استفسار بخصوص المارش و اتوماتيك المارش

[momenhamdy]

بسم الله الرحمن الرحيم

كل عام و انتم بخير ورمضان كريم

انا عندي كام استفسار و عايز اجابه عليهم من اهل الخبره هنا في المنتدي

بالنسبه للمارش و اتوماتيك المارش

1- هل الاتوماتيك الخاص بالمارش لو في اي عطل يحدث عدم اداره للعربيه نهائي بمعني كأن العربيه مفيهاش مارش اساساً

2- هل لو العيب في الاتوماتيك الخاص بالمارش يمكن تغيره القطعه دي لوحدها و لا لابد من تغير المارش كمان ؟؟

3- هل كل انواع المارش و اتوماتيك المارش بتركب علي كافه الملاكي و لا لا ؟؟

4- اسعار الاتوماتيك المارش و المارش اد ايه ؟؟؟ و ايه افضل الانواع ؟؟

انا عارف ان الاسئله كتير و اسف علي الاطاله

تقبلوا تحياتي

[atgps]

السلام عليكم،،
- هل الاتوماتيك الخاص بالمارش لو في اي عطل يحدث عدم اداره للعربيه نهائي بمعني كأن العربيه مفيهاش مارش اساساً
*(نعم، ولكن هل يمكنك وصف العطل، فربما هناك سبب آخر)

2- هل لو العيب في الاتوماتيك الخاص بالمارش يمكن تغيره القطعه دي لوحدها و لا لابد من تغير المارش كمان ؟؟
* بالطبع يمكنك شراء الاوتوماتيك بدون المارش

3- هل كل انواع المارش و اتوماتيك المارش بتركب علي كافه الملاكي و لا لا ؟؟
*لا... لكل ماركة وموديل وسنة تصنيع شكل مختلف وهذا يعتمد على نوع سيارتك

[momenhamdy]

المشاركة الأصلية كتبت بواسطة atgps السلام عليكم،، - هل الاتوماتيك الخاص بالمارش لو في اي عطل يحدث عدم اداره للعربيه نهائي بمعني كأن العربيه مفيهاش مارش اساساً *(نعم، ولكن هل يمكنك وصف العطل، فربما هناك سبب آخر) 2- هل لو العيب في الاتوماتيك الخاص بالمارش يمكن تغيره القطعه دي لوحدها و لا لابد من تغير المارش كمان ؟؟ * بالطبع يمكنك شراء الاوتوماتيك بدون المارش 3- هل كل انواع المارش و اتوماتيك المارش بتركب علي كافه الملاكي و لا لا ؟؟ *لا... لكل ماركة وموديل وسنة تصنيع شكل مختلف وهذا يعتمد على نوع سيارتك

الف شكر ليك

انا كنت بستفسر مش اكتر لاني كنت بنقرا هنا في الموضوع موضوع شامل علي الاجزاء الكهربيه الي في العربيه و اكتشفت الجزء الخاص بالمارش و الاتوماتيك و كنت عايز اعرف ايه اثر الاتوماتيك في القصه دي و لو في عطل ايه الي يحصل و كمان انواعه و هل كلها متوفقه و هكذا

ولك اجمل تحيه

[haderkhalaf]

متابع بشده لان نفس المشكله دي عندي في 307 2007 sw
وعايز اعرف ما مدي جدوة اصلاح المارش العمر افتراضي للتصليح وهل التصليح موجدي ولا مصاريف علي الفاضي ويفضل شراء مارش وياتري جديد ولا استيراد افضل
وشكرااااااااا

[samirayad]

التصليح مجدى

فى حالة وجود عيوب بسيطه بالمارش

مثل الآتى

1- الحاجه لتغيير الشربون

2- الحاجه لنظافته الداخليه بالبنزين والهواء المضغوط

3- الحاجه لتفليج عضو التوحيد الموجود على نهاية عمود العضو الدوار ( الموبينا بلغة السوق )

4- الحاجه لتغيير جلب مارش

كل دى عيوب بسيطه وغير مكلفه وتتعمل مره واحده

وطالما الأتوماتيك سليم والموبينا والمخدات سلام

يبقى أى مشكله فى المارش تتعالج وبتكاليف بسيطه