محتاج أعمل شوية تعديلات في العربية

[AbOnOrA]

بالظبط فكر افضل تكسى التابلوه جلد بلون جديد وتركب فيه عدادات سبور وتارة جديدة اسهل وارخص

وبالنسبة للجنوط لو 14 بوصة الاندونيسى هيعمل فى حدود 1400 وبعدين فيه الايطالى بس ده اسعارة مضروبة فى تلاتة

وبالنسبة لعصاية الفتيس ممكن اللى هيعمل التابلوه يعملك من نفس الجلد كسوة لعصاية الفتيس وتركب مقبض للعصاية جديد زى اللى حطة دمياطى فى مشاركتة

لو عملت الحاجات ديه وظبطت فرش للكراسى ونجدت سوليتكس البيبان مع شوية اسكسوارات هتلم الدنيا وتظبط الشكل جامد من غير تكاليف وعك

[mahmoudnada80]

السلام عليكم
اولا الجنوط الاندونيسي ال14 مش ب1400 انا شاريها ب1000 ج
ثانيا التابلوه ده ازواق يعني يركب الي يريحه بس فكره الكسوه بتاعت التابلوه مش كويسه
ثالثا انا شفت 131 اجمل من الBMW وهحاول اجيب صورتها
رابعا انا موافق دمياطي في الراي ان الحرفين شغلهم مش كويس

[دمياطي ماتريكس]

رابعا انا موافق دمياطي في الراي ان الحرفين شغلهم مش كويس

بيشتغلو علشان ياكلو ويشربو لا غير...أما العمل بضمير انسى.

[mohamedezat]

بص ساسيدى بالنسبه للشكل الخرجى انا ممكن اصمملك حاجه
دى قبل



دى بعد

[gadix]

السلام عليكم
انا عايزكم اشكركم كلكم المنتدي بتاعكم رائع و اخيرا لقيت حد "يبل ريقي" انا سألت في منتديات تانية و نشفوا دمي و موصلتش لمعلموة مفيدة بس هنا اهل الخبرة كلهم

بصوا يا سادة انا هنقل لكم المعلومات كامة عشان تعرفوا تفيدوني اكتر
1- العربية بتاعت حمايا و هي تقريبا هتبقي تحت ايدي علي طول فعايز اتعلم فيها كل حاجة يعني عايز اعملها حقل تجارب عشان و ناوي اشتري عربية بعد سنة ان شاء الله او يمكن اقل المهم اني اتعلم كل حاجة عن العربيات

2- العربية حالتها زبالة عشان حمايا مش مهتم بيها خالص

3- التابلوة مدغدغ و عشان كدة عايز اغيره

4- انا معايا كريديت كارد و ممكن اشتري من النت زي ما الاخ كان بيسأل

5- انا حاليا في جنوب افريقيا تبع الشغل و راجع بعد اسبوع ان شاء الله هل تنصحوني بحاجة اسأل عليها هنا للعربية متكونش موجودة في مصر و تبقي ارخص من مصر؟