آخر أسعار سوق المستعمل

[bishoy1221]

ممكن اعرف سعر عربيه هيونداى فيرنا (ستار)2010
5 الاف كيلو فقط
اوتوماتيك + فول اوبشن + فرش صالون+ رخصه ل 2013 + فبريكه جوه و بره ماعدا بعض الخدوش و حكه بسيطه ف الرفرف الامامى و صوره اهى (http://imageshack.us/f/809/1000919h.jpg/)
و فى صور كمان مع الصوره دى لباقى العربيه

[nsamooo]

لو سمحت كنت عايز اعرف سعر سيات ابيزا 94 و اوبل كورسا 94 و كمان اسكودا فليشيا 97 و يا ريت حضرتك توضح ليا احسن عربية فيهم والف شكر لمجهود حضرتك

[د0تامر محمد]

المشاركة الأصلية كتبت بواسطة nsamooo لو سمحت كنت عايز اعرف سعر سيات ابيزا 94 و اوبل كورسا 94 و كمان اسكودا فليشيا 97 و يا ريت حضرتك توضح ليا احسن عربية فيهم والف شكر لمجهود حضرتك

كلهم فى رينج ال30000 لو بحالة مميزة جدا والسعر يقل تبعا للحالة
الأسوأ الفيليشيا والأفضل الكورسا

[towfeq]

السلام عليكم و رحمه الله و بركاته
بعد التحيه جزاك الله خير يا د/ تامر على النصح و المعلومه
عايز اسال عن سعر عربيه لانسر موديل من 1997-2000 و بالاخص الكريستاله الشكل القديم اللي بيسموها الارنبة (مش عارف انا ايه شغل جنينة الحيوانات ده ) (الشبكه و الفوانيس الصغيره) او الكريستالة العادية 1600 جميع الكماليات اتوماتيك رشه بره دواخل فبريكه بحاله جيده عاما
تعمل كام ؟
انا مشتري و بدور على الموديل ده -فتعمل كام المواصفات دي ؟
ده اولا :
ثانيا:
عربيه اكسنت 1500 اتوماتيك موديل 1999-2001 جميع الكماليات رشه بره دواخل فبريكه تعمل كام؟
انا عايز اعرف متوسط الاسعار عامه بالنسبه لللانسر و الاكسنت
و المفاضله ما بينهم و يا ريت لو في حاجة كويسة قدامك يبقى كويس
المتاح في حدود 36000 و الاولوية طبعا للانسر و انا عارف ان ده ممكن يكون قليل بس المفاجاة ان فيه والله لان الفترة دي سمعت اسعار في الارض..
اخر حاجة خالص والله :
ليا صاحبي كان معاه نصر 128 موديل 80 وهي 1100 الموتور خفيف .كانت عاملة حادثة و مغيرة ركبة شمال.و اتلحم في القوايم و الحوض و كده و المكنة محتاجة تظبيط و العفشة كمان..بس هو عمل دوكو و سمكرة و جاب كماليات تحفة بصراحة و سنتر لوك و جنوط و كده..هي من الاخر شكل و صالون ممتازين..تعمل كام لو حب يبيع على كده..
والف شكر و ربنا يقويك و يعينك على كتر الاسئلة من امثالي و غيرهم

[د0تامر محمد]

المشاركة الأصلية كتبت بواسطة towfeq السلام عليكم و رحمه الله و بركاته بعد التحيه جزاك الله خير يا د/ تامر على النصح و المعلومه عايز اسال عن سعر عربيه لانسر موديل من 1997-2000 و بالاخص الكريستاله الشكل القديم اللي بيسموها الارنبة (مش عارف انا ايه شغل جنينة الحيوانات ده ) (الشبكه و الفوانيس الصغيره) او الكريستالة العادية 1600 جميع الكماليات اتوماتيك رشه بره دواخل فبريكه بحاله جيده عاما تعمل كام ؟ تساوى من 44-54 حسب الموديل والحالة انا مشتري و بدور على الموديل ده -فتعمل كام المواصفات دي ؟ ده اولا : ثانيا: عربيه اكسنت 1500 اتوماتيك موديل 1999-2001 جميع الكماليات رشه بره دواخل فبريكه تعمل كام؟ تساوى 34-40 حسب الموديل وحالته انا عايز اعرف متوسط الاسعار عامه بالنسبه لللانسر و الاكسنت و المفاضله ما بينهم و يا ريت لو في حاجة كويسة قدامك يبقى كويس المتاح في حدود 36000 و الاولوية طبعا للانسر و انا عارف ان ده ممكن يكون قليل بس المفاجاة ان فيه والله لان الفترة دي سمعت اسعار في الارض.. اخر حاجة خالص والله : ليا صاحبي كان معاه نصر 128 موديل 80 وهي 1100 الموتور خفيف .كانت عاملة حادثة و مغيرة ركبة شمال.و اتلحم في القوايم و الحوض و كده و المكنة محتاجة تظبيط و العفشة كمان..بس هو عمل دوكو و سمكرة و جاب كماليات تحفة بصراحة و سنتر لوك و جنوط و كده..هي من الاخر شكل و صالون ممتازين..تعمل كام لو حب يبيع على كده.. تساوى 12000 والف شكر و ربنا يقويك و يعينك على كتر الاسئلة من امثالي و غيرهم

الأسعار مرتفعة فى هذه الأيام وليس كما سمعت