|
#1
09-09-2012, 03:22 PM
|
|||
|
|||
مساعده في خطوات تجديد فيات 131
السلام عليكم ورحمه الله وبركاته
ان شاء الله تعالى نويت اني اعمل شغل فى عربيتي بحيث احاول ارجعها زي حاله المصنع او اقرب ما يكون فعاوز اعرف ايه اللي ابدء بيه بالنسبة للسمكرة رحت امبارح للسمكري بتاعي علشان يعاين العربية قبل الشغل فاول حاجه قال انها هتكون محتاجه 4 ابواب http://masrmotors.com/vb/showthread.php?t=97276 و لسه باقي الشغل اللي هيطلع لما نفك والبارومه اللي هتبان ولسه مش اتفقت معاه علي الفلوس ( معرفش لسه الرينج كام ولا الاتفاق هيكون علي الفلوس شاملة الدخان ولا ايه ) العربية الخبطات اللي فيها كالتالي: - نقره صغيرة فى بوز الرفرف الامامي شمال - باب السواق فيه خبطه من تحت يعني من تحت الجريده لحد تحت ودي بسبب ان فيه موتوسيكل اتزحلق ودخل فيا ( يعتبر الجزي اللي تحت الجريده العريضه كامل به الخبطه دي ) - الرفرف الخلفي شمال فيه كحته صغيرة فوق الجريده الرفيعه - الرفرف الخلفي شمال فيه نغزه صغيره فى البوز - الباب الخلفي يمين العتب بتاعه مش مضبوط نتيجه سوء السمكري اللي عمل العربية الشده اللي فاتت - الباب الامامي يمين فيه حته بارومه فى عتبه الباب نفسه دي الحاجات اللي باينه قدامي دع غير الصور بتاعت الابواب والبارومه اللي تحت نيكل الزجاج ناوي افك الماتور اطلعه بره علشان كان فيه حته صدا او بارومه صغيره جنب الموتور و علشان الراجل يشتغل براحته وكمان علشان لما اجي اركب عزل الماتور يركب براحته بدل ما يحشرة الدوكو : الشده اللي فاتت كان الدوكو مش كويس فالنتيجه انه نطر و شقق فى اماكن محدده وكان سطحه لو شفته فى انعكاس الشمس او النور عليه هيظهر ان فيه تشعيرات كده زي منظر الجلد لما يكون حتت فيه مكرمشة وكمان كان راشش العربية فوق الدوكو بتاعها القديم خالص فبفكر اجيب العربية علي الصاج و ارشها من تاني وناس صحابي بيقولوا لي حرام العربية تسحقها و ترشهابس كده هيكون العربية عليها 3 طبقات رش اول طبقه خالص بعدها الطبقة اللي بايظه اللي هتتسحق والطبقه الاخيره اللي لسه هتترش وكنت سئلت بتاع الدوكو عن العربية تترش بكام لو العربية ع الصاج قال لي من 2000 : 2500 بالنسبة للفرش والسروجي عاوز ازود العزل بتاع العربية باني احط لباد اوعازل فوم في كل مكان يمكن يجي منه حرارة حاليا انا كنت عامل كده مع الفتيس والمنطقه حواليه اني عامل له زي قميص من الفوم الفضي والعربية ارضيتها فيها سجاده تخينه كده اظن ان فيهابلاك وفوقها طبقة الموكيت وبرضه فيها بلاك فلسه عاوز اشوف ايه اللي ممكن اعمله للعزل وهل ينفع اني احط اللباد الفضي ده او اي ماده عازله تحت فرش السقف بحيث يقلل من نفاذ الحرارة من السقف حاله العربية حاليا ان فيها الفرش الأصلي بتاعها والحمد لله بحالته و راكب فوقه كسوه الكسوه مش شكل الفرش بتاعها فكنت بفكر لو حبيت اركب فرش جلد فوق الفرش الاصلي للعربية بحكم ان خلفت وبنتي لسه صغيره واني بسمع ان فرش الجلد اسهل فى التنظيف و كده بس الارضيه بتاعت العربية فيها السجاده الموكيت بتاعتها فهل ينفع اني احط فوقها ارضيه جلد ولا لا خايف ان الارضية كده تكون عاليه بالنسبة للدواسات والعتب البلاستيك الكراسي بتاعت