اسف علي التاخر في الرد
بالنسبة لان دايرة البنزين مقفولة علطول دة لا يمكن (ممكن جداً)
وجرب كدة اي عربية اعرف مكان مؤشر البنزين فيها واركنها مثلا 3 او4 اسابيع من غير استخدام ولاحظ مؤشر البنزين هتلاقيه قل (انا بسيب عربيتى 4 اسابيع و بسافر مش مره واحده انا كل سنه بسيب العربيه 6 مرات كل مره 4 اسابيع و ساعات 5 اسابيع و لما برجع بلاقى البنزين منقصش) لان البنزين بيحصله بخر طبيعي ودة بيزود الضغط جوة تانك البنزين فلازم يحافظ علي الضغط الجوي جوة فبيتسرب الي الخارج بخار البنزين و او كانت العربية ماشية علطول يعتي البنزين مبيلحقش يتبخر ومع سحب البنزين من التانك دة بيولد ضغط سالب فلو فتحت غطاء التانك هتلاق البنزين طالع منة ودة مبيحصلش عشان في فتحات بتعادل الضغط جوة للضغط الجوي (تنك البنزين مفهوش فتحات كده و خلاص علشان تعادل الضغط او الخلخله, دى منظومه يعنى لو الضغط زاد فى صمام امان بيطلع الضغط الزياده [ولو ان الضغط مش بيزيد داخل التانك علشان البنزين لما بيتبخر بيملا الحيز الفاضى فى التانك و خلاص كده, مفيش حاجه بتزود الضغط جوه التانك] و لو حصل خلخله "ضغط سالب" [وده الى بيحصل] ساعتها هوا من بره حيخش التنك [بيخش من ون واى فالف - فتحه تسمح بمرور الهواء فى إتجاه واحد فقط] نتيجه فرق الضغط و مفيش بنزين حيتبخر ويطلع بره)
وبالنسبة اني لما اعلي رقم الاوكتان بيديني كفاءة احسن فده مبيحصلش و بحث بسيط علي النت مثلا عنونه is the higher octane number improve performance and save the money? هتلاقي الاجابة علي طول (الكلام ده صح لو العربيه المفروض يتحطلها بنزين 90 و انت بتحط 95 ساعتها حتكون بترمى فلوسك, لكن لو العربيه المفروض تحطلها 92 او 90 و انت بتحط 80 فطبعاً كفاءه الموتور حتقل و بالتالى تستهلك بنزين اكتر علشان تاخد نفس القدره و الأداء من المحرك و بالتالى لو حطيط البنزين المظبوط المناسب لعربيتك حيوفر معاك عن لو حطيط اوكتين اقل او اعلى)
وانا مستني ردك واعذرني مرة اخري علي التاخر في الرد (ولا يهمك, المهم انك رديت, انا كنت مستنى ردك برده و انا مستمتع بالنقاش معاك و اتمنى نكون اصدقاء بغض النظر عن نوع البنزين,,)
وانا علي فكرة بردة ميكانيكا باور عين شمس بس لسة في اخر سنة السنة دي
يا سيدى ربنا يوفقك و تنجح و تجيب تقدير(95 مش 80 ههههههه علشان بتفرق) بس ساعتها تعمل عزومه و حفله كبيره و تعزمنى ,,,,
MasrMotors غير مسؤول عن أي
اتفاق تجاري أو تعاوني بين الأعضاء التعليقات المنشورة لا تعبر عن رأي MasrMotors ولا نتحمل أي مسؤولية قانونية حيال ذلك ويتحمل كاتبها مسؤولية النشر
20-10-2009, 10:42 AM
و أصبحت 
رد: بتستخدموا بنزين اية للانوس 2
