شتري شيفولية لانوس ام الافيو.

[Kareem Mcgyver]

انا معي دايو لانوس تقفيل وصناعة كوري ولله بعمل بيها عمايل و بجيب بيها 180

[محمد اشرف]

المشاركة الأصلية كتبت بواسطة cars admire انا زبون وقعت في فخ مراكز صيانة منصور وندمت ندم شديد (لانوس 2009)emadgem2004@hotmail.com emadgem2004@hotmail.com يا فندم انت صادق في كل شيء هو فالح بس يعملك اعلانات ويصرف بالملاييين لاكن يجيب ناس بتفهم او مهندسين عندهم ضمير او يطور من استخدام الات المستخدمة في صيانة السيارات واعطالهة لا طبعا كل المراكز المعتمدة اللي هو مدورها ومراكز الصيانة التابعة لية كلها مشغلة عمالة تعبانة ومفيش عليها رقابة وغير منظمة وفوق كدة مفيش ضمير ولا صدق مع العميل انا بتمني كل مواطن فلوسو حلال وتعبان فيها يا ريت ميرميش فلوسو في الارض ويشتري شيفورلية مش علشان المنتج وحش لا علشان هيتسرق طول فطرة الصيانة والضمان وهيتحرق دمو وعربيتو هتبوظ في التوكيل الباشا شغال يعمل اعلانات ويقولك اوع تحط قطعة غيار مش مختومة او محطوت عليها العلامة المائية او اسم GM لاكن للاسف هو نفسو بيخمك وبيحطلك المنتج المصري او اخرك معاة يتحط منتج صيني زي ال ACDelco فرز 20 ربنا يستر علينا من طبقة العمالة والمهندسين اللي شغلين عندة طول فترة الضمان غلطة ومش هتتكرر تاني ان شاء الله وربنا يعوض علينا بس متنسوش تتفرجو علي الاعلان اللي بيقطع كل مسلسل وبرنامج ويقوللك (منصور انت في ايد امينة - ولا - العزم شديد والقوة حديد ) فعلا انت في ايد الست امينة . يا جماعة ده مش توكيل دى ورشة تغبانة لان العمال مش بيفهموا اطلاقا انا نفشى العربية كانت بتقطع و نبطل لوحدها خدوها و عما كل الى يتعمل لمد اسبوع و بعدين قالوا كده تمام و اول م اخذت العربية رجع نفس العيب المهم ان بحثت غلى النت و عرفت السبب و هو انى كان فى كابل معرق ميه فاكيته و نظفته و العربية بقت تمام انصح كل شخص يصلح غربيته خارج التوكيل ده اضمن و بتبقى واقف على عربيتك و بتجيب قطعة الغيار الى انته عايزها ( اصلو او مضروب) ده غير انك بتتأكد انك صلحت العيب لو كله عمل كده التوكيل مش هيشتغل و هيدللوا و هيعملوا عروض علشان الناس تروح تصلح بره و على فكرة الى بيتعمل بره هو الى بيتعمل فى التوكيل بس فى التوكيل بيدحك عليك و عجبى

والله معاك حق

[Aly mdbouly]

اللانوس محركها 86 حصان و1500 سي سي .اما. الافيو محركها 84 حصان و 1500 سي سي يعني اللانوس اقوى وكمان مفيش حد اشتكى منها وانا مجربه وعارف وانت اللي هتحكم

[dr.wael7yran]

انا اقولك القول الفصل ان شاء الله
لان انا كان معايا لانوس 99 زيرو كوري
و بعتها و اشتريت الافيو 2006 زيرو كوري

اولا : من حيث السواقة فهي هي..تاني هي هي...نفس الاحساس ونفس التقل على الارض و نفس السحب مفيش اي فرق
ثانيا : من حيث العفشة فاللانوس انعم بس في مقابل ده واطية على الارض ...يعني كنت بنزل اصحابي قبل مطبات بلدنا العظيمة ... الافيو بقه عالية متخافش عليها في المطبات بس في مقابل ده ناشفة بغباء..المطبات تحس انها بتخبط في عمودك الفقري
في الست سنين بتوع اللانوس مسمعتش صوت من العفشة
الافيو من بعد 20 الف و هاتك يا سيمفونيات ...خبط ورزع و تكة هنا و تزييقة هنا و مالهاش حل الناس كلها غلبت فيها
ثالثا من جوه : الافيو بدون شك اشيك و افخم في التقفيل بدون منازع و ان كان برده كراسيها مرفوعة كده زي اللوجان ...يعني اللانوس قعدتها اريح لو بتسوق مشاوير طويلة
رابعا : التوكيل هوه هواه ..كان زمان ابو الفتوح و كان احسن من منصور بكتير..و اقولك كلام في سرك لسه بيشتغل في اللانوس بس من تحت لتحت...اللانوس هتلاقي قطع غيارها عند السباك
انما الافيو الله اعلم ..و انا عامة لا اسأل في هذا لاني شاب توكيلاتي مبعملش حاجة برة التوكيل
خامسا : التكييف ...ست سنين في اللانوس مقربتش منه ...انما في الافيو مليته مرة في التوكيل بعد 3 سنين و كنت عايز املاه قبل ما ابيعها...و هو هواه...تاني هو هواه في الاتنين
سادسا: اعادة البيع اللانوس اتباعت في 3 ساعات ... وكسبت فيها على فكرة ...يعني ايه؟ كنت شاريها ب 41 الف سنة 99 و بعتها ب49 الف سنة 2006 و ده لانه حصل طفرة جامدة في اسعار العربيات في مصر في الوقت ده
اما الاخت الافيو فاتباعت في 3 ايام و خسرت فيها طبعا ..يعني كنت شاريها 2006 ب 69 الف و بعتها 2011 ب49 الف ... وده لانه كله كان بيقول الشكل القديم طب ما ازود الفين تلاتة و اجيب الشكل الجديد
علما بان العربيتين كانوا في حالة ممتازة و الاتنين راشين بره نضافة و ولا واحدة كانت محتاجة مليم احمر لاني بعمل صيانتي حسب الجدول و زي الكتاب ما بيقول
وانا زعلت على اللانوس لما مشيت...بس موش حاسس بذرة ندم على الافيو

النتيجة : من غير تفكير اللانوس احسن مييت مرة
اللي يقوللك العربيتين هما هما غلطان...اللانوس برقبتها
على الاقل هتوفر على نفسك 9 الاف فرق انت اولى بيهم
و اللانوس شكلها موش هيتغير (128 القرن الواحد و العشرين) فتهبيعها بمنتهى السهولة لو فكرت في اعادة البيع .. و بيسموها في السوق طابع البوستة

بس لو عايز رأيي
زود 10 لاف لو تقدر و هات الريو او النيو اكسنت او حتى الصني
و انت الكسبان
و يارب اكون افدتك ... و عايز اسمع رأيك
و تقبل سلامي

[ahmad elmowafy]

انا بنصحك بشيفروليه افيوا كشكل وامكانيات والاحسن ابعد عن الشيفروليه خالص ولو انت عايز شيفورليه جبلك شيفورليه كروز دي انضف عربيات الي في شوفورليه

بالتوفيق