مطاعم الاسكندرية (دليل تليفونات عناوين)

[dego_story]

المشاركة الأصلية كتبت بواسطة sh_masry موضوع حلو قوى و اعتقد انه يصلح للتثبيت فى ساحه السفارى و الطرق خصوصا انه لامم 90% من ارقام التليفونات بس فين ابوربيع و سيد صواريخ و الشيخ وفيق و بيومى بتاع الجيلاتى و دهب بتاع الفطير و ابو كمال و شبايك و كبده الفلاح و وهبه و العربى هههههههههههههه ؟؟؟ يا باشا خلتنى عايز انزل اسكندريه علشان اضرب من عند الناس دى ههههههه

ههههههههههههههه هو دا ياباشا بالظبط كدة الناس دى من علامات اسكندريه وياعينى على صواريخ والسندوتشات اللى مش ينفع تكلها الا من عندةptmnlo123per122 من الاخر انت جبيت محلات الشعب وبردو فين ياباشا محمد احمد اللى فى محطة الرمل المحل دا علامة من علامات اسكندريه اجمد سندوتش فول من عندة بالزبدة حاجة نااار بجد ياة ماهى اسكندرية ماتكونش عروسه الا بالناس دى ههههههptmnlo123per112

[dego_story]

المشاركة الأصلية كتبت بواسطة أبو عامر موضوع جميل جدا عندي طلب من السكندرانية الجامدين عايزين برنامج ليوم كامل في الاسكندرية من بداية الواحد يفطر فين ويروح القلعة والمسرح الروماني ازاي ويتغدي فين ويحلي من عند مين ويحبس بأجمل كوباية شاي علي انهي قهوة ويروح ستانلي ازاي ويشتري سمك منين وانتم ادري بالباقي

معلش يابو عامر انا لسه شايف الموضوع وعايز اعرف المهم بس عشان اعرف افيدك اكتر انت هتيجى اسكندريه بعربيه ملاكى ولا موصلات عشان ماتوهكش وانا ان شاء الله احاول اوصفلك ابسط طريق واماكن المحلات وتروح ازاى وترجع ازاى ...واعضاء المنتدى ان شاء الله هيضيفو كل حاجة مفيدة لحضرتك تساعدك لما تنور اسكندريه .......ptmnlo123per122

[أبو عامر]

ربنا يبارك فيك يا dego_story واسكندرية منورة بأهلها
إن شاء الله، موصلات وغالبا القطار

[dego_story]

المشاركة الأصلية كتبت بواسطة أبو عامر ربنا يبارك فيك يا dego_story واسكندرية منورة بأهلها إن شاء الله، موصلات وغالبا القطار

بص يابو عامر احنا هنبتدى خطوة خطوة حضرتك ان شاء الله هتنزل محطة مصر او اسمها الحركة محطة اسكندرية من الاخر يعنى اخر الخط يعنى حضرتك هتركب القطر من عندك هتنزل اخر حاجة فى اسكندريه ودى هتكون مصلحة معاك عشان هتكون زى مابيقولو فى وسط البلد المهم هتنزل وهتخرج من المحطة وتنور اسكندريه بحضرتك هتطلع برة على ايدك اليمين هتمشى شويه هتلاقى المسرح الرومانى ptmnlo123per122 هتخلص وتخرج منه هتلاقى عسكرى على البوابه قاله فين شارع النبى دانيال هيوقلك اه ياباشا لانه جنب المسرح المهم هتدخل شارع النبى دانيال وهتاخد الشارع دا لاخر والسكه هناك ماتوهش هتلاقى نفسك بقيت على البحر هتركب مشروع بنص جنيه او تاكسى هياخدك من على البحر هينزلك القلعة وتبقى كدة انت فى القلعة وفى هناك جيلاتى عزة وهتلاقى جنبيك بشويه الشيخ وفيقدا بردو جامد فى الجيلاتى والارز باللبن وهكذا اخخ نسيت دى المحلات اللى هتحلى منها ياباشا هههههه انما لو عايز تتغدى فى مطاعم كويسه كتير بص ياباشا عشان ماتوهكش والموضوع يطول دا ايمليى (dego_story@yahoo.com) مستنى حضرتك فى اى وقت تضيفة ونعرف تكلم كويس على الشات عشان لو فى اسئلة من حضرتك او حاجة حضرتك مش فاهما عشان احاول ان شاء الله اكون اقدر افيدك وتكون رحلة تعجبك ان شاء الله وبردو عشان ماكونش قصرت معاك فى وصف اى مكان ان شاء الله

[أبو عامر]

شكرا يا dego وان شاء الله تكون مرشدنا السياحي في اسكندرية