اسعار بعض قطع غيار ستروين AX

[aymangalal]

المشاركة الأصلية كتبت بواسطة salah89 السلام عليكم اولا ودى اول مرة ادخل المنتدى عشان كنت بدور على اى حاجة على ستروين لان معروضه عليه عربية ستروين ax 95 ب12000 من غير تكييف الفيتيس عند الاولانى بينط والاكصدام الامامى خارج شوية من الجنب وشايف شوية زيت على الماتور بس صاحبى قالى ده جوان التيكهات عاوز يتغير ودى حاجه بسيطة وفانوانيسها القدام مش مربطة كويس بس شغاله والعدادات مشغالة الباب الخلفى الشمال خارج بره شوية بس بيقفل والسنتر لوك شغال والزجاج الكهربا الامامى سليم الصالون متبهدل حاجه بسيطةبس مش وحش جربنا العربية على الطريق صاحبى الساق بيقول حلوه بتسحب حلو الكلام الاخير انا مبعرف اسوق فجبت صاحبى شاقهالى وساقها وقالى بالنسبه لسعرها جميله وعاوزه مصاريف بسيطة هتبقى كويسه سالت واحد قريبى وكان معاه ميكانيكى من غير ما يشوفها قالى دى عربيه مخيفه ومش اى حد يشتغل فيها وقطع غيارها غاليه ومش متوفرة بس هى بصراحة عاجبنى شكلها وسعرها احسن من الفيات بصراحة محتار ايه رايك يا اخ ايمن فى العربيه لانك الوحيد البيتكلم عليها على النت بحماس لو فيه مصدر تانى يقولى ظروف العربية حد يعرفنى بالله عليكم قبل ما اقابل الراجل الاسبوع القادم ولكم جزيل الشكر واسف على الاطالة

بما ان الموضوع ده يخص قطع الغيار فقط فانا فضلت اعرض على نفس المشاركة فى موضوع سيتروين AX كلوب اتفضل على هناك

[aymangalal]

اضافة جديدة من اضافات قطع الغيار
بلية دبرياج ايطالى 55ج من محل اسمه الكومى فى اخر الطيار فكرى من ناحية البحر -امبابة

[sawy22]

اسطوانه وديسك بالرومامبيل بتاعهم عامل 450 جنيه واتدحرج واجري

[aymangalal]

للرفع

والتجديد

[amoooh2004]

المشاركة الأصلية كتبت بواسطة aymangalal السلام عليكم احبائى الكرام حبيت انقل تجربتى فى شراء قطع غيار ستروين ax اللى هى تعتبر غاليه ومش متوفرة بس مش غالية على فترة استهلاكها ومتوفرة مع اللى يدور وان شاء يمكن الكلام ده يكون مفيد لحضراتكم بس طلب صغير :يا ريت ى حد يشوف الموضوع يشارك ولو بكلمة للرفع عشان الموضوع يفضل متجدد والكل يستفيد اولا قطع الغيار الجديد: من فادى اسحاق بالتوفيقية- فلتر زيت 15 فلتر بنزين 30 طقم كهرباء 4 بوجية 30 مراية جانبية 80 2 ريش مساحات 20 سير دينامو 30 سير كاتينة 60 جديد من رقى ستروين -الحرفيين طلمبة بنزين فرنساوى 100 علامة ستروين 20 كلمة ستروين 25 سير دينامو 20 ---------------------------------------------------------- بالنسبة للمستعمل كربراتير استيراد (من احمد كربراتير-امبابة) 275 مع ترك القديم من زعتر بالحرفيين: كونتاكت بالمفتاح 125 2غمازات جانبية 60 من شعبان بالحرفيين: اشارة شمال 50 عصاية فرامل اليد 100 2وش اكرة داخلية 50 وكان عندة شماسات يمين+شمال 150 مساحة خلفية 75 تارة كويسة 125 زرار انتظار 100 ؟؟؟!!!! مش عارف ليه فبر التار(غطاء فوق وتحت بيركب تحد التارة)125 تابلوه حاله جيدة بي لتروين مش مكيفة -لانه مافيهوش فتحات التكييف الجانبية بس نفس شكل الستروين المكيف بجميع زرايرة وكان بيتكلم فى 700 الكلام الازرق ده انا ماشتريتهوش بس سألت عليه (والمفروض انه ناقصنى زرار الانتظار والتارة بالفبر والمساحة الخلفية ووش اكره داخلى وهوايات تكييف والشماسة يمين) يا ريت لو حد يعرف حد عنده الحاجات دى بأسعار مهاوده يدلنى معلش نسيت اكتب بعض اسعار الحاجات دى من عند ياسر بالحرفيين لانى روحت له وسألته على اللستة list اللى محتاجهه بس مااشتريتش من عنده -لان وهوه بيدور على اللى انا عايزة جاله زبون عايز 4 ابواب لعربيتة فقالة كمان خمس دقايق عدى عليا وطبعا الخمس دقايق عدوا بسرعة والراجل رجع تانى لقى الشاب اللى عند ياسر لسه بيدور على طلباتى فالشاب قاله انتظر لما اخلص الراجل زعل وقاله يعنى ايه هوه انا بشتر ببلاش انا جاى اشترى وادفع فلوس وقولتى تعالى كمان شوية وجيتلك فا ماينفعش تعطلنى جنبك-قام الشاب اللى بيبيع قاله طيب تعالى معايا لان الابواب فى المحل التانى وانا واقف هنا لوحدى(اللى خلانى امشى ومارجعلوش تانى انه طبعا قفل المحل واخد الزبون اللى انا جاى قبله وقالى تعالى المحل التانى ) بصراحة اتخنقت من الموقف ولا عشان الواحد غلبان ومش بيتكم بتناكة ويشد على البياع يقوم يتنفضله كده عشان كده انا سيته ومشيت على الرغم انه كان عنده اسعار اقل من بره ويمكن موفر حاجات اكتر لكن ماروحتلوش تانى واضايقت جدا طبعا ده مش ذم فى المحل لكن شرح موقف مش اكتر لعل غيرى يستفيد ولما يروح لياسر ده يعرف يخش عليه زاى (معلش كلام كتير بعيد عن الموضوع) المهم كان عنده: الكونتاكت بالمفتاح 100 الاكره الداخلية 25 زرار الانتظار 50 ماكينة المرشدير 50 فيشة المرشدير 10 اشارة امامية 50 المراية الشمال 75 غمازات الواحدة 20 زرار زجاج كهرباء 40 فانوس خلفى كامل 75 للواحد يارب اكون قدرت افيد اخوانى ببعض الاسعار واماكن بيعهم واللى عايز ارقامهم يبعتلى ع الخاص لانى اعتقد وضع ارقام التليفون يعتبر دعاية وده ضد قوانين المنتدى ولوممكن برضه حد عنده تجارب فى شراء قطع الغيار او الصنايعية الكويسين يشارك معانا ومايبخلش علينا

استاذي انت بتقارن بين موديل ايه عشان توصلت لنتيجه ان قطع الغيار غاليه