العربية رههرطت وشكلها عاوزه تتحشي او اعتقد بيسموها تتملي اسفنج او كده الكهرباء الفوانيس بتاعت العربية حالتها اظن انها كويسة ماعدا الفانوس الخلفي شمال مخروم بسبب لمضه سيحت البلاستيك الابيض اللي وراها فبدور علي فانوس او حد يبيع البلاستيك ده لوحده وكمان كنت فكيت العدادات علشان اغير ليها اللمبات فبعد ما غيرتها وركبتها لقيت ان المفتاح اللي بيعلي نور العدادات ويوطيه باظ فحاولت مع واحد بتاع عدادات لحد لما لقى عنده واحد العمود بتاعه بايظ المهم خدته منه ولصمته مع بتاعي بقى شغال ولسه امبارح نور العدادات رجع فصل تاني معناها ان المفتاح باظ فهل انا لما فكيت العدادات ونظفتها و غيرت اللمظ ممكن اكون بوظت حاجه او اللمض اللى حطتها بتبوظ المفتاح اللي بيعليها ويوطيها مع اني كنت حريص علي اني اختار لمض نفس القدرة بتاعت اللمض القديمه ان شاءالله هصور ليكم العربية من كافه الزاويا وهنزلها ليكم هنا علشان تشوفوا الحاله الفعليه ليها حاليا وتقدروا معايا محتاجه شغل قد ايه
__________________
Magdy Moharam
لا نفع للمال اذا كانت النفس فقيرة ولا ضرر من الفقر اذا كانت النفس غنية تلاوة رائعه للشيخ / احمد العجمى http://www.megaupload.com/?d=LGN69J4S 
|
|
#2
09-09-2012, 03:52 PM
|
||||
|
||||
|
رد: مساعده في خطوات تجديد فيات 131
ربنا يعينك بإذن الله الموضوع هياخد وقت جامد
السروجى يفك كل قشاية فى العربية هتجيب كاوتش عزل من عند الموان مع اللباد والفوم الحرارى الفضى انا عملت فوم حرارى فى السقف الكهربائى هو اللى يفك كل حجات الكهرباء ويأمن الضفيرة علشان العربية هتبقى متفتحه التبلوه كهربائى يفكه علشان مايتبهدلش (ده لو هتشيل الأزاز الأمامى والخلفى ) العربية تاخد بوتمين من جوا ومن تحت وطبعا تراجع لو فيه بارومة تتقص وتتلحم حاول بقى تخلى كهربائى كويس هو اللى يفك ويقفل وخلى السروجى ياخد وقته فى التوضيب وبإذن الله هتطلع حاجة كويسة ربنا يباركلك فيها
|
|
#3
09-09-2012, 03:56 PM
|
|||
|
|||
|
رد: مساعده في خطوات تجديد فيات 131
نسيت اقول ان الشكمان عاوز يتغير من 2005 وانا مقضيها لحامات من ساعتها لانه يعتبر داب فى اكتر من مكان والعلب فيها برومه و بتخر مياه
__________________
Magdy Moharam
لا نفع للمال اذا كانت النفس فقيرة ولا ضرر من الفقر اذا كانت النفس غنية تلاوة رائعه للشيخ / احمد العجمى http://www.megaupload.com/?d=LGN69J4S
|
|
#4
09-09-2012, 03:59 PM
|
|||
|
|||
|
رد: مساعده في خطوات تجديد فيات 131
ازاي العربية هتاخد بوتمين من جوه العربية مش هرشها من جوه
__________________
Magdy Moharam
لا نفع للمال اذا كانت النفس فقيرة ولا ضرر من الفقر اذا كانت النفس غنية تلاوة رائعه للشيخ / احمد العجمى http://www.megaupload.com/?d=LGN69J4S
|
|
#5
09-09-2012, 04:01 PM
|
|||
|
|||
|
رد: مساعده في خطوات تجديد فيات 131
و كاوتش عزل هو ده اللي بيركب فى حلقان الابواب والكبوت والشنطه وكده ولا ده كاوتش تراب
__________________
Magdy Moharam
لا نفع للمال اذا كانت النفس فقيرة ولا ضرر من الفقر اذا كانت النفس غنية تلاوة رائعه للشيخ / احمد العجمى http://www.megaupload.com/?d=LGN69J4S
|
 |
|
|
