يوميات رينو رينبو ... اسعار قطع غيار وكل شيئ عنها

[eltokhy1979]

الحمدلله الموضوع طلع بسيط والعداد شغال وزى الفل

[OTATA]

يا جماعة بجد انا بفكر ابيع عربيتي الكليو واشتري رينبو
انا بصراحة كلمت الاستاذ احمد صاحب الموضوع والراجل كلمني عن العربية بكل امانة ومن كلامة عرفت ان اهم مميزات السيارة ان قطع غيارها تعتبر رخيصة بالنسبة لباقي قطع غيار رينو وعربية واسعة وشكلها مقبول اووووووووووووووووووي
ولما اطلعت على موضوع الاستاذ احمد بردوا بتاع التجار بجد يا جماعة اتصلت ولقيت فعلا قطع غيارها رخيصة وممتازة ومعمرة دا حسب كل اللي جرب العربية وفي واحد ميكانيكي اسمه مدحت لما سالته عنها اتضح انه عنده واحدة وقالي لاان من اهم مميزات الرينبو عفشتها قوووووووووووووووية جدا ما شاء الله وربنا يحمي ويبارك
اخيرا بوجه كل الشكر والتقدير لاستاذ احمد عبدالحكم اللي عمل كل المواضيع الممتازة بس بعتب عليه عتاب من اخت لاخوها انه عمل صفحة للميكانيكي اللي اسمه سيد بتاع بولاق الدكرور ومنطقة الشوربجي في موضوع اسمه اخيرا ميكانيكي رينو فقط في فيصل وبولاق الدكرور لان سيد دا بجد حراااااااااااااااامي وحمااااااااار وشغله اسطمبات وبجد كرهني في الكليو بتاعتي عموما بشكر المنتدى الجميل واخي الاستاذ احمد عبدالحكم
والسلام عليكم

[eltokhy1979]

الاخت العزيزة تاتو ..على فكره انا لسه شاري رينو رينبو 97 من يومين بس وماشاء الله ممتازة
ربنا يبارك فيها ...لو تحبي اديلك رقم تليفون ميكانيكي شاطر جدا فى الرينو تحت أمرك طبعا وهو فى القاهرة الجديدة وانسان محترم جدا والف مبروك مقدما لو هتشتريها

[TMenshawy]

المشاركة الأصلية كتبت بواسطة eltokhy1979 الاخت العزيزة تاتو ..على فكره انا لسه شاري رينو رينبو 97 من يومين بس وماشاء الله ممتازة ربنا يبارك فيها ...لو تحبي اديلك رقم تليفون ميكانيكي شاطر جدا فى الرينو تحت أمرك طبعا وهو فى القاهرة الجديدة وانسان محترم جدا والف مبروك مقدما لو هتشتريها

السلام عليكم يا أستاذ الطوخى,
ممكن تبعتلى رقم تليفون الميكانيكي الشاطر اللى فى القاهرة الجديدة؟ وعنوانه لو سمحت؟
وهل هو بيشتغل فى الكليو ولا الرينبو بس؟

هو كان شغال فى التوكيل؟

[hakam]

المشاركة الأصلية كتبت بواسطة hakam بفضل الله عز وجل رزقني الله بسيارة رينو رينبو موديل 97 وفور الشراء كالعادة قال لي الفتايين ليه كده ؟؟؟ حد يجيب رينو وكمان رينبو ؟ دي قطع غيارها ناااااااااار وكمان مش موجوده>>>>>> فتسلل الاحباط إلى قلبي والاكتئاب ايضا والسيارة مبقتش عايز اركبها وفكرت ابيعها ولو اخسر 5000 جنية ولكن ,,,,,,,, لما بدأت احتاج قطع غيار واسال عن اللي بيشتغلوا فيها وجدت ان في التوفيقية فقط 7 محلات بيشتغلوا في كل حاجتها تقريبا والمفاجأة ان اسعارها تكاد تكون زي الفيات والشاهين واليكم بعض اسعار قطع الغيار ( خلال ابريل 2011): 1- سلك عداد سرعة صناعة تونس 40 جنية 2- بيبة سرعة صناعة تركي 25 جنية 3- فلتر هواء تركي 25 جنية 4- فلتر بنزين بروحين تركي 12 جنية 5- سير تكييف الماني 25 جنية 6- تيل فرامل امامي ايطالي 75 جنية وفي مصري 45 جنية 7- تيل فرامل خلفي ايطالي اواسباني 125جنية 8- 2 مساعدين امامي الماني عالي الجودة 500 جنية وفي مصري وصيني وتركي في حدود 325 الى 475 9- ترموستات حرارة عادة بـ30 جنية وفي بسلك ( نوع مختلف 80 جنية) 10- سير دينامو فرنساوي 25 واتحاد اوربي 15 جنية وصيني 15جنية *** واليكم مصادر الاسعار وبعض الاماكن التي تبيع قطع الرينبو :ـــ 1- محل اسمه الرضا والنعيم في الدور الثاني بممر التوفيقية وتليفون رقم 25777273 موبيل 0123776686 ودول انا اتعاملت معاهم محترمين جداااااااااااا ولما يكون عندهم شيئ مش موجود يطمنوك ويقولولك انها موجودة في السوق بس مش عندهم وممكن يدلوك تجيبها منين 2- محل جمال البدري 7شارع زكي بالتوفيقية محل رقم 18 تليفون 25752633 ( والحاج جمال صاحب المحل رجل معاملته مقبولة وايضا محترمة) بس عيبه ان لو مفيش حاجة عنده يحسسك انها مش موجودة عشان متسألش عند حد غيرة ودي طبعا مش امانة 3- محل اسمه اسحاق اسكندر في شارع البورصة في التوفيقية بجوار ضرائب الازبكية( ودا انا مشترتش من عنده بس في الحقيقة معاملة ايضا محترمة ) 4- محل اسمه فريد ادوارد بجوار الرواس اول شارع رمسيس من ناحية معروف وميدان عبد المنعم رياض(ودا متعاملتش معاه ولا اشتريت منه)

اخواني الاحباء:
لو حد من ملاك الرينبو قابلته مشكلة في لقمة كالون الباب اوعي يروح يشتري اللقمة الصيني المكتوب على علبتها Geneuse Parts لانها كوالين زبالة وكلها بتفتح على نفس المفتاح يعني بلاش منها من باب الامان دا اولا وثانيا فهي رديئة جداااااااااا وبتتكسر لان القطاش بتاعها بلاستيك طيب والحل ايه؟
الحل بسيط انك تشتري قلب كالون بتاع ميكروباص تويوتا او بتاع عربية نص نقل