نفسي اشتري عربيه ... وان شاء الله ربنا يكرمنا

[الزرزار الصغير]

ياجماعه في الاول ومن غير اي مقدمات : دا منتدى جاااااااااااااامد جدا مالوش حل
انا بقالي مثلا اكتر من 5 ساعات بشوف الموضوعات اللي فيه وكلها ماشاء الله جميله ومفيده وخاصة لعديمي الخبره زي حالاتي .
ثانيا بئه : انا معايا 20.000 جنيه كمقدم يعني وكنت عاوز اشتري عربيه زيرو بالتقسيط
بس محتااااااار جدا ........ ناس قالولي جيب لانوس وناس تانيه شايفه الفيرنا وناس تالته بتقول لوجان وناس رابعه عجباها الــ M11
وانا شايف وحاسس ان المقدم اللي معايا ده مش هيجبلي اكتر من سوزوكي سيلاريو او هيونداي I10 وربنا يستر
بس بعد ماشفت وسألت (وياريت لو انا غلطان حد يقولي) حاسس ان شيفروليه لانوس احسن اختيار في كل دول وان شاء الله ربنا يكرم واجدد الاستخاره وربنا يسهل
بس هل المقدم اللي معايا ينفع لشيفروليه لانوس ولا لأ ولو ماينفعش ممكن ادفعه في عربيه نوعها أيه؟؟
انا ممكن ادفع قسط شهري من 700 : 900 جنيه
محل الاقامه : الشرقيه ومحل العمل : القاهره
الضمانات : انا معيد بجامعه خاصه ومرتبي 2200 جنيه ولكن لا استطيع استخراج مفردات مرتب
والدي ضامن وهو موظف حكومي ومفردات المرتب 1350 جنيه صافي
ووالدتي ايضا ضامن ولديها مفردات مرتب
وللتواصل : maeid87@gmail.com
بس ارجوكم ياريت تردوا عليا بسرعه وتقبلوني عضو جديد بينكم في المنتدى الجميل ده

[الزرزار الصغير]

ايه هو انا معنديش امل كده اركب عربيه خااااااااااااااااااالص

[Viva4ever]

انت هتدفع مقدم صغير فلازم القسط يبقى كبير او تدفع مقدم كبير ويبقى القسط صغير لكن مينفعش يبقى مقدم صغير وقسط صغير علشان كده لازم تزود المقدم او تزود الاقسط

يعنى انت بتقول معاك 20 الف يبقى االاقسط للانوس فى حدود 1600/2000 جنيه

[dr.wael7yran]

منور المنتدى
انا جديد هنا زيك برده و عايز اشتري عربية جديدة برده
بس عايز اقولك انه انا كان معايا لانوس و بعدها افيو و سوقت اللوجان بتاعة واحد صاحبي و لقيتها فارقة عنها تماما في السواقة..الاوروبي اوروبي برده

[سالم سلامه]

ربنا يوفقك لما فيه الخير