى جواه جديدة ممكن يوصل 50 متر وده صعب لان الفتح والقفل بيستهلك البطارية طبعا وطبعا بسبب هذا السبب النفسى معظم الشكاوى من ناس ممشيتش بيها الف كيلو على بعض مش من ناس بتركبها بقى لها فترةيعنى لسه اجهزة العربية بتظبط الميكانيزم بتاعها وشارعنا وحده فى حوالى 10 عربيات نيسان صنى مشفتش الشكوى دى غير هنا فى المنتدى
طبعا كل واحد حر فى رايه فى واحد عايز يركب ملاكى يقفل الشبايبك ويجرى بسرعة 150 و 170 وميحسش بصوت الموتور وواحد تانى يهمه قوة العربية ومبيجريش ف مش هيحس بصوت الموتور الا بعد ال100
اما موضوع التقفيل فانا ملاحظتش خاحة غريبة فيها او متركبة بطريقة غلط
هل تعلم ان موديلات 2009 ومابعدها هيا الجيل التاسع للصنى وانا فوجئت ان هذه السيارة تنتج من سنة 1962 او هذا الموديل نفسه وانها تنتج فى 10 مصانع على مستوى العالم وانه تم بيع حوالى 18 مليون سيارة منها
وهل تعلم انها لو عربية فاشلة مش كانو وقفو انتاجها بدل من تطوير شكلها وموتورها
وهل من المعقول ان شركة نيسان تغامر باسمها وسمعتها على مستوى العالم لانها رقم 3 او 2 فى صناعة السيارات على مستوى العالم وانا شخصيا فوجئت بهذا الترتيب علشان يفتحو مصنع فى مصر بدون ميتابعوه او يراقبوه
المسالة اننا شعب عاطفى شوية يعنى ممكن محبش واحد لانى شخصيا مش مرتاح له او العكس وبنغير شوية من بعض لانى كذا واحد اشترو لانسر يبقى اللانسر كويسة او العكس انا قريت هنا فى المنتدى كلام عجيب واحد عمال يقول اشعار على الفيرنا وكأننا من المريخ مثلا منعرفهاش والثبات وقوة الموتور لكن لقناعته بيها ف ده رايه وواحد انا حسيت انه مش متخيل حياته بدون الفيرنا والاسبرانزا اللى فى اكتر من 10 الاف شكوى لجهاز حماية المستهلك منها مبيعاتها اعلى من النيسان يعنى مسالة موضه وغيره من بعض وخلاص ولما تقرا هنا ان واحد بيقول على العربية التيجو انها اعجوبة اسبرانزا تضحك والله لان التراب اللى بتمشى عليه النيسان اقوى من التيجو دى بكتير
العيب المقرف بقى هو نظام نيسان فى مراكز الصيانة يعنى نيسان هو التوكيل الوحيد اللى مش بيعمل صيانة بنفسه هو مدى الصيانة لعدة وكلاء كل واحد له منطقة مو جود فيها و ده نظام غريب شوية لكن يمكن المقصود بيه خلق نوع من التنافسية فيدى خدمة احسن لكن مبيحصلش يروحو عاملينلك تقرير يدفعوك فيه اقصى مايمكن ومرة عملت تقرير عند يونايتد جروب فى الدراسة راحو رصولى رصة طويلة دخلونى فى ييجى 5000 جنيه وديت التقرير لو احد صاحب مركز صيانة ومتمكن كشف على كل اللى بيقولو عليه وبعد ساعتين من النوم فوق العربية وجواها وتحتها ورفعها من كل حتة والكشف بجميع انو اع الاجهزة اللى عنده قال بالحرف / التقرير بتاع التوكيل اهو و راح مقطعه ميت حتة وقال دول بيشتغلوك ومن يومها مروحتش هناك تانى ابدا
دى تجربتى الشخصية مع اقتناعى التا م بموضوع القوة قبل الجمال والنعومة لانى عايز عربية تعيش مش عربية اصرف عليها كل شوية ويمكن لان استعمالى ليها شاق شوية وصاحب مركز الصيانة شافها من يومين فقال انت مطلع ......(لفظ نابى وخارج) ام العربية ههههههههه
وارجو انى اكون افدتك

