ايه رايكم فى موديل a516

[BASSEM BESO]

المشاركة الأصلية كتبت بواسطة eng_ahmed_90210 يا فندم انا سوقت العربيه اكثر من مره , خاماتها رديئه الجوده و تقفيلها زفت ( مصري بقه ) و لازم تشد علي الغيار عشان العربيه تشد معاك و ادائها غير رياضي اصلا و متنفعش الشباب اللي بيحب الشد و الجري , عموما حرام تقارن باللانسر , لما اشوف ان الصيني بقي كويس هقول انه زي الياباني , انا بقول كلمه حق

يابشمهندس احمد اولا شكرا على ردك ثانيا لو هتتكلم على التقفيل المصرى يبقى ده شامل على كل العربيات مش الصينى بس يعنى الفيرنا والنيسان وكل عربيه بتتقفل التقفيل الزباله بتاع مصر كلهم عيوب تقفيل مصرى اما بالنسبه للشد والجرى بالعربيه فكل واحد منا له لستايل معين يعنى انا رغم انى شاب لكن مبحبش الجرى بسرعه عاليه غير على الطرق السريعه واخر سرعه جبتها بالعربيه كانت 170 اظن معقول والثبات روعه لحد 150 مفيش احسن من كده لكن العربيه بأمانه تعتبر على قد فلوسها بالظبط وليس مبالغ فى سعرها وعلى قد الخامات الوحشه فيها اوبشنز محترم جدا جدا يعنى حا جه تعوض حاجه وبعدين شوف الجاك البى كلاس قربت تدخل على ال90 الف حرام ولا حلال بقى وعمر مالصينى هيوصل للكورى ولا الكورى زى اليابانى ولا اليابانى زى الأوروبى بس بتكون فى منافسات ومعايير قريبه وتقبل وجه نظرى وشكرا على ردك الجميل وذوقك العالى وهى وجهات نظر ليس اكتر وانا عايز اقولك حاجه بس ان انا من عشاق التويوتا وركبت موديلات 2004 و2006 منها كتير جداا كانت تقريبا العربيه مبتسبنيش فأنا مجرب وعارف مش بقول وجه نظر بدون اسباب ومره تانيه شكرا لحضرتك على ردك واسلوبك المحترم .

[خالد دبي]

المشاركة الأصلية كتبت بواسطة solight حد يفيدنى يا جماعة حد جرب موديل تيجو من اسبيرانزا يعنى هى عربية 4×4 فيه ناس بيقولوا على صفحتها على الفيس بوك http://www.facebook.com/speranzaegypt "يا اخوانى اللى عايز يشترى متسوبيشى لانسر بس بسعر اوفر وارخص يشترى اسبرانزا 516اقولقكم السبب العفشه اللى قدام واللى ورا تعتبر عفشة المتسوبيشى لانسر والمتور كمان والفتيس هيا كلها متسوبيشى لانسر والاغرب من كده ان موتورها بيولد 119 حصان يعنى تعتبر اكبر موتور فى فئة 1600 سى سى لانه موتورها اقوى من الكورولا والالنترا والفيكترا بس اهم حاجه الاهتمام بيها" حد ليه تعليق هل هى فعلا قريبة من الميتسوبيشي

والله يعني مش عارف اقولك ايه طبعا كل اللي عنده لانسر هيعصب من كلامك ولكن بعيدا عن العواطف السيارات الصيني عجيبه التركيب والتصنيع من وجهه نظري افضل ان لا اركب سيارة على ان اركب سيارة زيرو الشاسيه فيها نازل معووج او ادوس فيها على زرار الاقيه دخل لجوه والى اخره من الهلام الصيني ولكن في ناس عاجباهم وكل واحد ليه وجهه نظر

[amrspeed]

الناس يتقول كلام غريب جدا على الصينى وتلاقيهم بيشفوها فى الشاره ده بالكتير وعمرهم ما ركبوها
ياريت اللى يتكلم يكون عنده العربيه
انا عن نفسى كان معايا 516
بعتها بعد اربع سنين ومشتكتش منها وجبت 620 وانا بقولها وبصوت عالى احسن من اليبانى

[BASSEM BESO]

المشاركة الأصلية كتبت بواسطة amrspeed الناس يتقول كلام غريب جدا على الصينى وتلاقيهم بيشفوها فى الشاره ده بالكتير وعمرهم ما ركبوها ياريت اللى يتكلم يكون عنده العربيه انا عن نفسى كان معايا 516 بعتها بعد اربع سنين ومشتكتش منها وجبت 620 وانا بقولها وبصوت عالى احسن من اليبانى

++++++++++++1
كلام مظبوط وسليم وانا معايا برده 516 داخله على سنه ونص وبدون اى مشاكل كبيره او صعبه اكبر مشكله قابلتنى هى المساعدين والتوكيل غيرهالى فى الحال يعنى كل شىء سهل وبسيط بس احنا اللى بنعقد الدنيا

وانا معايا جعبه من العربيات الصيني عشان بس نوضح

بالنسبه لتركيب قطع الغيار انا عارف انا بقول اي و عن تجارب مش بقول كلام في الهوا
" طب تعرفو ان بيركب كمان عليها قطع من البيجو و الشفرليه "

بالنسبه للثبات و السرعه فكل فئات الاسبرانزا كثبات افضل من المتسوبيشي و حط تحتها ميت الف خط ولو مش مصدق يبقي دي مشكلتك الياباني بيجري مختلفناش بس العربيه بتهدي بعد ال 160 علي عكس تماما الاسبرانزا و الصيني عموما

بالنسبه للتسارع الاسبرانزا مختلفه في تصميم موتورها كون الواحد مش عارف يسوق العربيه و يبقي عارف نقله الغيار علي كام يبقي ده مش عيب عربيه " و قولنا الموضوع ده كتتتتتتتتتتير قبل كده "

بالنسبه للسعر الياباني مبالغ في سعره علي كل العكس الصيني وتحديدا الاسبرانزا

وتقبلو جميعا خالص تحياتي