تحويل السيارة لغاز

[s0144862631]

المشاركة الأصلية كتبت بواسطة حسام البورسعيدى اشكرك يا جميل .. بس للاسف اكيد هتخرج من الضمان ... بس تقدر تتصل بيهم وتتاكد برضه ..

انا فعلا اتصلت بيهم في التوكيل النهارده و قالولي العربية هتخرج من الضمان بس برده انا نفسي اعرف لو تغاضينا عن موضوع الضمان - مجازا فقط - احول لغاز برده ولا لا

[Maged_Samy]

ممكن تتفادى اضرار الغاز انك تدور وتسخن الصبح بالبنزين و بعد كده تشتغل غاز ويفضل كل اسبوع تمشى يوم كامل كل مشاويرك بالبنزين عشان تعوض طبقة الكربون اللى مش بيعملها الغاز
وطبعاً لازم تستحمل وزن وحجم اسطوانة الغاز ال 70 لانها هتاخد نصف الشنطه وكأنك مركب معاك نفرين زيادة فى الوزن وعلى كل ده بتاخد 15 متر غاز بس .

[BASSEM BESO]

انا مش هقدر افيدك اوى لكن على قد معلوماتى الغاز مش مفيد غير من الناحيه الأقتصاديه فقط ومادام العربيه نازله بنزين يبقى خلاص مش لازم تعديل وحرام عليك انك تخرج بره الضمان اللى انت دافع تمنه من حق العربيه فأنا مش مع التحويل خالص .

[Asseros]

انا سيارتى فيرنا 2009 مركب غاز وباعمل بيها فى الشهر 5000 كيلو ... باقولك من الآخر ممتاااااااااااااااااااااا ااااااااااااااااااااااااا اااااااااااااااز
و يركب لأى عربية لان النظام الجديد حقن مباشر فى الموتور يعنى مش بيتلف الموتور و ماتسمعش كلام أى حد يقولك غير كده لأن انت عارف الشعب اللى بيفتى من غير علم و لا تجربة
و كل التفاصيل تحت أمرك لو مهتم ابعتلى على الخاص و نتكلم فى كل شئ ...