التعديل الأخير تم بواسطة خالدخليفة ; 07-03-2010 الساعة 08:21 AM
رد مع اقتباس
  #34  
قديم 07-03-2010, 08:34 AM
الصورة الرمزية خالدخليفة
خالدخليفة خالدخليفة غير متواجد حالياً

من انا؟: محب لكل الناس / وارجو من الله العفو والمغفرة
التخصص العملى: تاجر عطور بالجملة -تاجر اراضى
هواياتي: القراءة والاهتمام بعلم الحديث الشريف
 
تاريخ التسجيل: Sep 2009
الموقع: الزيتون
المشاركات: 1,810
خالدخليفة has a reputation beyond reputeخالدخليفة has a reputation beyond reputeخالدخليفة has a reputation beyond reputeخالدخليفة has a reputation beyond reputeخالدخليفة has a reputation beyond reputeخالدخليفة has a reputation beyond reputeخالدخليفة has a reputation beyond reputeخالدخليفة has a reputation beyond reputeخالدخليفة has a reputation beyond reputeخالدخليفة has a reputation beyond reputeخالدخليفة has a reputation beyond repute
افتراضي رد: تقرير عن مشاكل وعيوب نيسان صني 2009 - 2010


المشاركة الأصلية كتبت بواسطة ahmedmohelsayed مشاهدة المشاركة

واستكمالا لسرد المشاكل والعيوب نذكر ما يلي:

8- دواسة البنزين بطيئة الاستجابة فى التسارع .
9- رعشة فى الفتيس .
مستحيل طبعا دواسة البنزين تبقى بطيئة والا ده يبقى عيب ترجع بسببه العربية وتويوتا بتسحب كل موديلات كورولا من السوق بسبب العيب ده لكن هيا دواستها تقيلة شوية زى العربيات القديمة فاللى بيشتكى من العيب ده يبقى ركب عربيات موديلت تانية حديثة
رعشة فى الفتيس ده اعتقد بسبب قوة الموتور العالية وده ملاحظتوش غير لما قريته هنا فى المنتدى و ده معناه انها رعشه خفيفة جدا وغير ملحوظة تمااااما
رد مع اقتباس
  #35  
قديم 11-03-2010, 09:26 AM
أحمد الشلبي أحمد الشلبي غير متواجد حالياً
التخصص العملى: محاسب
هواياتي: الغناء والتمثيل المسرحى
 
تاريخ التسجيل: Mar 2010
المشاركات: 53
أحمد الشلبي will become famous soon enoughأحمد الشلبي will become famous soon enough
افتراضي رد: تقرير عن مشاكل وعيوب نيسان صني 2009 - 2010

شكرا ليكم ياجماعة على الإفادة وأنا كنت بقارن بينها وبين السيراتو لإنى هشترى أى منهم الإسبوع ده إن شاء الله
فياريت بقي بإختصار شديد حد يقولى أنهى الأفضل بالظبط الكيا سيراتو ولا النيسان صنى ؟
عايز رد ويكون بصدق لو سمحتم علشان خلاص أتوكل على الله وأشترى

مع العلم إنى كان عندى عربية داتسون 140 موديل 1980 ولسه بايعها السنة اللى فاتت ومعملتش ولا مرة عمرة موتور لإن موتور نيسان يابانى
ياريت تقولولي الكيا سيراتو ولا النيسان صنى ؟ أشترى أنهى ؟
رد مع اقتباس
إضافة رد

أدوات الموضوع

ضوابط المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code متاحة
كود [IMG] متاحة
كود HTML متاحة

الانتقال السريع

 MasrMotors غير مسؤول عن أي اتفاق تجاري أو تعاوني بين الأعضاء
التعليقات المنشورة لا تعبر عن رأي MasrMotors ولا نتحمل أي مسؤولية قانونية حيال ذلك ويتحمل كاتبها مسؤولية النشر


الساعة الآن 09:19 PM.


Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017